മതിയായ ജീവനക്കാരില്ല; മണത്തല വില്ലേജ് ഓഫിസ് പ്രവൃത്തി സമയത്ത് അടച്ചിട്ടു

ചാ​വ​ക്കാ​ട്: മ​തി​യാ​യ ജീ​വ​ന​ക്കാ​രി​ല്ലാ​ത്ത​തി​നാ​ൽ മ​ണ​ത്ത​ല വി​ല്ലേ​ജ് ഓ​ഫി​സ് പ്ര​വൃ​ത്തി സ​മ​യ​ത്ത് അ​ട​ച്ചി​ട്ടു. ചൊ​വ്വാ​ഴ്ച ഉ​ച്ച​ക്കു​ശേ​ഷം മൂ​ന്നോ​ടെ​യാ​ണ് ന​ഗ​ര​ഹൃ​ദ​യ​ത്തി​ൽ സ്ഥി​തി ചെ​യ്യു​ന്ന വി​ല്ലേ​ജ് ഓ​ഫി​സ് പൂ​ട്ടി​യി​ട്ട​ത്. ചാ​വ​ക്കാ​ട് താ​ലൂ​ക്ക് ഓ​ഫി​സി​ന് സ​മീ​പ​മാ​ണ് വി​ല്ലേ​ജ് ഓ​ഫി​സ്.

ആ​റ് ജീ​വ​ന​ക്കാ​ർ വേ​ണ്ട ഇ​വി​ടെ വി​ല്ലേ​ജ് ഓ​ഫി​സ​ർ ഉ​ൾ​പ്പ​ടെ മൂ​ന്നു​പേ​ർ മാ​ത്ര​മാ​ണ് ഇ​പ്പോ​ഴു​ള്ള​ത്. ഇ​തി​ലൊ​രാ​ൾ ഗു​രു​വാ​യൂ​ർ വി​ല്ലേ​ജ് ഓ​ഫി​സി​ൽ​നി​ന്ന് ചൊ​വ്വാ​ഴ്ച​യാ​ണെ​ത്തി​യ​ത്. മ​റ്റെ​യാ​ൾ ഫീ​ൽ​ഡ് ഓ​ഫി​സ​റാ​ണ്. മാ​സ​ങ്ങ​ളാ​യി ആ​വ​ശ്യ​മാ​യ ജീ​വ​ന​ക്കാ​രി​ല്ലാ​തെ​യാ​ണ് മ​ണ​ത്ത​ല വി​ല്ലേ​ജ് ഓ​ഫി​സ് പ്ര​വ​ർ​ത്തി​ക്കു​ന്ന​ത്. ഇ​തു കാ​ര​ണം എ​ല്ലാ പ്ര​വ​ർ​ത്ത​ന​ങ്ങ​ളും താ​ളം​തെ​റ്റു​ക​യാ​ണ്.

ഭൂ​മി ത​രം മാ​റ്റ​ൽ, വ​സ്തു നി​കു​തി തു​ട​ങ്ങി​യ​വ​ക്ക് കാ​ല​താ​മ​സം നേ​രി​ടു​ക​യാ​ണ്. വി​ദ്യാ​ല​യ പ്ര​വേ​ശ​ന​വു​മാ​യി ബ​ന്ധ​പ്പെ​ട്ട് വി​വി​ധ സ​ർ​ട്ടി​ഫി​ക്ക​റ്റു​ക​ൾ വൈ​കു​ന്ന​ത് അ​പേ​ക്ഷ​ക​രെ നെ​ട്ടോ​ട്ട​മോ​ടി​പ്പി​ക്കു​ക​യാ​ണ്. ജീ​വ​ന​ക്കാ​ർ ഫീ​ൽ​ഡ് വ​ർ​ക്കി​ന് പോ​കാ​നാ​ണ് ഓ​ഫി​സ് അ​ട​ച്ച​തെ​ന്നാ​ണ് അ​ധി​കൃ​ത​ർ വി​ശ​ദീ​ക​രി​ക്കു​ന്ന​ത്. മ​തി​യാ​യ ജീ​വ​ന​ക്കാ​രെ നി​യ​മി​ക്ക​ണ​മെ​ന്നാ​ണ് ആ​വ​ശ്യം.