കടപ്പുറം പഞ്ചായത്തിൽ കടലാക്രമണം തുടരുന്നു; അറുതിയില്ലാതെ ദുരിതം

ചാ​വ​ക്കാ​ട്: ക​ട​ലാ​ക്ര​മ​ണം തു​ട​രു​ന്ന ക​ട​പ്പു​റം പ​ഞ്ചാ​യ​ത്തി​ൽ വെ​ള്ള​ക്കെ​ട്ടി​ലാ​യ വീ​ട്ടു​കാ​ർ ദു​രി​ത​ത്തി​ൽ. വെ​ള്ള​ക്കെ​ട്ട് ​പ്രശ്നം പരിഹരിക്കാൻ മൂ​ന്നാം ദി​വ​സം പി​ന്നി​ടു​മ്പോഴും അ​ധി​കൃ​ത​രു​ടെ ഭാ​ഗ​ത്തു​നി​ന്ന് ന​ട​പ​ടി​യി​ല്ലെ​ന്ന് നാ​ട്ടു​കാ​ർ പ​റ​ഞ്ഞു. ക​ട​ൽ​ക്ഷോ​ഭ​വും ശ​ക്ത​മാ​യ മ​ഴ​യും കാ​ര​ണം പ​ഞ്ചാ​യ​ത്തി​ലെ ഏ​ഴ് വാ​ർ​ഡു​ക​ളാ​ണ് വെ​ള്ള​ക്കെ​ട്ടി​ലാ​യ​ത്.

പ​ഞ്ചാ​യ​ത്തി​ലെ ഞോ​ളി റോ​ഡ് മു​ത​ൽ മു​ന​ക്ക​ക്ക​ട​വ് അ​ഴി​മു​ഖം വ​രെ അ​ഞ്ച് കി​ലോ​മീ​റ്റ​റാ​ണ് ക​ട​ലാ​ക്ര​മ​ണം രൂ​ക്ഷം. വീ​ടു​ക​ൾ​ക്കി​ട​യി​ലൂ​ടെ ക​ട​ൽ​ത്തി​ര ഇ​ര​ച്ച് ക​യ​റി തീ​ര​ദേ​ശ പാ​ത​യാ​യ അ​ഹ​മ്മ​ദ് കു​രി​ക്ക​ൾ റോ​ഡും ക​ട​ന്ന് കി​ഴ​ക്ക് ഭാ​ഗ​ത്തേ​ക്ക് ഒ​ഴു​കു​ക​യാ​ണ്. വീ​ടു​ക​ൾ വെ​ള്ള​ക്കെ​ട്ടി​ലാ​യ​തോ​ടെ പ്രാ​ഥ​മി​ക കാ​ര്യ​ങ്ങ​ൾ​ക്ക് പോ​ലും പു​റ​ത്തി​റ​ങ്ങാ​നാ​വാ​തെ വീ​ട്ടു​കാ​ർ പ്ര​യാ​സ​ത്തി​ലാ​ണ്.

എ​ല്ലാ ദി​വ​സ​വും ഉ​ച്ചക്ക് ശേ​ഷ​മാ​ണ് ക​ട​ലാ​ക്ര​മ​ണം രൂ​ക്ഷ​മാ​കു​ന്ന​ത്. സു​ര​ക്ഷ ഭി​ത്തി​ക​ൾ പ​ല​യി​ട​ത്തും ത​ക​ർ​ന്ന് കി​ട​ക്കു​ക​യാ​ണ്. ദു​രി​തത്തി​ലാ​യ നി​ര​വ​ധി കു​ടും​ബ​ങ്ങ​ൾ ബ​ന്ധു​ക്ക​ളു​ടെ വീ​ടു​ക​ളി​ലാ​ണ് താ​മ​സി​ക്കു​ന്ന​ത്.

പ​ഞ്ചാ​യ​ത്തി​ന്‍റെ തൊ​ട്ട​ടു​ത്ത ചാ​വ​ക്കാ​ട് ന​ഗ​ര​സ​ഭ, പു​ന്ന​യൂ​ർ പ​ഞ്ചാ​യ​ത്തു​ക​ളി​ലെ തീ​ര​മേ​ഖ​ല​ക​ളി​ലും ക​ട​ലാ​ക്ര​മ​ണം ശ​ക്ത​മാ​ണെ​ങ്കി​ലും ക​ട​ൽ തീ​ര​ത്ത് വീ​ടു​ക​ളി​ല്ലാ​ത്ത​തി​നാ​ൽ അ​ത്ത​ര​ത്തി​ലു​ള്ള ഭീ​ഷ​ണി​യി​ല്ല. അ​തേ​സ​മ​യം, പു​ന്ന​യൂ​ർ​ക്കു​ളം പ​ഞ്ചാ​യ​ത്തി​ലെ അ​ണ്ട​ത്തോ​ട് മേ​ഖ​ല​യി​ൽ പാ​പ്പാ​ളി​യി​ൽ നി​ര​വ​ധി വീ​ടു​ക​ൾ വെ​ള്ള​ക്കെ​ട്ടി​ലാ​ണ്. ഈ ​ഭാ​ഗ​ങ്ങ​ളി​ലെ തീ​ര​മ​ണ​ൽ ക​ട​ലെ​ടു​ത്തി​ട്ടു​ണ്ട്.

മേ​ഖ​ല​യി​ൽ ക​ട​ലാ​ക്ര​മ​ണം ഏ​റ്റ​വും രൂ​ക്ഷം പെ​രി​യ​മ്പ​ലം ക​ട​പ്പു​റ​ത്താ​ണ്. ഇ​വി​ടെ പു​ന്ന​യൂ​ർ​ക്കു​ളം പ​ഞ്ചാ​യ​ത്ത് നി​ർ​മി​ച്ച ലി​ങ്ക് റോ​ഡ് ഭാ​ഗി​ക​മാ​യി ക​ട​ലെ​ടു​ത്തി​രു​ന്നു.