മകളെ പീഡിപ്പിച്ച സംഭവത്തിൽ പിതാവ് അറസ്റ്റിൽ

ചാവക്കാട്: മകളെ ലൈംഗികമായി പീഡിപ്പിച്ച സംഭവത്തിൽ പിതാവ് അറസ്റ്റിൽ. ചാവക്കാട് സ്വദേശിയായ 45കാരനെയാണ് പൊലീസ് അറസ്റ്റ് ചെയ്തത്. ഇപ്പോൾ പ്ലസ് വൺ വിദ്യാർഥിനിയായ മകൾ ആറാം ക്ലാസിൽ പഠിക്കുന്ന കാലം മുതൽ ഇയാൾ പീഡിപ്പിക്കുകയായിരുന്നു.

വിദ്യാർഥിനി സ്കൂളിൽ അധ്യാപകരോട് വിവരം പറഞ്ഞതിനെത്തുടർന്ന് സ്കൂൾ അധികൃതർ ചൈൽഡ് ലൈൻ പ്രവർത്തകരെ അറിയിച്ചു. ചൈൽഡ് ലൈൻ പ്രവർത്തകർ വിദ്യാർഥിനിയിൽനിന്ന് മൊഴിയെടുത്ത് വിവരം ചാവക്കാട് പൊലീസിന് കൈമാറിയതിനെത്തുടർന്നാണ് പൊലീസ് നടപടിയെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.