മു​രി​ങ്ങൂ​രി​ലെ അ​ടി​പ്പാ​ത നി​ർ​മാ​ണം ജ​ന​പ്ര​തി​നി​ധി​ക​ൾ ത​ട​ഞ്ഞു

ചാ​ല​ക്കു​ടി: ആ​ശ​ങ്ക​ക​ളു​ടെ പ​ശ്ചാ​ത്ത​ല​ത്തി​ൽ മു​രി​ങ്ങൂ​രി​ൽ ദേ​ശീ​യ​പാ​ത​യി​ലെ അ​ടി​പ്പാ​ത നി​ർ​മാ​ണ​ത്തി​ന്റെ പ്രാ​രം​ഭ ജോ​ലി​ക​ൾ ചൊ​വ്വാ​ഴ്ച ഉ​ച്ച​യോ​ടെ ജ​ന​പ്ര​തി​നി​ധി​ക​ൾ ത​ട​ഞ്ഞു. ഇ​തേ തു​ട​ർ​ന്ന് അ​ടി​പ്പാ​ത​യു​ടെ ജോ​ലി​ക​ൾ ക​രാ​ർ ക​മ്പ​നി​ക്കാ​ർ നി​ർ​ത്തി​വെ​ച്ചു. അ​ടി​പ്പാ​ത​യു​ടെ തൂ​ണു​ക​ൾ​ക്കാ​യി റോ​ഡി​ന് ന​ടു​വി​ൽ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് കു​ഴി​യെ​ടു​ക്ക​വേ​യാ​ണ് പ​ഞ്ചാ​യ​ത്ത് പ്ര​സി​ഡ​ന്റ് എം.​എ​സ്. സു​നി​ത, വൈ​സ് പ്ര​സി​ഡ​ന്റ് പോ​ളി പു​ളി​ക്ക​ൻ അ​ട​ക്കം മേ​ലൂ​ർ പ​ഞ്ചാ​യ​ത്തി​ലെ ജ​ന​പ്ര​തി​നി​ധി​ക​ളും മു​രി​ങ്ങൂ​രി​ലെ വ്യാ​പാ​രി​ക​ളും പ്ര​ദേ​ശ​വാ​സി​ക​ളു​മ​ട​ക്ക​മു​ള്ള​വ​ർ സം​ഘ​ടി​ച്ചെ​ത്തി​യ​ത്. പ​ണി ന​ട​ക്കു​മ്പോ​ൾ ഗ​താ​ഗ​തം തി​രി​ച്ചു​വി​ടേ​ണ്ട സ​ർ​വി​സ് റോ​ഡ് പൂ​ർ​ത്തി​യാ​ക്കാ​തെ റോ​ഡ് കു​ഴി​ക്ക​രു​തെ​ന്ന് ഇ​വ​ർ ആ​വ​ശ്യ​പ്പെ​ട്ടു. ഇ​ല്ലെ​ങ്കി​ൽ ഗു​രു​ത​ര ഗ​താ​ഗ​ത​പ്ര​ശ്ന​മാ​ണ് ഉ​ണ്ടാ​വു​ക​യെ​ന്ന് ഇ​വ​ർ ചൂ​ണ്ടി​ക്കാ​ട്ടി.

മൂ​ന്നു മാ​സ​ത്തി​ലേ​റെ​യാ​യു​ള്ള സ​ർ​വി​സ് റോ​ഡി​ന്റെ കാ​ന നി​ർ​മാ​ണം എ​ന്ന് പൂ​ർ​ത്തി​യാ​കു​മെ​ന്ന​റി​യാ​ത്ത അ​വ​സ്ഥ​യാ​ണ്. ഇ​തു മൂ​ലം മു​രി​ങ്ങൂ​ർ ജ​ങ്ഷ​നി​ലെ വ​ഴി​യോ​ര​ത്തെ വ്യാ​പാ​രി​ക​ൾ​ക്ക് ക​ട തു​റ​ക്കാ​നാ​കു​ന്നി​ല്ല. സ​മീ​പ​ത്തെ കൊ​ര​ട്ടി ജ​ങ്ഷ​നി​ലും ചി​റ​ങ്ങ​ര​യി​ലും അ​ടി​പ്പാ​ത നി​ർ​മാ​ണം ആ​രം​ഭി​ച്ച​തോ​ടെ മേ​ഖ​ല​യി​ൽ ഗു​രു​ത​ര ഗ​താ​ഗ​ത​പ്ര​ശ്ന​മാ​ണ് ഉ​യ​ർ​ന്നു​വ​ന്നി​ട്ടു​ള്ള​ത്.

മു​രി​ങ്ങൂ​രി​ൽ മേ​ൽ​പാ​ലം നി​ർ​മി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം. 4.5 മീ​റ്റ​ർ ഉ​യ​ര​ത്തി​ലും 12 മീ​റ്റ​ർ വീ​തി​യി​ലു​മാ​ണ് അ​ടി​പ്പാ​ത നി​ർ​മി​ക്കു​ന്ന​ത്. ഇ​തോ​ടെ മേ​ലൂ​ർ പ​ഞ്ചാ​യ​ത്തി​ലേ​ക്കു​ള്ള പ്ര​ധാ​ന പാ​ത​യാ​യ മു​രി​ങ്ങൂ​ർ-​ഏ​ഴാ​റ്റു​മു​ഖം റോ​ഡി​ലേ​ക്ക് ദേ​ശീ​യ​പാ​ത​യി​ൽ​നി​ന്ന് ക​ണ്ടെ​യ്ന​റു​ക​ള​ട​ക്കം വ​ലി​യ ലോ​റി​ക​ളു​ടെ പ്ര​വേ​ശ​നം അ​സാ​ധ്യ​മാ​കും. ഇ​തോ​ടെ മേ​ലൂ​രി​ന്റെ വ്യ​വ​സാ​യ വി​ക​സ​നം ത​ട​സ്സ​പ്പെ​ടു​മെ​ന്നാ​ണ് ആ​ശ​ങ്ക. മാ​ത്ര​മ​ല്ല, ഇ​തി​ലൂ​ടെ തേ​നി​യി​ലേ​ക്കു​ള്ള അ​ന്ത​ർ​സം​സ്ഥാ​ന പാ​ത​യു​ടെ സാ​ധ്യ​ത​യും ഇ​ല്ലാ​താ​ക്കു​മെ​ന്ന ആ​ശ​ങ്ക​യു​മു​ണ്ട്. കൊ​ര​ട്ടി​യി​ലെ ജ​ന​ങ്ങ​ളു​ടെ പ്ര​തി​ഷേ​ധ​ത്തെ തു​ട​ർ​ന്നാ​ണ് അ​വി​ടെ മേ​ൽ​പാ​ലം നി​ർ​മി​ച്ച​ത്. അ​തു​പോ​ലെ ഇ​വി​ടെ​യും മേ​ൽ​പാ​ലം നി​ർ​മി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.