സദാചാര പൊലീസ് ചമഞ്ഞ് ഭീഷണി; അഞ്ചുപേർ അറസ്​റ്റിൽ

ചാവക്കാട്: സദാചാര പൊലീസ് ചമഞ്ഞ് യുവതിയെ ഭീഷണിപ്പെടുത്തിയെന്ന പരാതിയിൽ അഞ്ചുപേർ അറസ്​റ്റിൽ. പാലുവായ് സ്വദേശികളായ കളത്തില്‍ ഷാബു (40), കളത്തില്‍ സനോജ് (35), കളത്തില്‍ ഷാജു (43), അമ്പലത്ത് വീട്ടില്‍ ജലാല്‍ (39), ഏത്തായ് വീട്ടില്‍ രാജേഷ് (39) എന്നിവരെയാണ് എസ്.എച്ച്.ഒ അനില്‍ കുമാർ ടി. മേപ്പിള്ളിയുടെ നേതൃത്വത്തില്‍ ചാവക്കാട് പൊലീസ് അറസ്​റ്റ്​ ചെയ്തത്.

കഴിഞ്ഞ 28നാണ്​ സംഭവം. അമ്മയോടെപ്പം താമസിക്കുന്ന 22കാരിയെയാണ് സംഘം ഭീഷണിപ്പെടുത്തിയത്. ഇക്കാരണത്താൽ മാനസികമായി തകർന്ന യുവതിയെ അമിതമായി ഗുളിക കഴിച്ച നിലയിൽ ചാവക്കാട്ടെ ആശുപത്രിയിൽ പ്രവേശിപ്പിച്ചിരുന്നു.