ബൈക്ക് മോഷ്ടിച്ചു കറങ്ങുന്ന യുവാവ് അറസ്റ്റിൽ
text_fieldsഅജീഷ്
ചേലക്കര: ഇഷ്ടം തോന്നുന്ന ബൈക്ക് മോഷ്ടിച്ചു കറങ്ങുന്ന യുവാവ് അറസ്റ്റിൽ. പാലക്കാട് മൂളിപ്പറമ്പ് ചാലിശ്ശേരി പെരിങ്ങോട് മഞ്ഞക്കാട്ടുവളപ്പിൽ അജീഷ് (37) ആണ് ചേലക്കര പൊലീസിന്റെ പിടിയിലായത്.
ചേലക്കര കിള്ളിമംഗലം കൊച്ചപ്പൻപടി, ചേലക്കോട് സൂപ്പിപ്പടി എന്നിവിടങ്ങളിൽനിന്നുള്ള രണ്ടു ബൈക്കും ഒലവക്കോട് ഭാഗത്തു നിന്നുള്ള ഒരു ബൈക്കും പൊലീസ് കണ്ടെത്തി.
ഒരു വർഷമായി ജയിലിലായിരുന്ന ഇയാൾ കഴിഞ്ഞ 28നാണ് പുറത്തിറങ്ങിയത്. ഇഷ്ടം തോന്നുന്ന ബൈക്ക് മോഷ്ടിച്ച പെട്രോൾ തീരുന്നതുവരെ ഓടിക്കും. പിന്നെ ഉപേക്ഷിക്കും. ഇതാണ് ഇയാളുടെ രീതി. മോഷ്ടിച്ച ബൈക്കുകൾ വിൽക്കുന്ന സ്വഭാവമില്ല. ചേലക്കര സി.ഐ ഇ. ബാലകൃഷ്ണന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.