കള്ളനെ ബാത്ത് റൂമിൽ പൂ​ട്ടി​യി​ട്ട് വ​യോ​ധി​ക​യും മ​ക​ളും; അഭിനന്ദിച്ച് ജനം

ചെ​റു​തു​രു​ത്തി: വ​യോ​ധി​ക​യും മ​ക​ളും താ​മ​സി​ക്കു​ന്ന വീ​ട്ടി​ൽ മോ​ഷ​ണ​ശ്ര​മ​ത്തി​നി​ടെ ബി​ഹാ​ർ സ്വ​ദേ​ശി​യെ നാ​ട്ടു​കാ​ർ പി​ടി​കൂ​ടി. വ​ര​വൂ​ർ ഗ്രാ​മ​പ​ഞ്ചാ​യ​ത്ത് ഓ​ഫി​സി​ന് സ​മീ​പം താ​മ​സി​ക്കു​ന്ന ച​ങ്ക​ര​ത്ത് പ​രേ​ത​നാ​യ സി.​പി. ശ​ങ്ക​ര​ൻ കു​ട്ടി​യു​ടെ ഭാ​ര്യ ദേ​വ​കി (66), അ​മ്മ കു​ഞ്ഞി​ക്കു​ട്ടി​യ​മ്മ (100) എ​ന്നി​വ​ർ താ​മ​സി​ക്കു​ന്ന വീ​ട്ടി​ൽ ബു​ധ​നാ​ഴ്ച രാ​ത്രി മോ​ഷ്​​ടി​ക്കാ​ൻ ക​യ​റു​ന്ന​തി​നി​ടെ​യാ​ണ് ബി​ഹാ​ർ സ്വ​ദേ​ശി രാ​ജേ​ഷ് പ​സ്വാ​നെ (28) നാ​ട്ടു​കാ​ർ പി​ടി​കൂ​ടി പൊ​ലീ​സി​ൽ ഏ​ൽ​പി​ച്ച​ത്. ദേ​വ​കി​യും പ്രാ​യ​മാ​യ അ​മ്മ​യും മാ​ത്ര​മാ​ണ് വീ​ട്ടി​ൽ താ​മ​സം. മ​ക്ക​ൾ ജോ​ലി സ്ഥ​ല​ത്താ​ണ്. വീ​ട്ടി​ലെ ബാ​ത്ത് റൂ​മി​ൽ​നി​ന്ന് ശ​ബ്​​ദം കേ​ട്ട് ശ്ര​ദ്ധി​ച്ച​പ്പോ​ഴാ​ണ് ഉ​ള്ളി​ൽ ആ​രോ ഉ​ള്ള​താ​യി സം​ശ​യം തോ​ന്നി.

ഉ​ട​ൻ ഇ​വ​ർ ബാ​ത്ത് റൂം ​പൂ​ട്ടു​ക​യും തു​ട​ർ​ന്ന്, വീ​ട് പു​റ​ത്തു​നി​ന്ന് പൂ​ട്ടി നാ​ട്ടു​കാ​ര​നാ​യ ഒ​ട്ടോ ഡ്രൈ​വ​റെ ഫോ​ണി​ൽ വി​ളി​ച്ചു. ഏ​ക​ദേ​ശം ഒ​രു മ​ണി​ക്കൂ​റി​ന് ശേ​ഷ​മാ​ണ് പ്ര​ദേ​ശ​ത്തു​ള്ള​വ​ർ എ​ത്തി വാ​തി​ൽ തു​റ​ന്ന് മോ​ഷ്​​ടാ​വി​നെ പി​ടി​കൂ​ടി​യ​ത്.

ഉ​ട​നെ ചെ​റു​തു​രു​ത്തി പൊ​ലീ​സി​ൽ വി​വ​രം അ​റി​യി​ക്കു​ക​യും പൊ​ലീ​സെ​ത്തി യു​വാ​വി​നെ വൈ​ദ്യ​പ​രി​ശോ​ധ​ന​ക്ക് വി​ധേ​യ​നാ​ക്കി ക​സ്​​റ്റ​ഡി​യി​ലെ​ടു​ക്കു​ക​യും ചെ​യ്തു. വ​ര​വൂ​ർ പ്ര​ദേ​ശ​ത്ത് നി​ർ​മാ​ണ തൊ​ഴി​ലാ​ളി​യാ​യ സ​ഹോ​ദ​ര‍െൻറ അ​ടു​ത്ത് വ​ന്ന​താ​ണെ​ന്നാ​ണ് യു​വാ​വ് പൊ​ലീ​സി​നോ​ട് പ​റ​ഞ്ഞ​ത്. ര​ണ്ടു​മാ​സം മു​മ്പാ​ണ് രാ​ജേ​ഷ് കേ​ര​ള​ത്തി​ൽ എ​ത്തി​യ​തെ​ന്നാ​ണ് പൊ​ലീ​സ് പ​റ​യു​ന്ന​ത്. സി.​ഐ എം. ​അ​ൽ​ത്താ​ഫ് അ​ലി, എ​സ്.​ഐ ആ​ൻ​റ​ണി തോം​സ​ൺ എ​ന്നി​വ​ർ ചേ​ർ​ന്ന് യു​വാ​വി​നെ കോ​ട​തി​യി​ൽ ഹാ​ജ​രാ​ക്കി.

ആത്മധൈര്യത്തിൽ ജീവൻ തിരിച്ചുകിട്ടിയ സന്തോഷത്തിൽ അമ്മയും മകളും

ചെ​റു​തു​രു​ത്തി: ആ​ത്മ​ധൈ​ര്യ​ത്തി​ൽ ജീ​വ​ൻ തി​രി​ച്ചു​കി​ട്ടി​യ സ​ന്തോ​ഷ​ത്തി​ലാ​ണ് വയോധികരായ അ​മ്മ​യും മ​ക​ളും. വ​ര​വൂ​ർ ഗ്രാ​മ​പ​ഞ്ചാ​യ​ത്തി​ന് സ​മീ​പം താ​മ​സി​ക്കു​ന്ന പ​രേ​ത​നാ​യ ച​ക്കാ​ര​ത്ത് വീ​ട്ടി​ൽ സി.​പി. ശ​ങ്ക​ര​ൻ കു​ട്ടി​യു​ടെ ഭാ​ര്യ​യു​ം റി​ട്ട. അ​ഗ​ൻ​വാ​ടി ടീ​ച്ച​റു​മാ​യ ദേ​വ​കി​യും അ​മ്മ കു​ഞ്ഞി​ക്കു​ട്ടി അ​മ്മ​യു​മാ​ണ് ബു​ധ​നാ​ഴ്ച രാ​ത്രി വീ​ട്ടി​ൽ മോ​ഷ്​​ടി​ക്കാ​ൻ ക​യ​റി​യ​യാ​ളെ ശു​ചി​മു​റി​യി​ൽ പൂ​ട്ടി​യി​ട്ട്​ നാ​ട്ടു​കാ​രു​ടെ പ്ര​ശം​സ നേ​ടി​യ​ത്. വൈ​കീ​ട്ട് എ​​ട്ടോ​ടെ​യാ​ണ് ശു​ചി​മു​റി​യി​ൽ​നി​ന്ന് കാ​ൽ​പെ​രു​മാ​റ്റം കേ​ട്ട​ത്. ഉ​ട​ൻ ദേ​വ​കി വാ​തി​ൽ പൂ​ട്ടി.

അ​മ്മ​യെ വീ​ടി​ന്​ പു​റ​ത്തി​രു​ത്തി​യ ശേ​ഷം ക​ള്ള​നാ​ണോ എ​ന്ന് ഉ​റ​പ്പു​വ​രു​ത്താ​ൻ ബാ​ത്ത്റൂം വാ​തി​ൽ ത​ള്ളി​യ​പ്പോ​ൾ ശ​ക്തി​യാ​യി തി​രി​ച്ചു​ത​ള്ളാ​ൻ തു​ട​ങ്ങി. തു​ട​ർ​ന്ന് പി​ൻ​വാ​തി​ലും മു​ൻ​വ​ശ​ത്തെ വാ​തി​ലും പൂ​ട്ടി​യ ശേ​ഷം ബ​ഹ​ളം ഉ​ണ്ടാ​ക്കാ​തെ പ​രി​ച​യ​​മു​ള്ള ഓ​ട്ടോ​ക്കാ​ര​നെ ഫോ​ണി​ൽ വി​ളി​ച്ച് ആ​ളു​ക​ളു​മാ​യി വ​രാ​ൻ നി​ർ​ദേ​ശി​ക്കു​ക​യാ​യി​രു​ന്നു. ഓ​ട്ടോ​ക്കാ​ര​ൻ ആ​ളു​ക​ളു​മാ​യി വീ​ട്ടി​ൽ എ​ത്തു​ന്ന​തു​ വ​രെ ഇ​രു​വ​രും വീ​ടി​ന്​ പു​റ​ത്ത്​ കാ​ത്തി​രു​ന്നു. പി​ടി​കൂ​ടാ​നെ​ത്തി​യ​വ​രോ​ട്​ മോ​ഷ്​​ടാ​വ്​ എ​തി​രി​ടാ​ൻ ശ്ര​മി​ച്ചെ​ങ്കി​ലും കൂ​ടു​ത​ൽ പേ​രെ ക​ണ്ട​തോ​ടെ ശാ​ന്ത​നാ​വു​ക​യാ​യി​രു​ന്നു. തു​ട​ർ​ന്ന് ചെ​റു​തു​രു​ത്തി പൊ​ലീ​സെ​ത്തി കൊ​ണ്ടു​പോ​യി. വി​വ​രം അ​റി​ഞ്ഞ് നി​ര​വ​ധി പേ​രാ​ണ് ടീ​ച്ച​റെ​യും അ​മ്മ​യെ​യും അ​ഭി​ന​ന്ദി​ക്കാ​ൻ എ​ത്തി​യ​ത്.