ത​ല്ലി​യും ത​ലോ​ടി​യും ഗു​രു​വാ​യൂ​ർ

ചാ​വ​ക്കാ​ട്: തൃ​ശൂ​ർ ലോ​ക്സ​ഭ മ​ണ്ഡ​ല​ത്തി​ലെ ഏ​ഴ്​ നി​യ​മ​സ​ഭ മ​ണ്ഡ​ല​ങ്ങ​ളി​ൽ ജി​ല്ല ആ​സ്ഥാ​ന ന​ഗ​രി​യാ​യ തൃ​ശൂ​ർ ക​ഴി​ഞ്ഞാ​ൽ ഏ​റെ പ്രാ​മു​ഖ്യ​മു​ള്ള ഒ​ന്നാ​ണ്​ ക്ഷേ​ത്ര ന​ഗ​രം ഉ​ൾ​പ്പെ​ടു​ന്ന ഗു​രു​വാ​യൂ​ർ. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ന്‍റെ ടി.​എ​ൻ. പ്ര​താ​പ​ന് ഏ​റ്റ​വും കൂ​ടു​ത​ൽ വോ​ട്ട് ല​ഭി​ച്ച നി​യോ​ജ​ക മ​ണ്ഡ​ലം ഗു​രു​വാ​യൂ​രാ​ണ്​; 65,150 വോ​ട്ട്. എ​തി​ർ സ്ഥാ​നാ​ർ​ഥി​യാ​യ രാ​ജാ​ജി മാ​ത്യു​വി​നേ​ക്ക​ൾ 20,455 വോ​ട്ട് കൂ​ടു​ത​ൽ. ഇ​ത്ത​വ​ണ യു.​ഡി.​എ​ഫ് സ്ഥാ​നാ​ർ​ഥി​യാ​യി എ​ത്തി​യ കെ. ​മു​ര​ളീ​ധ​ര​ൻ അ​ത്ര​യും വോ​ട്ട്​ പി​ടി​ക്കു​മോ എ​ന്ന​താ​ണ് നാ​ട്ടി​ലെ ച​ർ​ച്ച.

ഗ്രൂ​പ് വ​ഴ​ക്കും പോ​ര​ടി​ക്ക​ലു​മാ​യി ക​ല​ഹി​ച്ചു​നി​ന്ന കോ​ൺ​ഗ്ര​സ്, മു​സ്​​ലിം ലീ​ഗ് പ്ര​വ​ർ​ത്ത​ക​ർ തെ​ര​ഞ്ഞെ​ടു​പ്പ്​ സ​മ​യ​ത്ത്​ ഒ​ന്നി​ച്ചി​ട്ടു​ണ്ട്. ആ​ദ്യ​ഘ​ട്ട​ത്തി​ലെ മെ​ല്ലെ​പോ​ക്കി​ൽ​നി​ന്ന് യു.​ഡി.​എ​ഫ് ഫോ​മി​ലാ​യി​ട്ടു​ണ്ട്. റ​മ​ദാ​ൻ വ്ര​ത​കാ​ല​മാ​യ​തി​നാ​ൽ ചി​ല മേ​ഖ​ല​ക​ളി​ൽ ആ​ല​സ്യ​മു​ണ്ട്. പ്ര​വ​ർ​ത്ത​ക​ർ ഒ​ന്നി​ച്ചു​നി​ന്നാ​ൽ ആ​ര് വി​ചാ​രി​ച്ചാ​ലും മു​ര​ളീ​ധ​ര​ന്‍റെ മു​ന്നേ​റ്റം ത​ട​യാ​നാ​വി​ല്ലെ​ന്ന വി​ശ്വാ​സ​ത്തി​ലാ​ണ് യു.​ഡി.​എ​ഫ് നേ​താ​ക്ക​ളും പ്ര​വ​ർ​ത്ത​ക​രും. അ​തേ​സ​മ​യം, മേ​ഖ​ല​യി​ൽ ശ​ക്ത​മാ​യ പ്ര​വ​ർ​ത്ത​നം ന​ട​ത്തു​ന്ന എ​ൽ.​ഡി.​എ​ഫ്, എ​ൻ.​ഡി.​എ എ​ന്നി​വ​യെ അ​പേ​ക്ഷി​ച്ച്​ യു.​ഡി.​എ​ഫി​ന്‍റെ പ്ര​വ​ർ​ത്ത​നം മ​ന്ദ​ഗ​തി​യി​ലാ​ണെ​ന്നാ​ണ് പൊ​തു​വി​ല​യി​രു​ത്ത​ൽ.

എ​ൽ.​ഡി.​എ​ഫ് ക്യ​മ്പ്​ പ​തി​വു​പോ​ലെ ശ​ക്ത​മാ​യ പ്ര​വ​ർ​ത്ത​ന​ത്തി​ലാ​ണ്. മു​ൻ​മ​ന്ത്രി​യെ​ന്ന നി​ല​യി​ൽ പ്ര​ദേ​ശ​ത്ത് പ​രി​ചി​ത​നാ​ണ് സ്ഥാ​നാ​ർ​ഥി വി.​എ​സ്. സു​നി​ൽ കു​മാ​ർ. ര​ണ്ടാം പി​ണ​റാ​യി സ​ർ​ക്കാ​ർ നേ​രി​ടു​ന്ന ആ​ക്ഷേ​പ​ങ്ങ​ളും ആ​രോ​പ​ണ​ങ്ങ​ളും പ​ല​തു​ണ്ടെ​ങ്കി​ലും 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ ഇ​ട​തു​മു​ന്ന​ണി നേ​രി​ട്ട പ​ല ചോ​ദ്യ​ങ്ങ​ൾ ഇ​ത്ത​വ​ണ​യി​ല്ല. ഗു​രു​വാ​യൂ​രി​ലെ റെ​യി​ല്‍വേ മേ​ല്‍പാ​ലം നി​ര്‍മാ​ണം വൈ​കാ​ൻ കാ​ര​ണം സം​സ്ഥാ​ന സ​ര്‍ക്കാ​റി​ന്‍റെ മെ​ല്ലെ​പ്പോ​ക്കാ​ണെ​ന്ന് അ​ന്ന്​ സി.​പി.​ഐ നേ​താ​വ്​ സി.​എ​ൻ. ജ​യ​ദേ​വ​ൻ എം.​പി ത​ന്നെ തു​റ​ന്ന​ടി​ച്ച​ത്​ വി​വാ​ദ​മാ​യി​രു​ന്നു. എ​ന്നാ​ൽ, ഇ​പ്പോ​ൾ എ​ൽ.​ഡി.​എ​ഫി​ന് ചൂ​ണ്ടി​ക്കാ​ട്ടാ​ൻ ഗു​രു​വാ​യൂ​ർ മേ​ൽ​പാ​ല​മു​ണ്ട്. അ​തേ​സ​മ​യം, ക​ട​ലാ​ക്ര​മ​ണം ത​ട​യാ​ൻ ക​രി​ങ്ക​ൽ ഭി​ത്തി കെ​ട്ടു​ന്ന കാ​ര്യ​ത്തി​ൽ ഒ​ന്നു​മു​ണ്ടാ​യി​ല്ലെ​ന്​ യു.​ഡി.​എ​ഫ് പ്ര​ച​രി​പ്പി​ക്കു​ന്നു​ണ്ട്.

1957ൽ ​നി​യ​മ​സ​ഭ മ​ണ്ഡ​ലം പു​നഃ​സം​ഘ​ടി​പ്പി​ച്ച ശേ​ഷം പ്ര​മു​ഖ​രാ​യ പ​ല​ർ​ക്കും ത​ല്ലും ത​ലോ​ട​ലു​മേ​റ്റു, ഗു​രു​വാ​യൂ​രി​ൽ. പ്ര​വ​ച​നാ​തീ​ത​മാ​ണ് പ​ല​പ്പോ​ഴും ഇ​വി​ട​ത്തെ തെ​ര​ഞ്ഞെ​ടു​പ്പ് ഫ​ല​ങ്ങ​ൾ. ഗു​രു​വാ​യൂ​ർ, ചാ​വ​ക്കാ​ട് ന​ഗ​ര​സ​ഭ​ക​ൾ​ക്ക്​ പു​റ​മെ ആ​റ് പ​ഞ്ചാ​യ​ത്തു​ക​ളു​ള്ള മ​ണ്ഡ​ല​ത്തി​ൽ ത​ദ്ദേ​ശ ഭ​ര​ണ സ്ഥാ​പ​ന​ങ്ങ​ളി​ൽ ര​ണ്ടി​ട​ത്തൊ​ഴി​കെ ആ​റി​ട​ത്തും എ​ൽ.​ഡി.​എ​ഫാ​ണ് ഭ​രി​ക്കു​ന്ന​ത്. യു.​ഡി.​എ​ഫ് ഭ​രി​ക്കു​ന്ന വ​ട​ക്കേ​ക്കാ​ട്, ക​ട​പ്പു​റം പ​ഞ്ചാ​യ​ത്തു​ക​ളി​ൽ അ​വ​ർ​ക്ക്​ വ​ലി​യ വോ​ട്ടി​ന്‍റെ മേ​ൽ​ക്കെ​യി​ല്ല. ചാ​വ​ക്കാ​ട് ബ്ലോ​ക്ക് പ​ഞ്ചാ​യ​ത്ത് യു.​ഡി.​എ​ഫി​ന്‍റെ കൈ​യി​ലാ​ണെ​ങ്കി​ലും ഒ​രു സീ​റ്റി​ന്‍റെ വ്യ​ത്യാ​സ​മേ​യു​ള്ളൂ.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ എ​ൻ.​കെ. അ​ക്ബ​ർ ജ​യി​ച്ച​ത് 77,072 വോ​ട്ടി​നാ​ണ്. അ​ന്ന്​ തോ​റ്റ​ത്​ മു​സ്​​ലിം ലീ​ഗി​ന്‍റെ കെ.​എ​ൻ.​എ. ഖാ​ദ​റാ​ണ്. 18,268 വോ​ട്ടാ​യി​രു​ന്നു അ​ക്ബ​റി​ന്‍റെ ഭൂ​രി​പ​ക്ഷം. ലോ​ക്സ​ഭ​യി​ലേ​ക്ക്​ ബി.​ജെ.​പി സ്ഥാ​നാ​ർ​ഥി സു​രേ​ഷ് ഗോ​പി 33,967 വോ​ട്ടാ​ണ് പി​ടി​ച്ച​ത്. എ​ന്നാ​ൽ അ​ക്ബ​ർ മ​ത്സ​രി​ച്ച ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​ക്ക്​ നാ​മ​നി​ർ​ദേ​ശ പ​ത്രി​ക ത​ള്ളി സ്ഥാ​നാ​ർ​ഥി​യി​ല്ലാ​ത്ത അ​വ​സ്ഥ വ​രി​ക​യും ഡ​മോ​ക്രാ​റ്റി​ക് സോ​ഷ്യ​ൽ ജ​സ്റ്റീ​സ് പാ​ർ​ട്ടി സ്ഥാ​നാ​ർ​ഥി ദി​ലീ​പ് നാ​യ​രെ പി​ന്തു​ണ​ക്കേ​ണ്ടി വ​രി​ക​യും ചെ​യ്തു. പ​ല​യി​ട​ത്തും ബി.​ജെ.​പി വോ​ട്ട് ചെ​യ്തി​ല്ല. ദി​ലീ​പ് നാ​യ​ർ​ക്ക് കി​ട്ടി​യ​ത്​ 6,294 വോ​ട്ടാ​ണ്. 2014ലെ ​ലോ​ക്സ​ഭ ബി.​ജെ.​പി സ്ഥാ​നാ​ർ​ഥി കെ.​പി. ശ്രീ​ശ​ന് ല​ഭി​ച്ച 13936 വോ​ട്ടും അ​തി​ന്​ മു​മ്പ്​ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി സ്ഥാ​നാ​ർ​ഥി നി​വേ​ദി​ത​ക്ക് ല​ഭി​ച്ച 25,490 വോ​ട്ടും നോ​ക്കു​മ്പോ​ൾ ബി.​ജെ.​പി​യു​ടെ വോ​ട്ട് ഗ​ണ്യ​മാ​യി കാ​ണാ​താ​യി​ട്ടു​ണ്ട്. അ​തു​കൊ​ണ്ടു​ത​ന്നെ 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ആ ​വോ​ട്ട്​ ല​ഭി​ച്ച​ത്​ യു.​ഡി.​എ​ഫി​നാ​ണെ​ന്ന്​ എ​ൽ.​ഡി.​എ​ഫ്​ പ്ര​ച​രി​പ്പി​ച്ചി​രു​ന്നു.

നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി വോ​ട്ടു​ക​ൾ മ​റി​യു​ക​യും മ​റി​ക്കു​ക​യും ചെ​യ്യു​ന്ന പ​തി​വ്​ ഇ​ത്ത​വ​ണ ഉ​ണ്ടാ​കി​ല്ലെ​ന്നാ​ണ് വി​ല​യി​രു​ത്ത​ൽ. ശ​ക്ത​മാ​യ പ്ര​വ​ർ​ത്ത​ന​മാ​ണ്​ എ​ൻ.​ഡി.​എ​യും സ്ഥാ​നാ​ർ​ഥി സു​രേ​ഷ്​ ഗോ​പി​യും ന​ട​ത്തു​ന്ന​ത്. എ​ന്നാ​ൽ, എ​ൻ.​ഡി.​എ ചി​ല പോ​ക്ക​റ്റു​ക​ളി​ലാ​ണ്​ ശ്ര​ദ്ധ കേ​​ന്ദ്രീ​ക​രി​ക്കു​ന്ന​ത്. മ​ണ്ഡ​ല​ത്തി​ൽ മു​ഴു​വ​നാ​യി ച​ല​ന​മു​ണ്ടാ​ക്കാ​ൻ സു​രേ​ഷ് ഗോ​പി​ക്കും ബി.​ജെ.​പി​ക്കും ഇ​തു​വ​രെ ക​ഴി​ഞ്ഞി​ട്ടി​ല്ല. ക്രി​സ്ത്യ​ൻ മേ​ഖ​ല​യി​ൽ ചി​ല യു​വാ​ക്ക​ൾ സു​രേ​ഷ് ഗോ​പി​ക്ക് വേ​ണ്ടി പ്ര​വ​ർ​ത്തി​ക്കു​ന്നു​ണ്ട്. എ​ന്നാ​ൽ, മ​ണി​പ്പൂ​ർ വി​ഷ​യ​മു​ൾ​പ്പ​ടെ ഉ​യ​ർ​ത്തി​ക്കാ​ട്ടി മ​റ്റ്​ ര​ണ്ട്​ മു​ന്ന​ണി​ക​ൾ അ​വ​രെ പ്ര​തി​രോ​ധി​ക്കു​ന്നു​ണ്ട്.

തു​ട​ക്ക​ത്തി​ൽ കോ​ൺ​ഗ്ര​സ് അ​നു​ഭാ​വി​ക​ളു​ടെ വീ​ടു​ക​ൾ കേ​ന്ദ്രീ​ക​രി​ച്ചാ​യി​രു​ന്നു എ​ൻ.​ഡി.​എ പ്ര​ചാ​ര​ണം. അ​തി​നെ പ്ര​തി​രോ​ധി​ക്കാ​ൻ എ​ൽ.​ഡി.​എ​ഫാ​ണ്​ ഭ​വ​ന സ​ന്ദ​ർ​ശ​ന​വും കു​ടും​ബ​യോ​ഗ​ങ്ങ​ളും ന​ട​ത്തു​ന്ന​ത്. സി​നി​മ താ​ര​മാ​യ​തി​നാ​ൽ സു​രേ​ഷ്​ ഗോ​പി ചെ​ല്ലു​ന്നി​ട​ത്തൊ​ക്കെ വ​ലി​യ ആ​ൾ​ക്കൂ​ട്ട​മു​ണ്ട്. അ​തൊ​ന്നും വോ​ട്ടാ​വി​​ല്ലെ​ന്ന്​ യു.​ഡി.​എ​ഫ്, എ​ൽ.​ഡി.​എ​ഫ് നേ​താ​ക്ക​ൾ പ​റ​യു​ന്നു. മ​ണ്ഡ​ല​ത്തി​ൽ എ​ൻ.​ഡി.​എ​യു​ടെ നീ​ക്ക​ങ്ങ​ൾ ജാ​ഗ്ര​ത​യോ​ടെ വീ​ക്ഷി​ച്ചാ​ണ് എ​ൽ.​ഡി.​എ​ഫി​ന്‍റെ പ്ര​വ​ർ​ത്ത​നം. അ​ത്ര ആ​ഴ​ത്തി​ലി​റ​ങ്ങാ​ൻ യു.​ഡി.​എ​ഫി​ന് ക​ഴി​ഞ്ഞി​ട്ടി​ല്ല.