ച​ക്കം​ക​ണ്ട​ത്ത് യു​വാ​വി​നെ ആ​ക്ര​മി​ച്ച കേ​സി​ൽ മൂ​ന്നു​പേ​ർ അ​റ​സ്​​റ്റി​ൽ

ചാ​വ​ക്കാ​ട്: ക​ഞ്ചാ​വ് ക​ച്ച​വ​ട​വു​മാ​യി ബ​ന്ധ​പ്പെ​ട്ട ത​ർ​ക്ക​ത്തി​നി​ടെ ച​ക്കം​ക​ണ്ട​ത്ത് യു​വാ​വി​നെ ആ​ക്ര​മി​ച്ച കേ​സി​ൽ മൂ​ന്നു​പേ​ർ അ​റ​സ്​​റ്റി​ൽ. പാ​ടൂ​ർ മ​മ്മ​സ്രാ​യി​ല്ല​ത്ത് സി​യാ​ദ് സ​ലാം (24), പാ​ടൂ​ർ പു​തു​വീ​ട്ടി​ൽ റാ​ഷി​ക് റ​ഫീ​ഖ് (22), മ​ല്ലാ​ട് തെ​ക്കും​പു​റ​ത്തു വീ​ട്ടി​ൽ ഫി​റോ​സ് കു​ഞ്ഞു​മു​ഹ​മ്മ​ദ് (22) എ​ന്നി​വ​രെ​യാ​ണ് ചാ​വ​ക്കാ​ട് പൊ​ലീ​സ് അ​റ​സ്​​റ്റ്​ ചെ​യ്ത​ത്. ക​വ​ർ​ച്ച, പി​ടി​ച്ചു​പ​റി, ക​ഞ്ചാ​വ്, അ​ടി​പി​ടി കേ​സു​ക​ളി​ൽ പ്ര​തി​ക​ളാ​ണി​വ​രെ​ന്ന് പൊ​ലീ​സ് പ​റ​ഞ്ഞു.

ക​ഴി​ഞ്ഞ നാ​ലി​ന് വൈ​കീ​ട്ട്​ നാ​ലോ​ടെ ച​ക്കം​ക​ണ്ടം കോ​ള​നി പു​തു​വീ​ട്ടി​ൽ പാ​ത്തു​കു​ഞ്ഞി​യു​ടെ മ​ക​ൻ മ​നാ​ഫി​നെ​യാ​ണ് (34) ച​ക്കം​ക​ണ്ടം ഷ​ട്ടി​ൽ കോ​ർ​ട്ടി​ന് സ​മീ​പ​ത്തെ കു​റ്റി​കാ​ട്ടി​ൽ​വെ​ച്ച് ഇ​വ​ർ ആ​ക്ര​മി​ച്ച​ത്. ആ​ക്ര​മ​ണ​ത്തി​ൽ പ​രി​ക്കേ​റ്റ മ​നാ​ഫി​ന് ത​ല​ക്ക്​ 62 തു​ന്ന​ൽ വേ​ണ്ടി വ​ന്നു. ക​ണ​ങ്കാ​ലു​ക​ൾ ഒ​ടി​ഞ്ഞ നി​ല​യി​ലാ​യി​രു​ന്നു മ​നാ​ഫി​നെ ചാ​വ​ക്കാ​ട് രാ​ജ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. പി​ന്നീ​ട് തൃ​ശൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​യി​ലേ​ക്ക് മാ​റ്റി​യ മ​നാ​ഫ് ഇ​പ്പോ​ഴും ചി​കി​ത്സ​യി​ൽ ക​ഴി​യു​ക​യാ​ണ്. കൂ​ടെ​യു​ള്ള ഷി​നാ​ദി​നും (30) ആ​ക്ര​മ​ണ​ത്തി​ൽ പ​രി​ക്കേ​റ്റു. കേ​സി​ൽ മ​റ്റ് ര​ണ്ടു പ്ര​തി​ക​ളെ കൂ​ടി പി​ടി​കൂ​ടാ​നു​ണ്ട്.

മ​നാ​ഫും പ്ര​തി​ക​ളും ത​മ്മി​ലു​ള്ള ക​ഞ്ചാ​വ് ക​ച്ച​വ​ട​ത്തി​െൻറ പേ​രി​ലു​ള്ള ത​ർ​ക്ക​മാ​ണ് മ​ർ​ദ​ന​ത്തി​ൽ ക​ലാ​ശി​ച്ച​ത്. സം​ഭ​വ​ത്തി​നു ശേ​ഷം ഒ​ളി​വി​ൽ ക​ഴി​യു​ക​യാ​യി​രു​ന്ന പ്ര​തി​ക​ളു​ടെ മൊ​ബൈ​ൽ ട​വ​ർ ലൊ​ക്കേ​ഷ​ൻ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​വ​ർ നി​ൽ​ക്കു​ന്ന സ്ഥ​ല​ത്തെ​ക്കു​റി​ച്ച്​ സൂ​ച​ന ല​ഭി​ച്ച​ത്. അ​തി​നി​ട​യി​ൽ പ്ര​തി​ക​ൾ​ക്ക് ചെ​ല​വി​നാ​വ​ശ്യ​മാ​യ തു​ക കൈ​മാ​റാ​ൻ അ​വ​രു​ടെ സു​ഹൃ​ത്തു​ക്ക​ൾ വ​രു​ന്നു​ണ്ടെ​ന്നു​ള്ള ര​ഹ​സ്യ വി​വ​ര​ത്തെ തു​ട​ർ​ന്ന് വ​ഴി​യി​ൽ കാ​ത്തു​നി​ന്ന് വാ​ഹ​ന​ത്തെ പി​ന്തു​ട​ർ​ന്നാ​ണ് പ്ര​തി​ക​ൾ ഒ​ളി​ച്ചി​രി​ക്കു​ന്ന സ്ഥ​ലം ക​ണ്ടെ​ത്തി​യ​ത്. സം​ഘ​ട്ട​ന​ത്തി​നു ശേ​ഷ​മാ​ണ് പ്ര​തി​ക​ളെ കീ​ഴ്പ്പെ​ടു​ത്തി​യ​ത്. എ​സ്.​എ​ച്ച്.​ഒ കെ.​വി. ജ​യ​പ്ര​സാ​ദ്, എ​സ്.​ഐ​മാ​രാ​യ സി.​കെ. രാ​ജേ​ഷ്, സി.​കെ. നൗ​ഷാ​ദ്, എ.​എ​സ്.​ഐ​മാ​രാ​യ സ​ജി​ത്ത്, ബി​ന്ദു​രാ​ജ്, സി.​പി.​ഒ​മാ​രാ​യ മു​ഹ​മ്മ​ദ്, ശ​ര​ത്ത്, ഷി​നു, വി​ബി​ൻ, സി​നീ​ഷ്, റെ​ജി​ൻ, അ​ജീ​ഷ് എ​ന്നി​വ​ര​ട​ങ്ങു​ന്ന പൊ​ലീ​സ് സം​ഘ​മാ​ണ് പ്ര​തി​ക​ളെ അ​റ​സ്​​റ്റ്​ ചെ​യ്ത​ത്. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.