എലിപ്പനി ബാധിച്ച് യുവാവ് മരിച്ചു

ചാവക്കാട്: ഒരുമനയൂരിൽ എലിപ്പനി ബാധിച്ച് ചികിത്സയിലായിരുന്ന യുവാവ് മരിച്ചു. ഒരുമനയൂർ നോർത്ത് ഒറ്റത്തെങ്ങ് പൊയ്യയിൽ ക്ഷേത്രത്തിന് കിഴക്ക് കാഞ്ഞിരപ്പറമ്പിൽ പ്രദീപിന്റെ മകൻ വിഷ്ണുവാണ് (31) മരിച്ചത്. പനി ബാധിച്ച് ഒരുമനയൂർ പ്രാഥമികാരോഗ്യകേന്ദ്രത്തിലും ചാവക്കാട് താലൂക്ക് ആശുപത്രിയിലും ചികിത്സ തേടിയിരുന്നു.

പിന്നീട് തൃശൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഞായറാഴ്ച്ച രാവിലെയാണ് മരണം. പ്ലമ്പിങ് ജോലിക്കാരനായിരുന്നു. ജീജയാണ് വിഷ്ണുവിൻ്റെ മാതാവ്. സഹോദരങ്ങൾ: പ്രജീഷ, പ്രേംജിത്. സംസ്കാരം ഞായറാഴ്ച്ച വൈകീട്ട് മൂന്നിന് ഒരുമനയൂർ പഞ്ചായത്ത് പൊതു ശ്മശാനത്തിൽ.