വ​യോ​ധി​ക​ന്‍റെ കൊ​ല​പാ​ത​കം ഞെ​ട്ട​ലോ​ടെ നാ​ട്

ചെ​റു​തു​രു​ത്തി: വ​യോ​ധി​ക​ന്‍റെ കൊ​ല​പാ​ത​ക​ത്തി​ൽ ഞെ​ട്ട​ലോ​ടെ നാ​ട്. ദേ​ശ​മം​ഗ​ലം പ​ഞ്ചാ​യ​ത്തി​ലെ വാ​ളേ​രി​പ്പ​ടി വീ​ട്ടി​ൽ അ​യ്യ​പ്പ​നാ​ണ് (76) വീ​ട്ടി​നു​ള്ളി​ൽ ചെ​റു​മ​ക​ന്‍റെ വെ​ട്ടേ​റ്റ് മ​രി​ച്ച​ത്. സി.​പി.​എ​മ്മി​ന്‍റെ സ​ജീ​വ പ്ര​വ​ർ​ത്ത​ക​നാ​യ അ​യ്യ​പ്പ​ന്‍റെ കൊ​ല​പാ​ത​ക വാ​ർ​ത്ത​യ​റി​ഞ്ഞ് നാ​ട് അ​ദ്ദേ​ഹ​ത്തി​നെ വീ​ട്ടി​ലേ​ക്കൊ​ഴു​കി​യെ​ത്തി. വ​ർ​ഷ​ങ്ങ​ൾ​ക്കു മു​മ്പ് വ​ര​വൂ​രി​ൽ മി​ച്ച​ഭൂ​മി സ​മ​ര​ത്തി​ൽ പ​ങ്കെ​ടു​ത്ത​തി​നെ തു​ട​ർ​ന്ന് അ​റ​സ്റ്റ് വ​രി​ക്കു​ക​യും ജ​യി​ൽ​വാ​സം അ​നു​ഭ​വി​ക്കു​ക​യും ചെ​യ്തി​ട്ടു​ണ്ട് അ​യ്യ​പ്പ​ൻ. ഭാ​ര്യ നാ​രാ​യ​ണി​ക്കൊ​പ്പ​മാ​ണ് താ​മ​സം.

ഏ​ക മ​ക​ൾ ബി​ന്ദു​വി​ന് മൂ​ന്ന് ആ​ൺ​മ​ക്ക​ളാ​ണു​ണ്ടാ​യി​രു​ന്ന​ത്. 2018ൽ ​ദേ​ശ​മം​ഗ​ല​ത്തു​വെ​ച്ച് വെ​ള്ള​ത്തി​ൽ​പ്പെ​ട്ട് ഇ​വ​രു​ടെ ര​ണ്ട് ആ​ൺ​കു​ട്ടി​ക​ൾ മ​രി​ച്ചു. ആ ​അ​പ​ക​ട​ത്തി​ൽ​നി​ന്ന് ര​ക്ഷ​പ്പെ​ട്ട​യാ​ളാ​ണ് രാ​ഹു​ൽ. പ​ക്ഷെ, ആ ​ദു​ര​ന്ത​ത്തി​ന് ശേ​ഷം രാ​ഹു​ലി​ന്‍റെ മാ​ന​സി​കാ​വ​സ്ഥ​ക്ക് ത​ക​രാ​ർ സം​ഭ​വി​ച്ചു. മാ​ന​സി​ക രോ​ഗ​ത്തി​ന് സ്ഥി​ര​മാ​യി മ​രു​ന്ന് ക​ഴി​ക്കു​ന്നു​ണ്ടെ​ങ്കി​ലും പെ​ട്ടെ​ന്നു​ള്ള കൊ​ല​പാ​ത​ക​ത്തി​ലേ​ക്ക് ന​യി​ച്ച കാ​ര​ണം വ്യ​ക്ത​മ​ല്ല.

സം​ഭ​വ സ​മ​യം ബ​ഹ​ളം കേ​ട്ട് ആ​ദ്യം ഓ​ടി​യെ​ത്തി​യ​ത് ദേ​ശ​മം​ഗ​ലം സ​ഹ​ക​ര​ണ ബാ​ങ്ക് പ്ര​സി​ഡ​ന്‍റ് സ​ക്കീ​ർ ഹു​സൈ​ൻ, സി.​പി.​എം നേ​താ​വ് ദി​ലീ​പ് എ​ന്നി​വ​രാ​ണ്. നാ​ട്ടു​കാ​ർ ചോ​ദി​ച്ച​പ്പോ​ൾ ഞാ​ൻ മൂ​ന്നു പ്രേ​ത​ത്തെ കൊ​ന്നു എ​ന്നാ​ണ് രാ​ഹു​ൽ പ​റ​ഞ്ഞ​ത്. ആ​ളു​ക​ളെ വീ​ട്ടി​ലേ​ക്ക് ക​ട​ത്തി​വി​ടാ​ൻ ആ​ദ്യം രാ​ഹു​ൽ അ​നു​വ​ദി​ച്ചി​ല്ല.

പൊ​ലി​സ് എ​ത്തി​യ​പ്പോ​ഴാ​ണ് ഇ​ദ്ദേ​ഹം ശാ​ന്ത​നാ​യ​ത്. മൃ​ത​ദേ​ഹം തി​ങ്ക​ളാ​ഴ്ച പോ​സ്റ്റു​മോ​ർ​ട്ട​നു​ശേ​ഷം പു​തു​ശ്ശേ​രി പു​ണ്യ​തീ​രം ശ്മ​ശാ​ന​ത്തി​ൽ സം​സ്ക​രി​ക്കും.