മ​ന്ദ​ലാം​കു​ന്ന് ക​ട​പ്പു​റ​ത്ത് വ​ല നി​റ​യെ ചെ​മ്മീ​ൻ

ചാ​വ​ക്കാ​ട്: തീ​ര​മേ​ഖ​ല​ക്ക് പു​ത്ത​ൻ ഉ​ണ​ർ​വാ​യി മ​ന്ദ​ലാം​കു​ന്ന് ക​ട​പ്പു​റ​ത്ത് ച​വി​ട്ടു​വ​ല​ക്കാ​ർ​ക്ക് വ​ല നി​റ​യെ ചെ​മ്മീ​ൻ. ഞാ​യ​റാ​ഴ്ച രാ​വി​ലെ ക​ട​പ്പു​റ​ത്ത് ചെ​മ്മീ​ന്റെ സാ​ന്നി​ധ്യ​മ​റി​ഞ്ഞ് ച​വി​ട്ടു​വ​ല​യു​മാ​യി ക​ട​ലി​ലേ​ക്കി​റ​ങ്ങി​യ മൂ​ന്ന് കൂ​ട്ട​രാ​ണ് ക​ര​യി​ലേ​ക്ക് മീ​ൻ വ​ലി​ച്ചു​ക​യ​റ്റി​യ​ത്. ക​ട​ലി​ൽ തി​ര കു​റ​ഞ്ഞ​തി​നാ​ൽ നാ​ടി​ന്റെ കി​ഴ​ക്കു​ഭാ​ഗ​ങ്ങ​ളി​ൽ​നി​ന്നു​ള്ള ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി​ക​ൾ ഉ​ൾ​പ്പ​ടെ 75 ഓ​ളം വീ​ശു​വ​ല​ക്കാ​രാ​ണ് പു​ല​ർ​കാ​ല​ങ്ങ​ളി​ൽ മീ​ൻ പി​ടി​ക്കാ​നെ​ത്തു​ന്ന​ത്.

ഇ​തി​നി​ട​യി​ലാ​ണ് മ​ത്സ്യ​ത്തി​ന്റെ സാ​ന്നി​ധ്യം മ​ന​സ്സി​ലാ​ക്കി ച​വി​ട്ടു വ​ല​ക്കാ​ർ രം​ഗം കീ​ഴ​ട​ക്കു​ന്ന​ത്. ഒ​രു ല​ക്ഷ​ത്തോ​ളം ചെ​ല​വാ​ക്കി നി​ർ​മി​ക്കു​ന്ന ച​വി​ട്ടു വ​ല​ക്ക് 75 മീ​റ്റ​ർ നീ​ള​മു​ണ്ടാ​കും. ഇ​തു​പ​യോ​ഗി​ച്ചാ​ണ് മീ​ൻ​പി​ടി​ത്തം. ഞാ​യ​റാ​ഴ്ച ഓ​രോ സം​ഘ​ത്തി​നും 350 കി​ലോ വ​രെ​യാ​ണ് ചെ​മ്മീ​ൻ ല​ഭി​ച്ച​ത്.

വീ​ശു വ​ല​ക്കാ​ർ​ക്കും മോ​ശ​മ​ല്ലാ​ത്ത വി​ധം ചെ​മ്മീ​ൻ ല​ഭി​ച്ചി​ട്ടു​ണ്ട്. കി​ലോ​ക്ക് 100 രൂപയിൽ ​കൂ​ടു​ത​ലാ​ണ് ചെ​മ്മീ​ന് ല​ഭി​ച്ച​തെ​ന്ന് തൊ​ഴി​ലാ​ളി​ക​ൾ പ​റ​ഞ്ഞു.

കി​ട്ടി​യ ചെ​മ്മീ​ൻ പെ​ട്ടി​ക​ളി​ലാ​ക്കി ചി​ല​ർ പൊ​ന്നാ​നി​യി​ലും മ​റ്റു ചി​ല​ർ ബ്ലാ​ങ്ങാ​ട് ബീ​ച്ചി​ലേ​ക്കു​മാ​ണ് വി​ൽ​ക്കാ​ൻ കൊ​ണ്ടു​പോ​യ​ത്. മൂ​ന്ന് സം​ഘ​ങ്ങ​ളി​ലാ​യി അ​ഷ്‌​റ​ഫ്‌ കി​ഴ​ക്കൂ​ട്ട്, ക​ബീ​ർ, നി​സാ​ർ, ഹം​സ കു​ട്ടി ആലു​ങ്ങ​ൽ, ഷി​ഹാ​ബ് പു​ളി​ക്ക​ൽ, ഷെ​ർ​ഹ​ബീ​ൽ ക​റു​ത്താ​ക്ക, പ്രാ​ശാ​ന്ത്, ന​ബീ​ൽ, സ​ഹ​ദ്, അ​ഹ​ദ്, അ​ല​വി, പു​തു​പാ​റ​ക്ക​ൽ മു​ഹ​മ്മ​ദ്‌ ജ​ബ്ബാ​ർ, ക​രീം, ഹ​നീ​ഫ ക​രു​ത്താ​ക്ക, സു​ലൈ​മാ​ൻ തു​ട​ങ്ങി​യ​വ​രാ​ണ് ചെ​മ്മീ​ൻ പെ​യ്ത്തി​ൽ സ​ജീ​വ​മാ​യ​ത്.