മ​തി​ൽ പൊ​ളി​ച്ചു; റോ​ഡ് വീ​തികൂ​ട്ട​ൽ മ​റ​ന്നു

ചാ​ല​ക്കു​ടി: റോ​ഡ് വീ​തി കൂ​ട്ടാ​ൻ നാ​ട്ടു​കാ​രു​ടെ വേ​ലി​യും മ​തി​ലും പൊ​ളി​ച്ചി​ട്ടു, പ​ക്ഷേ വീ​തി കൂ​ട്ട​ൽ മാ​ത്രം ന​ട​ന്നി​ല്ല. അ​പ​ക​ട​ങ്ങ​ൾ പ​രി​ഹ​രി​ക്കാ​ൻ പോ​ട്ട സു​ന്ദ​രി​ക്ക​വ​ല മു​ത​ൽ പോ​ട്ട ആ​ശ്ര​മം വ​രെ​യു​ള്ള ദൂ​ര​ത്ത് സ​ർ​വി​സ് റോ​ഡ് വീ​തി കൂ​ട്ടി നി​ർ​മി​ക്കാ​നാ​ണ് യു​ദ്ധ​കാ​ലാ​ടി​സ്ഥാ​ന​ത്തി​ൽ അ​ത്ര​യും ദൂ​ര​ത്തി​ൽ മ​തി​ലു​ക​ളും വേ​ലി​യും പൊ​ളി​ച്ചി​ട്ട​ത്. ഉ​ട​ൻ വീ​തി കൂ​ട്ടു​മെ​ന്ന് പ​റ​ഞ്ഞ​ത​ല്ലാ​തെ മാ​സ​ങ്ങ​ൾ ക​ഴി​ഞ്ഞി​ട്ടും നീ​ക്ക​മൊ​ന്നും ഉ​ണ്ടാ​യി​ല്ല.

ക​ല​ക്ട​ർ വി.​ആ​ർ. കൃ​ഷ്ണ​തേ​ജ​യ​ട​ക്കം സ്ഥ​ല​ത്തെ​ത്തി നി​ർ​ദേ​ശ​ങ്ങ​ൾ ന​ൽ​കി​യി​രു​ന്നു. എ​ന്നാ​ൽ വീ​തി​കൂ​ട്ടാ​ൻ ന​ട​പ​ടി​​യൊ​ന്നും ഇ​നി​യു​മാ​യി​ല്ല. മു​ന്നോ​ടി​യാ​യി വ​ഴി​യ​രി​കി​ലെ മ​ര​ങ്ങ​ൾ പോ​ലും മു​റി​ച്ചി​ട്ടി​ല്ല. അ​ടി​പ്പാ​ത നി​ർ​മാ​ണ​ത്തെ​ത്തു​ട​ർ​ന്ന് ചാ​ല​ക്കു​ടി​യി​ലെ ഗ​താ​ഗ​ത പ​രി​ഷ്കാ​ര​ങ്ങ​ളു​ടെ ഭാ​ഗ​മാ​യാ​ണ് ദേ​ശീ​യ​പാ​ത​യി​ൽ സു​ന്ദ​രി​ക്ക​വ​ല​യി​ൽ കി​ഴ​ക്കു​വ​ശ​ത്തെ സ​ർ​വി​സ് റോ​ഡ് വീ​തി​കൂ​ട്ടാ​ൻ തീ​രു​മാ​ന​മെ​ടു​ത്ത​ത്.

പോ​ട്ട സു​ന്ദ​രി​ക്ക​വ​ല നി​ര​വ​ധി വ​ർ​ഷ​ങ്ങ​ളാ​യി അ​പ​ക​ട​കേ​ന്ദ്ര​മാ​യി നി​ല​നി​ൽ​ക്കു​ക​യാ​യി​രു​ന്നു. പ​ഴ​യ ദേ​ശീ​യ​പാ​ത വ​ന്നു​ചേ​രു​ന്ന ഭാ​ഗ​ത്ത് സ​ർ​വി​സ് റോ​ഡ് ഇ​ല്ലാ​ത്ത​തി​നാ​ലും പോ​ട്ട ആ​ശ്ര​മം വ​രെ​യു​ള്ള ഭാ​ഗ​ത്ത് വീ​തി കു​റ​ഞ്ഞ​തി​നാ​ലും നി​ര​വ​ധി അ​പ​ക​ട​ങ്ങ​ളും ഗ​താ​ഗ​ത സ്തം​ഭ​ന​വും ഉ​ണ്ടാ​കാ​റു​ണ്ട്.

ഇ​രു​വ​ശ​ത്തേ​ക്കും വാ​ഹ​ന​ങ്ങ​ൾ പോ​കു​ന്ന​തി​നാ​ലാ​ണ് ഇ​ത് സം​ഭ​വി​ക്കു​ന്ന​തെ​ന്നും വ​ൺ​വേ ന​ട​പ്പാ​ക്ക​ണ​മെ​ന്നും ചാ​ല​ക്കു​ടി പൊ​ലീ​സ് ആ​വ​ശ്യ​പ്പെ​ട്ടി​രു​ന്നു. ഇ​തു​പ്ര​കാ​രം പോ​ട്ട​യി​ലേ​ക്ക് പോ​കു​ന്ന വാ​ഹ​ന​ങ്ങ​ൾ ആ​ശ്ര​മം സി​ഗ്ന​ൽ ജ​ങ്ഷ​നി​ലൂ​ടെ റോ​ഡ് മു​റി​ച്ചു​ക​ട​ന്ന് കി​ഴ​ക്കു​വ​ശ​ത്തെ സ​ർ​വി​സ് റോ​ഡി​ലൂ​ടെ പോ​ക​ണ​മെ​ന്ന് പൊ​ലീ​സ് നി​ർ​ദേ​ശി​ക്കു​ക​യും റോ​ഡ് ബ്ളോ​ക്ക് ചെ​യ്യു​ക​യും ചെ​യ്തി​രു​ന്നു.

എ​ന്നാ​ൽ ഇ​തു​മൂ​ല​മു​ള്ള ഗ​താ​ഗ​ത​ദു​രി​തം മൂ​ലം റ​സി​ഡ​ൻ​സ് അ​സോ​സി​യേ​ഷ​നു​ക​ളും പ്ര​ദേ​ശ​വാ​സി​ക​ളും പ്ര​തി​ഷേ​ധം ഉ​യ​ർ​ത്തി. അ​തി​നാ​ൽ ന​ഗ​ര​സ​ഭ പൊ​ലീ​സി​ന്റെ ബാ​രി​ക്കേ​ഡു​ക​ൾ മാ​റ്റു​ക​യും ഇ​വി​ടെ മു​ൻ​സ്ഥി​തി തു​ട​രാ​നും ത​ൽ​ക്കാ​ലം ഗ​താ​ഗ​ത പ​രി​ഷ്കാ​രം ഒ​ഴി​വാ​ക്കാ​നും തീ​രു​മാ​ന​മെ​ടു​ക്കു​ക​യു​മാ​യി​രു​ന്നു. ഇ​തോ​ടെ പൊ​ലീ​സും ന​ഗ​ര​സ​ഭ​യും ഇ​രു​ധ്രു​വ​ങ്ങ​ളി​ലാ​യി.

ഇ​തി​നെ​ത്തു​ട​ർ​ന്നാ​ണ് കി​ഴ​ക്കു​വ​ശ​ത്തെ സ​ർ​വി​സ് റോ​ഡ് വീ​തി കൂ​ട്ടാ​ൻ ധാ​ര​ണ​യാ​യ​ത്. റോ​ഡി​ലേ​ക്ക് ക​യ​റ്റി നി​ർ​മി​ച്ച മ​തി​ലു​ക​ളും വേ​ലി​ക​ളും അ​തി​നാ​യി പൊ​ളി​ച്ചു.

ഒ​രു മാ​സ​ത്തി​നു​ള്ളി​ൽ റോ​ഡ് വീ​തി കൂ​ട്ടു​മെ​ന്നാ​ണ് അ​ധി​കാ​രി​ക​ൾ അ​വ​കാ​ശ​പ്പെ​ട്ട​ത്. അ​തി​ന്റെ ഭാ​ഗ​മാ​യി വൈ​ദ്യു​തി പോ​സ്റ്റ് മാ​റ്റി സ്ഥാ​പി​ക്കാ​നും ത​ട​സ്സ​മാ​യി നി​ൽ​ക്കു​ന്ന തേ​ക്കു​മ​ര​ങ്ങ​ള​ട​ക്കം മു​റി​ക്കാ​നും തീ​രു​മാ​ന​മെ​ടു​ത്തി​രു​ന്നു. എ​ന്നാ​ൽ മാ​സ​ങ്ങ​ൾ ക​ഴി​ഞ്ഞി​ട്ടും ഒ​ന്നും ന​ട​ന്നി​ല്ല. അ​ധി​കാ​രി​ക​ളു​ടെ അ​നാ​സ്ഥ മൂ​ലം സു​ന്ദ​രി​ക്ക​വ​ല അ​പ​ക​ട​കേ​ന്ദ്ര​മാ​യി തു​ട​രു​ക​യാ​ണ്.