ഓണം കഴിഞ്ഞിട്ടും ചിറങ്ങര റെയിൽവേ മേൽപാലം പണി പൂർത്തിയായില്ല

കൊ​ര​ട്ടി: ഓ​ണം ക​ഴി​ഞ്ഞി​ട്ടും ചി​റ​ങ്ങ​ര റെ​യി​ൽ​വേ മേ​ൽ​പാ​ല​ത്തി​ന്റെ നി​ർ​മാ​ണം പൂ​ർ​ത്തി​യാ​യി​ല്ല. 2022 ജ​നു​വ​രി​യി​ലാ​ണ് ക​രാ​ർ പ്ര​കാ​രം മേ​ൽ​പാ​ല​ത്തി​ന്റെ പ​ണി​ക​ൾ പൂ​ർ​ത്തി​യാ​വേ​ണ്ടി​യി​രു​ന്ന​ത്. അ​തി​നു​ശേ​ഷം ഓ​ണ​വും പു​തു​വ​ർ​ഷ​വും കൊ​ര​ട്ടി​മു​ത്തി​യു​ടെ തി​രു​നാ​ളു​മെ​ല്ലാം എ​ത്തു​മ്പോ​ൾ പാ​ലം തു​റ​ന്നു​കൊ​ടു​ക്കു​മെ​ന്ന് പ്ര​ദേ​ശ​വാ​സി​ക​ൾ പ്ര​തീ​ക്ഷി​ക്കും.

ഇ​ത്ത​വ​ണ​യും ഓ​ണ​ത്തി​ന് ചി​റ​ങ്ങ​ര റെ​യി​ൽ​വേ മേ​ൽ​പാ​ലം തു​റ​ക്കു​മെ​ന്ന് ക​രു​തി​യി​രു​ന്നു. ലോ​ക്സ​ഭ തെരഞ്ഞെടുപ്പിന് ഒ​രു​മാ​സം മു​മ്പ് റെ​യി​ൽ​വേ പാ​ള​ത്തി​ന് മു​ക​ളി​ൽ ഗ​ർ​ഡ​റു​ക​ൾ കൂ​ട്ടി​ച്ചേ​ർ​ക്കു​ന്ന പ്ര​ധാ​ന പ​ണി ക​ഴി​ഞ്ഞെ​ങ്കി​ലും ബാ​ക്കി​യു​ള്ള പ​ണി​ക​ൾ ഇ​ഴ​യു​ക​യാ​യി​രു​ന്നു. ക​രാ​റു​കാ​ര​ന് ഫ​ണ്ട് ല​ഭ്യ​മാ​കു​ന്ന​തി​ലെ കാ​ല​താ​മ​സ​മാ​ണ് ചി​റ​ങ്ങ​ര മേ​ൽ​പാ​ലം നി​ർ​മാ​ണ​ത്തി​ന്റെ താ​ളം തെ​റ്റി​ച്ച​തെ​ന്ന് സൂ​ച​ന.

മേ​ൽ​പാ​ല​ത്തി​ന്റെ നി​ർ​മാ​ണ ജോ​ലി​ക​ൾ ആ​ദ്യ​ഘ​ട്ട​ത്തി​ൽ അ​തി​വേ​ഗം ന​ട​ന്നി​രു​ന്നു. എ​ന്നാ​ൽ, സ​മീ​പ​കാ​ല​ത്താ​യി മേ​ൽ​പാ​ല​ത്തി​ന്റെ നി​ർ​മാ​ണ​ത്തി​ൽ അ​നാ​വ​ശ്യ കാ​ല​താ​മ​സം വ​രു​ന്ന​തി​നാ​ൽ വെ​സ്റ്റ് കൊ​ര​ട്ടി, ചെ​റ്റാ​രി​ക്ക​ൽ, മാ​മ്പ്ര, ചെ​റു​വാ​ളൂ​ർ തു​ട​ങ്ങി ഭാ​ഗ​ത്തെ ജ​ന​ങ്ങ​ൾ വി​ഷ​മ​ത്തി​ലാ​ണ്‌. അ​തു​പോ​ലെ അ​ന്ന​മ​ന​ട ഭാ​ഗ​ത്തേ​ക്ക് പോ​കു​ന്ന​വ​രും യാ​ത്രാ​ക്ലേ​ശം നേ​രി​ടു​ക​യാ​ണ്.

നി​ർ​മാ​ണ​ത്തി​ന്റെ ഭാ​ഗ​മാ​യി റെ​യി​ൽ​വേ ലെ​വ​ൽ ക്രോ​സ് അ​ട​ഞ്ഞു​പോ​യ​തോ​ടെ കൊ​ര​ട്ടി ജ​ങ്ഷ​ൻ വ​ഴി കി​ലോ​മീ​റ്റ​റു​ക​ൾ ചു​റ്റി​വ​ള​ഞ്ഞ് വേ​ണം ല​ക്ഷ്യ​ത്തി​ൽ എ​ത്താ​ൻ. ഇ​തു​മൂ​ലം കൊ​ര​ട്ടി ജ​ങ്ങ്ഷ​നി​ൽ ഗ​താ​ഗ​ത തി​ര​ക്ക് വ​ർ​ധി​ച്ചി​ട്ടു​ണ്ട്.