ശാ​പ​മോ​ക്ഷം ല​ഭി​ക്കാ​തെ ച​ട്ടി​ക്കു​ളം ട്രാം​വെ റോ​ഡ്

ചാ​ല​ക്കു​ടി: ച​ട്ടി​ക്കു​ളം ട്രാം​വെ റോ​ഡ് അ​റ്റ​കു​റ്റ​പ്പ​ണി വൈ​കു​ന്ന​തി​നാ​ൽ യാ​ത്ര​ക്കാ​ർ​ക്ക് ദു​രി​ത​യാ​ത്ര. കോ​ട​ശ്ശേ​രി പ​ഞ്ചാ​യ​ത്തി​ന്റേ​തെ​ന്ന് ജി​ല്ല പ​ഞ്ചാ​യ​ത്തും ജി​ല്ല പ​ഞ്ചാ​യ​ത്തി​ന്റേ​തെ​ന്ന് കോ​ട​ശ്ശേ​രി പ​ഞ്ചാ​യ​ത്തും ഉ​ട​മ​സ്ഥാ​വ​കാ​ശ​ത്തെ ചൊ​ല്ലി കൈ​യൊ​ഴി​യു​ന്ന ഈ ​റോ​ഡി​ന് യാ​ത്ര​ക്കാ​ർ​ക്ക് എ​ന്നും ദു​രി​തം സ​മ്മാ​നി​ച്ച ച​രി​ത്ര​മാ​ണ് ഉ​ള്ള​ത്. കു​ട്ടാ​ട​ൻ​ചി​റ മു​ത​ൽ മ​ണ​ലാ​യി വ​രെ​യു​ള്ള മൂ​ന്ന് കി​ലോ മീ​റ്റ​ർ ഭാ​ഗ​മാ​ണ് റോ​ഡ് കു​ണ്ടും കു​ഴി​യു​മാ​യി പാ​ടെ പൊ​ളി​ഞ്ഞ് കി​ട​ക്കു​ന്ന​ത്.

കോ​ട​ശ്ശേ​രി പ​ഞ്ചാ​യ​ത്ത് ഓ​ഫി​സ് സ്ഥി​തി ചെ​യ്യു​ന്ന ച​ട്ടി​ക്കു​ള​ത്തേ​ക്കും വെ​ള്ളി​ക്കു​ള​ങ്ങ​ര​യി​ലേ​ക്കും കു​റ്റി​ച്ചി​റ, ചാ​യ്പ​ൻ​കു​ഴി മേ​ഖ​ല​യി​ലേ​ക്ക് ചാ​ല​ക്കു​ടി​യി​ൽ​നി​ന്ന് നി​ര​വ​ധി യാ​ത്ര​ക്കാ​ർ ഉ​പ​യോ​ഗി​ക്കു​ന്ന റോ​ഡാ​ണ് ഇ​ത്. റോ​ഡ് ന​ന്നാ​ക്ക​ണ​മെ​ന്ന ആ​വ​ശ്യം അ​ധി​കാ​രി​ക​ൾ അ​വ​ഗ​ണി​ക്കു​ക​യാ​ണ്. ജ​ല​നി​ധി​യു​ടെ വ​ക​യാ​യ ഫ​ണ്ട് ചെ​ല​വ​ഴി​ച്ച് റോ​ഡ് ന​ന്നാ​ക്കാ​മെ​ന്ന് പ​റ​യു​ന്നു​ണ്ടെ​ങ്കി​ലും അ​നി​ശ്ചി​ത​മാ​യി നീ​ളു​ക​യാ​ണ്.

ബ്രി​ട്ടീ​ഷു​കാ​രു​ടെ കാ​ല​ത്ത് ട്രാം​വെ ക​ട​ന്നു​പോ​യ ഭാ​ഗ​മാ​ണ് പി​ന്നീ​ട് റെ​യി​ലു​ക​ൾ പൊ​ളി​ച്ചു​നീ​ക്കി റോ​ഡാ​ക്കി മാ​റ്റി​യ​ത്. ചി​ല ഭാ​ഗ​ങ്ങ​ളി​ലെ കൈ​യേ​റ്റം ഒ​ഴി​വാ​ക്കി​യാ​ൽ വീ​തി​യേ​റി​യ റോ​ഡാ​ണ്. മാ​ത്ര​മ​ല്ല, ഇ​ത്ര​യേ​റെ നേ​ർ​രേ​ഖ​യി​ലൂ​ടെ ക​ട​ന്നു​പോ​കു​ന്ന റോ​ഡ് വേ​റെ​യി​ല്ലെ​ന്ന് പ​റ​യാം. ചാ​ല​ക്കു​ടി​യി​ൽ​നി​ന്ന് കു​റ​ഞ്ഞ സ​മ​യം കൊ​ണ്ട് ച​ട്ടി​ക്കു​ള​ത്ത് എ​ത്താം. എ​ന്നാ​ൽ, വ​ഴി കു​ണ്ടും കു​ഴി​യു​മാ​യി കി​ട​ക്കു​ക​യാ​ണ്. ഇ​പ്പോ​ഴ​ത്തെ ദു​ര​വ​സ്ഥ​ക്ക് കാ​ര​ണം ജ​ല​നി​ധി​യു​ടെ ഭാ​ഗ​മാ​യ കു​ഴി​യെ​ടു​ക്ക​ൽ കൂ​ടി​യാ​ണ്. പൈ​പ്പി​ടാ​ൻ വേ​ണ്ടി രാ​ത്രി​യി​ൽ വ​ന്നാ​ണ് തോ​ടു​കീ​റി​യ​ത്.

വ​ശ​ങ്ങ​ളി​ൽ സ്ഥ​ല​മു​ണ്ടാ​യി​ട്ടും യാ​തൊ​രു വ​ക​തി​രി​വു​മി​ല്ലാ​തെ പ​ല​യി​ട​ത്തും റോ​ഡി​ന് ന​ടു​വി​ലൂ​ടെ​യാ​ണ് പൈ​പ്പ് വ​ലി​ച്ച​ത്. ഇ​ക്കാ​ര്യ​ത്തി​ൽ മേ​ൽ​നോ​ട്ടം കൊ​ടു​ക്കേ​ണ്ട കോ​ട​ശ്ശേ​രി പ​ഞ്ചാ​യ​ത്ത് അ​ധി​കാ​രി​ക​ൾ ജാ​ഗ്ര​ത പു​ല​ർ​ത്തി​യി​ല്ലെ​ന്ന് നാ​ട്ടു​കാ​ർ പ​റ​യു​ന്നു. ഒ​രു വ​ർ​ഷ​ത്തി​ലേ​റെ ദു​ർ​ഘ​ട​മാ​യി കി​ട​ക്കു​ക​യാ​ണ് റോ​ഡ്. സ​ഹി​ക്കെ​ട്ട നാ​ട്ടു​കാ​ർ നാ​യ​ര​ങ്ങാ​ടി​യി​ലെ വ​ള്ള​ത്തോ​ൾ വാ​യ​ന​ശാ​ല​യു​ടെ നേ​തൃ​ത്വ​ത്തി​ൽ മു​ൻ​കൈ​യെ​ടു​ത്ത് പ​ണം മു​ട​ക്കി റോ​ഡി​ൽ മെ​റ്റ​ലി​ട്ട് കു​ഴി​യ​ട​ച്ചി​രു​ന്നു. പ​ക്ഷേ, ശ​ക്ത​മാ​യ മ​ഴ വ​ന്ന​പ്പോ​ൾ റോ​ഡ് പ​ഴ​യ അ​വ​സ്ഥ​യി​ലാ​യി.