ഫ്ലോ​ട്ടി​ങ് ബ്രി​ഡ്ജ്: ബീ​ച്ച് വി​ക​സ​നം അ​ട്ടി​മ​റി​ക്കാ​ന്‍ അ​നു​വ​ദി​ക്കി​ല്ല’

ചാ​വ​ക്കാ​ട്: വി​വാ​ദ​ങ്ങ​ള്‍കൊ​ണ്ട് ബീ​ച്ചി​ന്‍റെ വി​ക​സ​ന​ത്തെ അ​ട്ടി​മ​റി​ക്കാ​ന്‍ അ​നു​വ​ദി​ക്കി​ല്ലെ​ന്നും ബീ​ച്ച് വി​ക​സ​നം തു​ട​രു​ക ത​ന്നെ ചെ​യ്യു​മെ​ന്നും എം.​എ​ൽ.​എ ഓ​ഫി​സ്. ജി​ല്ല​യി​ലെ ആ​ദ്യ​ത്തെ ഫ്ലോ​ട്ടി​ങ് ബ്രി​ഡ്ജ് എ​ന്ന അ​വ​കാ​ശ​വാ​ദ​ത്തോ​ടെ എം.​എ​ൽ.​എ​യു​ടെ ശ്ര​മ​ഫ​ല​മാ​യി കൊ​ണ്ടു​വ​ന്ന സം​രം​ഭ​ത്തെ സ​ര്‍ക്കാ​ര്‍ നേ​ട്ട​മാ​യി കാ​ണാ​നാ​വി​ല്ലെ​ന്നും പൂ​ര്‍ണ​മാ​യും സ്വ​കാ​ര്യ വ്യ​ക്തി​ക​ളാ​ണ് ഇ​തി​ന്റെ ന​ട​ത്തി​പ്പ് കൈ​കാ​ര്യം ചെ​യ്യു​ന്ന​തെ​ന്നും വി​മ​ർ​ശി​ച്ച് യു.​ഡി.​എ​ഫ് രം​ഗ​ത്ത് വ​ന്ന​താ​യി വ്യാ​ഴാ​ഴ്ച മാ​ധ്യ​മ​ങ്ങ​ൾ പു​റ​ത്ത് വി​ട്ടി​രു​ന്നു. ഇ​തി​നോ​ട് പ്ര​തി​ക​രി​ച്ചാ​ണ് എം.​എ​ൽ.​എ ഓ​ഫി​സ് വാ​ർ​ത്താ​കു​റി​പ്പ് പു​റ​ത്തു​വി​ട്ട​ത്.

പ്ര​തി​ക​ര​ണ​ത്തി​ന്റെ വി​ശ​ദ രൂ​പം: ചാ​വ​ക്കാ​ട് ബീ​ച്ചി​ന്‍റെ വി​ക​സ​നം യു.​ഡി.​എ​ഫി​നെ വി​റ​ളി പി​ടി​പ്പി​ക്കു​ക​യാ​ണ്. തി​ക​ച്ചും വി​ല​കു​റ​ഞ്ഞ​തും പ​രി​ഹാ​സ്യ​രാ​ക്കു​ന്ന​തു​മാ​യ ആ​രോ​പ​ണ​വു​മാ​യാ​ണ് യു.​ഡി.​എ​ഫ് രം​ഗ​ത്ത് വ​ന്നി​ട്ടു​ള്ള​ത്. സം​സ്ഥാ​ന​ത്തെ അ​ഞ്ചാ​മ​ത്തെ ഫ്ലോ​ട്ടി​ങ് ബ്രി​ഡ്ജാ​ണ് ചാ​വ​ക്കാ​ട് ടൂ​റി​സം മ​ന്ത്രി ഉ​ദ്ഘാ​ട​നം ചെ​യ്ത​ത്.

സം​സ്ഥാ​ന സ​ര്‍ക്കാ​ര്‍ ചാ​വ​ക്കാ​ട് ബീ​ച്ചി​നാ​യി രൂ​പ​വ​ത്ക​രി​ച്ച, ഗു​രു​വാ​യൂ​ര്‍ എം.​എ​ല്‍.​എ ചെ​യ​ര്‍മാ​നും ചാ​വ​ക്കാ​ട് ന​ഗ​ര​സ​ഭ ചെ​യ​ര്‍പേ​ഴ്സ​ൻ വൈ​സ് ചെ​യ​ര്‍മാ​നും ഡി.​ടി.​പി.​സി സെ​ക്ര​ട്ട​റി ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​റു​മാ​യി​ട്ടു​ള്ള ഡെ​സ്റ്റി​നേ​ഷ​ന്‍ മാ​നേ​ജ്മെ​ന്‍റ് ക​മ്മി​റ്റി​യാ​ണ് (ഡി.​എം.​സി) ചാ​വ​ക്കാ​ട് ബീ​ച്ച് വി​ക​സ പ​ദ്ധ​തി​യു​ടെ മേ​ല്‍നോ​ട്ടം വ​ഹി​ക്കു​ന്ന​ത്. യു.​ഡി.​എ​ഫ് സ​ര്‍ക്കാ​ര്‍ കൊ​ണ്ടു വ​ന്ന​താ​ണ് സ്വ​കാ​ര്യ​മേ​ഖ​ല​യെ കൂ​ടി ഉ​ള്‍പ്പെ​ടു​ത്തി കൊ​ണ്ടു​ള്ള ബി.​ഒ.​ടി പ​ദ്ധ​തി​യും പി.​പി.​പി പ​ദ്ധ​തി​യും.

സ്വ​കാ​ര്യ​മേ​ഖ​ല​യെ കൂ​ടി ഉ​ള്‍പ്പെ​ടു​ത്തി വി​നോ​ദ സ​ഞ്ചാ​ര​മേ​ഖ​ല​യെ പ്രോ​ത്സാ​ഹി​പ്പി​ക്കു​ന്ന ന​ട​പ​ടി​യെ യു.​ഡി.​എ​ഫു​കാ​ര്‍ ത​ന്നെ വി​മ​ര്‍ശി​ക്കു​ന്ന​ത് അ​വ​രെ പ​രി​ഹാ​സ്യ​രാ​ക്കു​ക​യാ​ണ്.

സു​ര​ക്ഷ ഉ​റ​പ്പാ​ക്കാ​ൻ ക​ല​ക്ട​റു​ടെ നി​ര്‍ദേ​ശം

ചാ​വ​ക്കാ​ട്: ബീ​ച്ചി​ല്‍ പു​തു​താ​യി നി​ർ​മി​ച്ച ഫ്ലോ​ട്ടി​ങ് ബ്രി​ഡ്ജ് ഉ​പ​യോ​ഗി​ക്കു​ന്ന സ​ന്ദ​ര്‍ശ​ക​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്കാ​ന്‍ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി അ​ധ്യ​ക്ഷ​ന്‍ കൂ​ടി​യാ​യ ജി​ല്ല ക​ല​ക്ട​ര്‍ വി.​ആ​ര്‍. കൃ​ഷ്ണ തേ​ജ ചാ​വ​ക്കാ​ട് ന​ഗ​ര​സ​ഭ സെ​ക്ര​ട്ട​റി​ക്ക് നി​ർ​ദേ​ശം ന​ല്‍കി.

ഫ്ലോ​ട്ടി​ങ് ബ്രി​ഡ്ജ് എ​ല്ലാ സു​ര​ക്ഷ ക്ര​മീ​ക​ര​ണ​ങ്ങ​ളോ​ടും കൂ​ടി​യാ​ണ് പ്ര​വ​ര്‍ത്തി​ക്കു​ന്ന​തെ​ന്ന് ഉ​റ​പ്പാ​ക്കാ​ന്‍ ഒ​രു സം​ഘ​ത്തെ നി​യോ​ഗി​ക്ക​ണ​മെ​ന്നും അ​വ​ര്‍ കൃ​ത്യ​മാ​യ ഇ​ട​വേ​ള​ക​ളി​ല്‍ അ​ക്കാ​ര്യം പ​രി​ശോ​ധി​ച്ച് ഉ​റ​പ്പാ​ക്ക​ണ​മെ​ന്നും ഉ​ത്ത​ര​വി​ല്‍ ക​ല​ക്ട​ര്‍ വ്യ​ക്ത​മാ​ക്കി.