ചാ​വ​ക്കാ​ട് ന​ഗ​ര​സ​ഭ​യി​ൽ 3.09 കോ​ടി​യു​ടെ പ​ദ്ധ​തി​ക​ൾ​ക്ക് അം​ഗീ​കാ​രം

ചാ​വ​ക്കാ​ട്: ന​ഗ​ര​സ​ഭ​യി​ൽ 3.09 കോ​ടി​യു​ടെ പ​ദ്ധ​തി​ക​ൾ​ക്ക് അം​ഗീ​കാ​രം. കേ​ര​ള സോ​ളി​ഡ് വേ​സ്റ്റ് മാ​നേ​ജ്മെ​ന്റ് പ്രോ​ജ​ക്ട് പ​ദ്ധ​തി പ്ര​കാ​രം ന​ഗ​ര​സ​ഭ​ക്ക് ല​ഭി​ക്കു​ന്ന 2.49 കോ​ടി, ന​ഗ​ര​സ​ഞ്ച​യ ഫ​ണ്ടി​ൽ​നി​ന്ന് 50 ല​ക്ഷം, ശു​ചി​ത്വ മി​ഷ​ൻ ഫ​ണ്ടി​ൽ​നി​ന്ന് ഏ​ഴ് ല​ക്ഷം, സി.​എ​ഫ്.​സി ടൈ​ഡി​ൽ​നി​ന്ന് മൂ​ന്ന് ല​ക്ഷം എ​ന്നി​വ ഉ​ൾ​പ്പെ​ടെ ആ​കെ 3.09 കോ​ടി​യു​ടെ പ​ദ്ധ​തി പ്ര​വ​ർ​ത്ത​ന​ങ്ങ​ൾ​ക്കാ​ണ് ന​ഗ​ര​സ​ഭ കൗ​ൺ​സി​ൽ അം​ഗീ​കാ​രം ന​ൽ​കി​യ​ത്. കേ​ര​ള സോ​ളി​ഡ് വേ​സ്റ്റ് മാ​നേ​ജ്മെ​ന്റ് പ്രോ​ജ​ക്ട് പ​ദ്ധ​തി പ്ര​കാ​രം ആ​കെ 6.6 കോ​ടി രൂ​പ​യാ​ണ് ന​ഗ​ര​സ​ഭ​ക്ക് ല​ഭി​ക്കു​ന്ന​ത്. ഒ​ന്നാം ഘ​ട്ട​ത്തി​ൽ 15 ല​ക്ഷ​മാ​ണ് ല​ഭ്യ​മാ​യ​ത് ബാ​ക്കി തു​ക​യി​ൽ​നി​ന്ന് 2.49 കോ​ടി ഈ ​വ​ർ​ഷ​വും ബാ​ക്കി തു​ക അ​ടു​ത്ത വ​ർ​ഷ​വും ല​ഭ്യ​മാ​കും. വി​ൻ​ഡ്രോ ക​മ്പോ​സ്റ്റ് പ്ലാ​ന്റ്, വി​ൻ​ഡ്രോ ക​മ്പോ​സ്റ്റ് പ്ലാ​ന്റി​ലേ​ക്ക് മെ​ഷി​ന​റി​ക​ൾ വാ​ങ്ങ​ൽ, എം.​സി.​എ​ഫ്-​ക​ൺ​വെ​യ​ർ ബെ​ൽ​റ്റ്‌ അ​നു​ബ​ന്ധ ഉ​പ​ക​ര​ണ​ങ്ങ​ൾ, ക​വേ​ർ​ഡ് ഗാ​ർ​ബേ​ജ് ട്ര​ക്ക്, ഇ​ല​ക്ട്രി​ക് ഗു​ഡ്സ് ഓ​ട്ടോ-​ര​ണ്ട് എ​ണ്ണം, മാ​ലി​ന്യം ത​ള്ളു​ന്ന​ത് ത​ട​യാ​ൻ സി.​സി ടി.​വി സ്ഥാ​പി​ക്ക​ൽ, ശു​ചീ​ക​ര​ണ തൊ​ഴി​ലാ​ളി​ക​ൾ​ക്ക് സു​ര​ക്ഷ ഉ​പ​ക​ര​ണ​ങ്ങ​ൾ വാ​ങ്ങ​ൽ പ​ദ്ധ​തി​ക​ൾ​ക്കാ​ണ് അ​ടി​യ​ന്ത​ര കൗ​ൺ​സി​ൽ അം​ഗീ​കാ​രം ന​ൽ​കി​യ​ത്. ചെ​യ​ർ​പേ​ഴ്സ​ൻ ഷീ​ജ പ്ര​ശാ​ന്ത് അ​ധ്യ​ക്ഷ​ത വ​ഹി​ച്ചു.