ആ​റാ​ട്ടു​പു​ഴ പൂ​ര​ത്തി​ന് കൈ​പ്പ​ന്ത​ങ്ങ​ൾ ഒ​രു​ങ്ങി

ചേ​ർ​പ്പ്: ആ​റാ​ട്ടു​പു​ഴ പൂ​ര​ത്തി​നു​ള്ള കൈ​പ്പ​ന്ത​ങ്ങ​ള്‍ ഒ​രു​ങ്ങി. ര​ണ്ട് ഒ​റ്റ​പ്പ​ന്ത​ങ്ങ​ളും ര​ണ്ട് മു​പ്പ​ന്ത​ങ്ങ​ളും 18 ആ​റു​നാ​ഴി പ​ന്ത​ങ്ങ​ളു​മാ​ണ് ആ​ദ്യ​ഘ​ട്ട​ത്തി​ൽ മു​ല്ല​മൊ​ട്ടി​ന്‍റെ ആ​കൃ​തി​യി​ൽ ചു​റ്റി ത​യാ​റാ​ക്കി​യ​ത്. ഊ​ര​കം എം.​എ​സ്. ഭ​ര​ത​ന്റെ നേ​തൃ​ത്വ​ത്തി​ല്‍ കു​ട്ട​ന്‍, ശ​ശി, കു​ട്ട​പ്പ​ൻ എ​ന്നി​വ​രാ​ണ് ആ​റാ​ട്ടു​പു​ഴ പ​ത്താ​യ​പ്പു​ര​യി​ല്‍ വെ​ച്ച് കൈ​പ്പ​ന്ത​ങ്ങ​ള്‍ ത​യാ​റാ​ക്കു​ന്ന​ത്. ആ​റാ​ട്ടു​പു​ഴ ശാ​സ്താ​വി​ന്റെ തി​രു​വാ​തി​ര വി​ള​ക്കി​നാ​ണ് ആ​ദ്യ​മാ​യി പ​ന്തം ക​ത്തി​ക്കു​ന്ന​ത്. തു​ട​ർ​ന്ന് പെ​രു​വ​നം പൂ​രം, ആ​റാ​ട്ടു​പു​ഴ ത​റ​ക്ക​ൽ പൂ​രം, ആ​റാ​ട്ടു​പു​ഴ പൂ​രം എ​ന്നീ ദി​വ​സ​ങ്ങ​ളി​ലും പ​ന്തം ക​ത്തി​ക്കും.

ഓ​രോ എ​ഴു​ന്ന​ള്ളി​പ്പ് ക​ഴി​യു​മ്പോ​ഴും പ​ന്ത​ങ്ങ​ൾ വൃ​ത്തി​യാ​ക്കി വീ​ണ്ടും ചു​റ്റി ത​യാ​റാ​ക്കും. ശാ​സ്താ​വ് എ​ഴു​ന്ന​ള്ളു​മ്പോ​ൾ തി​രു​മു​മ്പി​ൽ ഒ​റ്റ പ​ന്ത​വും അ​തി​ന് പി​ന്നി​ലാ​യി മു​പ്പ​ന്ത​വും മു​പ്പ​ന്ത​ത്തി​ന് ഇ​രു​വ​ശ​ങ്ങ​ളി​ലും ആ​റു​നാ​ഴി പ​ന്ത​ങ്ങ​ളു​മാ​ണ് പി​ടി​ക്കു​ക. മ​നോ​ഹ​ര​മാ​യി പ​ന്ത​ങ്ങ​ള്‍ ചു​റ്റാ​നാ​യി ഒ​രു നാ​ഴി​ക്ക് അ​ര​കി​ലോ തു​ണി വേ​ണ്ടി വ​രും. ഇ​തി​നാ​യി തി​രു​പ്പൂ​രി​ല്‍നി​ന്ന് കൊ​ണ്ടു വ​ന്ന 200 കി​ലോ തു​ണി മ​ന്ദാ​ര​ക​ട​വി​ൽ വെ​ച്ച് പു​ഴു​ങ്ങി അ​ല​ക്കി ഉ​ണ​ക്കി​വെ​ച്ചി​ട്ടു​ണ്ട്. ആ​ദ്യ​കാ​ല​ങ്ങ​ളി​ൽ വൃ​ശ്ചി​ക മാ​സ​ത്തി​ൽ വെ​ളി​ച്ചെ​ണ്ണ ആ​ട്ടി വ​ലി​യ ഭ​ര​ണി​ക​ളി​ലാ​ക്കി നെ​ല്ലി​ട്ട് സം​ഭ​രി​ച്ച് വെ​ക്കാ​റു​ണ്ടാ​യി​രു​ന്നു.

ഇ​തി​ൽ നി​ന്നും തെ​ളി​ഞ്ഞു കി​ട്ടു​ന്ന വെ​ളി​ച്ചെ​ണ്ണ​യാ​ണ് പ​ന്തം ക​ത്തി​ക്കാ​ൻ ഉ​പ​യോ​ഗി​ക്കാ​റ്. ഒ​രു ആ​റു​നാ​ഴി പ​ന്തം മൂ​ന്ന് മ​ണി​ക്കൂ​ർ ക​ത്ത​ണ​മെ​ങ്കി​ൽ 15 കി​ലോ വെ​ളി​ച്ചെ​ണ്ണ വേ​ണ്ടി വ​രും. എ​ഴു​ന്ന​ള്ളി​പ്പ് സ​മ​യ​ത്ത് 20 മി​നി​റ്റ് കൂ​ടു​മ്പോ​ൾ പ​ന്തം വെ​ളി​ച്ചെ​ണ്ണ​യി​ൽ ന​ന​ച്ചു കൊ​ണ്ടി​രി​ക്കും. വൈ​ദ്യു​തി സാ​ർ​വ്വ​ത്രി​ക​മാ​കു​ന്ന​തി​ന് മു​മ്പ് കൈ​പ്പ​ന്ത​ത്തി​ന്‍റെ പ്ര​കാ​ശ​ത്തി​ലാ​ണ് പൂ​രം ന​ട​ത്തി​യി​രു​ന്ന​ത്. കോ​ല​വും തി​ട​മ്പും ആ​ന​ച്ച​മ​യ​ങ്ങ​ളും മ​റ്റും കൂ​ടു​ത​ൽ ശോ​ഭ​യോ​ടെ​യും തി​ള​ക്ക​ത്തോ​ടെ​യും ദ​ർ​ശി​ക്കാ​ൻ വേ​ണ്ടി​യാ​ണ് പ​ന്ത​ങ്ങ​ൾ വെ​ളി​ച്ചെ​ണ്ണ​യി​ൽ ക​ത്തി​ക്കു​ന്ന​ത്.