ഭാ​ര​ത​പ്പു​ഴ​ക്ക് കു​റു​കെ മൂ​ന്നാ​മ​ത്തെ റെ​യി​ൽ​വേ പാ​ലം വരുന്നൂ; സ്ഥ​ല​നി​ർ​ണ​യം പൂ​ർ​ത്തി​യാ​യി

ചെ​റു​തു​രു​ത്തി: ഭാ​ര​ത​പ്പു​ഴ​ക്ക് കു​റു​കെ ര​ണ്ട് ജി​ല്ല​ക​ളെ ബ​ന്ധി​പ്പി​ക്കു​ന്ന മൂ​ന്നാ​മ​ത്തെ റെ​യി​ൽ​വെ പാ​ലം യാ​ഥാ​ർ​ഥ്യ​മാ​കു​ന്നു. ജി​ല്ല​യി​ലെ പൈ​ങ്കു​ളം റെ​യി​ൽ​വേ ഗേ​റ്റി​ന് സ​മീ​പം ഭാ​ര​ത​പ്പു​ഴ​ക്ക് കു​റു​കെ​യാ​ണ് പാ​ല​ക്കാ​ട് ജി​ല്ല​യി​ലേ​ക്കു​ള്ള മൂ​ന്നാ​മ​ത്തെ റെ​യി​ൽ പാ​ല​ത്തി​നാ​യി സ്ഥ​ല​നി​ർ​ണ​യം പൂ​ർ​ത്തി​യാ​യ​ത്. നി​ല​വി​ലെ റെ​യി​ൽ​വെ പാ​ല​ങ്ങ​ളു​ടെ കി​ഴ​ക്കു​ഭാ​ഗ​ത്താ​യാ​ണ് പാ​ല​ത്തി​നാ​യി സ്ഥ​ലം രേ​ഖ​പ്പെ​ടു​ത്തി​യ​ത്. സ​മീ​പ​ത്തെ​വീ​ട് പൊ​ളി​ക്കേ​ണ്ടി വ​രു​മെ​ന്നാ​ണ് അ​ധി​കൃ​ത​ർ ന​ൽ​കു​ന്ന സൂ​ച​ന.

പാ​ല​ക്കാ​ട് ഭാ​ഗ​ത്തു​നി​ന്നും തി​രു​വ​ന​ന്ത​പു​രം ഭാ​ഗ​ത്തേ​ക്കു​ള്ള തീ​വ​ണ്ടി​ക​ളു​ടെ ഗ​താ​ഗ​ത​ത്തി​ന് ഒ​രു​പാ​ലം കൂ​ടി അ​നി​വാ​ര്യ​മാ​ണെ​ന്നാ​യി​രു​ന്നു റെ​യി​ൽ​വെ​യു​ടെ ക​ണ്ടെ​ത്ത​ൽ. ഭാ​ര​ത​പ്പു​ഴ​ക്ക് കു​റു​കെ നി​ല​വി​ൽ ര​ണ്ട് പാ​ല​ങ്ങ​ളു​ണ്ടെ​ങ്കി​ലും ഒ​രു​പാ​ല​ത്തി​ലൂ​ടെ ഷൊ​ർ​ണൂ​ർ റെ​യി​ൽ​വെ സ്റ്റേ​ഷ​നി​ലേ​ക്കും സ​മീ​പ​ത്തെ പാ​ല​ത്തി​ലൂ​ടെ പാ​ല​ക്കാ​ട് ഭാ​ഗ​ത്തേ​ക്കു​മു​ള്ള തീ​വ​ണ്ടി​ക​ളാ​ണ് പോ​കു​ന്ന​ത്.

ഇ​തി​ലൂ​ടെ ത​ന്നെ​യാ​ണ് കോ​ഴി​ക്കോ​ട് ഭാ​ഗ​ത്തു​നി​ന്നും തി​രു​വ​ന​ന്ത​പു​രം ഭാ​ഗ​ത്തേ​ക്കു​ള്ള വ​ണ്ടി​ക​ളും വ​രി​ക. അ​തു​കൊ​ണ്ടു​ത​ന്നെ കോ​ഴി​ക്കോ​ട് ഭാ​ഗ​ത്തേ​ക്കും പാ​ല​ക്കാ​ട് ഭാ​ഗ​ത്തേ​ക്കു​മു​ള്ള വ​ണ്ടി​ക​ൾ പോ​കു​ന്ന​തി​നാ​യി പാ​ള​ങ്ങ​ളി​ലെ ഗ​താ​ഗ​തം ക്ര​മീ​ക​രി​ക്കേ​ണ്ട അ​വ​സ്ഥ​യാ​ണി​പ്പോ​ൾ. പു​തി​യ പാ​ല​വും പാ​ള​ങ്ങ​ളും വ​രു​ന്ന​തോ​ടെ മാ​ത്ര​മേ ഗ​താ​ഗ​ത പ്ര​ശ്‌​ന​ത്തി​ന് പ​രി​ഹാ​ര​മാ​കൂ എ​ന്നാ​ണ് റെ​യി​ൽ​വെ പ​റ​യു​ന്ന​ത്.

പു​തു​താ​യി വ​ന്ദേ​ഭാ​ര​ത് വ​ണ്ടി​ക​ൾ​കൂ​ടി എ​ത്തി​യ​തോ​ടെ ഗ​താ​ഗ​തം വീ​ണ്ടും വ​ർ​ധി​ച്ചു. വ​ന്ദേ​ഭാ​ര​ത് വ​രു​ന്ന സ​മ​യ​ങ്ങ​ളി​ലെ​ത്തു​ന്ന മ​റ്റ് വ​ണ്ടി​ക​ളെ​ല്ലാം ക്രോ​സി​ങ്ങ് സ്‌​റ്റേ​ഷ​നു​ക​ളി​ൽ പി​ടി​ച്ചി​ട്ടാ​ണി​പ്പോ​ൾ വ​ന്ദേ​ഭാ​ര​തി​ന്റെ സ​മ​യ​ത്തി​ൽ കൃ​ത്യ​ത പാ​ലി​ക്കു​ന്ന​ത്. ഇ​ത്ത​രം പ്ര​ശ്‌​ന​ങ്ങ​ൾ​ക്കെ​ല്ലാം മൂ​ന്നാം പാ​ല​വും പാ​ള​ങ്ങ​ളും വ​രു​ന്ന​തോ​ടെ പ​രി​ഹാ​ര​മാ​കു​മെ​ന്ന് റെ​യി​ൽ​വെ അ​ധി​കൃ​ത​ർ പ​റ​യു​ന്നു. ഭാ​ര​ത​ര​പു​ഴ​യി​ലെ ഒ​ഴു​ക്ക് കു​റ​യു​ന്ന​തോ​ടെ നി​ർ​മാ​ണം ആ​രം​ഭി​ക്കാ​നാ​ണ് നീ​ക്കം.