ഉ​ദ്ഘാ​ട​നം ക​ഴി​ഞ്ഞി​ട്ട് ഒ​രു വ​ർ​ഷം; പ്രവർത്തനം ആരംഭിക്കാതെ ചാ​ല​ക്കു​ടി താലൂക്ക് ആശുപത്രിയിലെ ട്രോമ കെയർ

ചാ​ല​ക്കു​ടി: ഉ​ദ്ഘാ​ട​നം ക​ഴി​ഞ്ഞ്​ നാ​ളേ​റെ​യാ​യി​ട്ടും ചാ​ല​ക്കു​ടി താ​ലൂ​ക്ക് ആ​ശു​പ​ത്രി​യി​ലെ ട്രോ​മ കെ​യ​ർ പ്ര​വ​ർ​ത്ത​നം ആ​രം​ഭി​ച്ചി​ല്ല. ആ​രോ​ഗ്യ മ​ന്ത്രി​യാ​ണ് ഒ​രു വ​ർ​ഷം മു​മ്പ് യൂ​നി​റ്റ് ഉ​ദ്ഘാ​ട​നം ചെ​യ്ത​ത്.

അ​തി​ന് ശേ​ഷം നാ​ളു​ക​ൾ ക​ഴി​ഞ്ഞ് ആ​ശു​പ​ത്രി​യി​ലെ​ത്തി​യ ആ​രോ​ഗ്യ മ​ന്ത്രി ട്രോ​മ കെ​യ​ർ യൂ​നി​റ്റ് ഉ​ട​ൻ പ്ര​വ​ർ​ത്തി​പ്പി​ക്കു​മെ​ന്ന് വാ​ഗ്ദാ​നം ചെ​യ്തി​രു​ന്നു. എ​ന്നാ​ൽ അ​ത്യാ​ഹി​ത വി​ഭാ​ഗം മാ​റ്റു​ക​യ​ല്ലാ​തെ ട്രോ​മ കെ​യ​റു​മാ​യി ബ​ന്ധ​പ്പെ​ട്ട ഒ​രു സൗ​ക​ര്യ​വും പ്ര​വ​ർ​ത്തി​പ്പി​ച്ചി​ട്ടി​ല്ല. ഇ​വി​ടെ​യെ​ത്തു​ന്ന അ​പ​ക​ട​ക്കേ​സു​ക​ൾ തൃ​ശൂ​ർ മെ​ഡി​ക്ക​ൽ കോ​ള​ജി​ലേ​ക്ക് അ​യ​ക്കു​ക​യാ​ണ്.

ട്രോ​മ കെ​യ​റി​ന് വേ​ണ്ടി പു​തു​താ​യി നി​ർ​മി​ച്ച കെ​ട്ടി​ട​ത്തി​ന് അ​ഞ്ചു നി​ല​ക​ൾ​ക്ക് വേ​ണ്ടി​യു​ള്ള അ​ടി​ത്ത​റ ഒ​രു​ക്കി​യി​രു​ന്നു. എ​ന്നാ​ൽ മൂ​ന്നു നി​ല​ക​ളേ നി​ർ​മി​ച്ചി​രു​ന്നു​ള്ളു. മൂ​ന്നാ​മ​ത്തെ നി​ല ഇ​പ്പോ​ഴും അ​പൂ​ർ​ണ​മാ​ണ്‌. പൂ​ർ​ത്തി​യാ​യ ര​ണ്ടു നി​ല​ക​ളി​ൽ പ്ര​വ​ർ​ത്ത​നം ആ​രം​ഭി​ക്കാ​നാ​യി​രു​ന്നു നി​ർ​ദേ​ശം. പ​​​​ക്ഷേ, ലി​ഫ്റ്റ് സം​വി​ധാ​ന​വും അ​ഗ്നി സു​ര​ക്ഷ സം​വി​ധാ​ന​വും ഒ​രു​ക്കി​യി​ട്ടി​ല്ല. ഇ​പ്പോ​ൾ ആ​റ് ഡോ​ക്ട​ർ​മാ​രാ​ണ് ഉ​ള്ള​ത്. വേ​ണ്ട​ത്ര നി​യ​മ​ന​ങ്ങ​ൾ ന​ട​ത്തി​യി​ട്ടി​ല്ല.

ഉ​പ​ക​ര​ണ​ങ്ങ​ൾ എ​ല്ലാം എ​ത്തി​ച്ചി​ട്ടും ട്രോ​മ കെ​യ​ർ യൂ​നി​റ്റ് പ്ര​വ​ർ​ത്തി​പ്പി​ക്കാ​ത്ത​തി​ൽ പ്ര​തി​ഷേ​ധ​മു​ണ്ട്. ദേ​ശീ​യ​പാ​ത​യി​ൽ ന​ട​ക്കു​ന്ന അ​പ​ക​ട​ങ്ങ​ളി​ൽ പെ​ട്ട​വ​രെ തൃ​ശൂ​രി​ലേ​ക്കോ ക​ള​മ​ശ്ശേ​രി​യി​ലേ​ക്കോ കൊ​ണ്ടു​പോ​കേ​ണ്ട അ​വ​സ്ഥ​യാ​ണ്.

ചാ​ല​ക്കു​ടി താ​ലൂ​ക്ക് ആ​ശു​പ​ത്രി അ​തി​ര​പ്പി​ള്ളി, പ​രി​യാ​രം, കോ​ട​ശേ​രി ആ​ദി​വാ​സി മേ​ഖ​ല​യി​ലെ രോ​ഗി​ക​ൾ ചി​കി​ത്സ തേ​ടി​യെ​ത്തു​ന്ന ആ​ശു​പ​ത്രി കൂ​ടി​യാ​ണി​ത്. ഈ ​പ്ര​ത്യേ​ക​ത മ​ന​സ്സി​ലാ​ക്കി അ​ട്ട​പ്പാ​ടി മാ​തൃ​ക​യി​ൽ ട്രൈ​ബ​ൽ സ്പെ​ഷ്യാ​ലി​റ്റി ഹോ​സ്പി​റ്റ​ൽ ആ​ക്കി മാ​റ്റു​മെ​ന്നും മ​ന്ത്രി പ​റ​ഞ്ഞി​രു​ന്നു. എ​ന്നാ​ൽ അ​തി​നു​ള്ള നീ​ക്ക​ങ്ങ​ൾ ആ​രം​ഭി​ച്ചി​ട്ടി​ല്ല.