തൃശൂർ ഡി.സി.സി​യിലെ കൂട്ടത്തല്ല്; പ്രസിഡന്‍റ്​ ഉൾപ്പെടെ 20 പേർക്കെതിരെ കേസ്

തൃ​ശൂ​ർ: ഡി.​സി.​സി ഓ​ഫി​സി​ൽ വെ​ള്ളി​യാ​ഴ്ച​യു​ണ്ടാ​യ കൂ​ട്ട​ത്ത​ല്ലി​ൽ ഡി.​സി.​സി പ്ര​സി​ഡ​ന്‍റ്​ ജോ​സ് വ​ള്ളൂ​ർ ഉ​ൾ​പ്പെ​ടെ 20 പേ​ർ​ക്കെ​തി​രെ തൃ​ശൂ​ർ ഈ​സ്റ്റ്​ പൊ​ലീ​സ്​ കേ​സെ​ടു​ത്തു. മ​ർ​ദ​ന​മേ​റ്റ്​ തൃ​ശൂ​ർ സ​ഹ​ക​ര​ണ ആ​ശു​പ​ത്രി​യി​ൽ ചി​കി​ത്സ തേ​ടി​യ, കെ. ​മു​ര​ളീ​ധ​ര​ന്‍റെ അ​നു​യാ​യി ഡി.​സി.​സി ജ​ന​റ​ൽ സെ​ക്ര​ട്ട​റി സ​ജീ​വ​ൻ കു​രി​യ​ച്ചി​റ ന​ൽ​കി​യ പ​രാ​തി​യി​ൽ അ​ന്യാ​യ​മാ​യി സം​ഘം​ചേ​ര​ൽ, മ​ർ​ദ​നം തു​ട​ങ്ങി ജാ​മ്യം ല​ഭി​ക്കു​ന്ന വി​വി​ധ വ​കു​പ്പു​ക​ൾ പ്ര​കാ​ര​മാ​ണ്​ കേ​സ് ര​ജി​സ്റ്റ​ർ ചെ​യ്ത​ത്.

ഡി.​സി.​സി ഓ​ഫി​സി​ൽ​വെ​ച്ച്​ ത​ന്നെ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ മ​ർ​ദി​ച്ചു​വെ​ന്ന്​ ആ​രോ​പി​ച്ച് സ​ജീ​വ​ൻ കു​രി​യ​ച്ചി​റ ഓ​ഫി​സി​ൽ പ്ര​തി​ഷേ​ധി​ച്ചി​രു​ന്നു. കെ. ​മു​ര​ളീ​ധ​ര​ന്‍റെ തെ​ര​ഞ്ഞെ​ടു​പ്പ് പ​രാ​ജ​യം ചൂ​ണ്ടി​ക്കാ​ട്ടി ഓ​ഫി​സി​ന്​ മു​ന്നി​ലും മ​റ്റും പോ​സ്റ്റ​റു​ക​ൾ പ​തി​ച്ച​ത്​ താ​നാ​ണെ​ന്ന്​ പ​റ​ഞ്ഞ്​ ജോ​സ് വ​ള്ളൂ​ർ അ​നു​കൂ​ലി​ക​ൾ ആ​ക്ര​മി​ച്ചെ​ന്നാ​യി​രു​ന്നു സ​ജീ​വ​ന്‍റെ ആ​രോ​പ​ണം.

തു​ട​ർ​ന്ന് യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രും ഓ​ഫി​സി​ൽ ഉ​ണ്ടാ​യി​രു​ന്ന​വ​രും ത​മ്മി​ൽ കൈ​യാ​ങ്ക​ളി​യാ​യി. ഇ​തി​നി​ടെ സ​ജീ​വ​ൻ ഓ​ഫി​സി​ൽ കു​ത്തി​യി​രു​ന്ന്​ പ്ര​തി​ഷേ​ധി​ച്ചു. സം​ഘ​ർ​ഷ​ത്തി​ന് പി​ന്നാ​ലെ ഓ​ഫി​സ് സ​ന്ദ​ർ​ശി​ച്ച മു​ൻ എം.​എ​ൽ.​എ പി.​എ. മാ​ധ​വ​ൻ അ​നു​ന​യി​പ്പി​ച്ചാ​ണ്​ സ​ജീ​വ​നെ പ്ര​തി​ഷേ​ധം അ​വ​സാ​നി​പ്പി​ച്ച്​ ആ​ശു​പ​ത്രി​യി​ലേ​ക്ക്​ മാ​റ്റി​യ​ത്. സം​ഘ​ർ​ഷ​ത്തി​ൽ കെ.​പി.​സി.​സി നേ​തൃ​ത്വ​ത്തി​ന്‍റെ ഇ​ട​പെ​ട​ൽ അ​നി​വാ​ര്യ​മാ​ണെ​ന്നും മാ​ധ​വ​ൻ പ​റ​ഞ്ഞു.

ഡി.​സി.​സി​ക്ക്​ താ​ൽ​ക്കാ​ലി​ക ചു​മ​ത​ല​ക്കാ​ര​ൻ വ​ന്നേ​ക്കും

തൃ​ശൂ​ർ: യു.​ഡി.​എ​ഫ്​ സ്ഥാ​നാ​ർ​ഥി കെ. ​മു​ര​ളീ​ധ​ര​ന്‍റെ ദ​യ​നീ​യ തോ​ൽ​വി​യി​ൽ ഉ​ത്ത​രം​മു​ട്ടി നി​ൽ​ക്കു​ന്ന കോ​ൺ​ഗ്ര​സ്​ സം​സ്ഥാ​ന നേ​തൃ​ത്വ​ത്തി​ന്​ വീ​ണ്ടും ത​ല​വേ​ദ​ന​യാ​യി ഡി.​സി.​സി ഓ​ഫി​സി​ൽ ന​ട​ന്ന കൈ​യാ​ങ്ക​ളി​യി​ലും പ്ര​സി​ഡ​ന്‍റ്​ ഉ​ൾ​പ്പെ​ടെ 20 പേ​ർ​ക്കെ​തി​രെ കേ​സെ​ടു​ത്ത സം​ഭ​വ​ത്തി​ലും ഇ​ട​പെ​ട​ൽ അ​നി​വാ​ര്യ​മാ​യ അ​വ​സ്ഥ​യി​ൽ പാ​ർ​ട്ടി സം​സ്ഥാ​ന, ദേ​ശീ​യ നേ​തൃ​ത്വം.

സം​ഘ​ട​ന ചു​മ​ത​ല​യു​ള്ള ദേ​ശീ​യ ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലും സം​സ്ഥാ​ന പ്ര​സി​ഡ​ന്‍റ്​ കെ. ​സു​ധാ​ക​ര​നും ഡ​ൽ​ഹി​യി​ൽ ന​ട​ത്തി​യ ച​ർ​ച്ച​യി​ൽ തൃ​ശൂ​രി​ലെ പ്ര​ശ്‌​ന​ങ്ങ​ൾ അ​വ​സാ​നി​പ്പി​ക്കാ​ൻ ഡി.​സി.​സി​ക്ക്​ ത​ൽ​ക്കാ​ലം പ​ക​ര​ക്കാ​ര​നെ നി​യോ​ഗി​ക്കാ​ൻ ധാ​ര​ണ​യാ​യ​താ​യാ​ണ്​ സൂ​ച​ന. ചാ​ല​ക്കു​ടി എം.​പി ബെ​ന്നി ബ​ഹ​നാ​ൻ, ജി​ല്ല​യി​ലെ മു​തി​ർ​ന്ന നേ​താ​ക്ക​ളാ​യ ടി.​വി. ച​ന്ദ്ര​മോ​ഹ​ൻ, പി.​എ. മാ​ധ​വ​ൻ എ​ന്നി​വ​രാ​ണ്​ പ​രി​ഗ​ണ​ന​യി​ലു​ള്ള​ത്.

തൃ​ശൂ​രി​ലെ കോ​ൺ​ഗ്ര​സി​ൽ പ്ര​സി​ഡ​ന്‍റ്​ ജോ​സ് വ​ള്ളൂ​ർ, ടി.​എ​ൻ. പ്ര​താ​പ​ൻ, അ​നി​ൽ അ​ക്ക​ര, എം.​പി. വി​ൻ​സെ​ന്‍റ്​ എ​ന്നി​വ​ർ​ക്കെ​തി​രെ വ​ലി​യ ചേ​രി രൂ​പ​പ്പെ​ട്ടി​ട്ടു​ണ്ട്. പ്ര​താ​പ​നും അ​നി​ൽ അ​ക്ക​ര​യും രാ​ഹു​ൽ ഗാ​ന്ധി​യു​ടെ അ​ടു​ത്ത ആ​ളു​ക​ളെ​ന്ന്​ അ​വ​കാ​ശ​പ്പെ​ട്ട്​ എ​ല്ലാ​വ​രെ​യും വ​രു​തി​യി​ൽ നി​ർ​ത്തു​ക​യാ​യി​രു​ന്നു​വെ​ന്ന ആ​ക്ഷേ​പം നേ​ര​ത്തേ​യു​ള്ള​താ​ണ്.

ഐ ​ഗ്രൂ​പ്പി​ൽ​നി​ന്ന്​ കെ.​സി. വേ​ണു​ഗോ​പാ​ൽ പ​ക്ഷ​ത്തി​ന്‍റെ ആ​ളാ​യാ​ണ്​ ഡി.​സി.​സി പ്ര​സി​ഡ​ന്‍റ്​ നി​ല​നി​ൽ​ക്കു​ന്ന​ത്. അ​തി​നി​ടെ, ഇ​നി​യും സം​ഘ​ർ​ഷം ഉ​ണ്ടാ​കാ​തി​രി​ക്കാ​ൻ ഇ​രു വി​ഭാ​ഗ​വു​മാ​യും മു​തി​ർ​ന്ന നേ​താ​ക്ക​ൾ ച​ർ​ച്ച ന​ട​ത്തു​ന്നു​ണ്ട്.

സ​ജീ​വ​നും കൂ​ട്ട​രും മ​ദ്യ​പി​ച്ചെ​ത്തി അ​ഴി​ഞ്ഞാ​ടി​യെ​ന്ന്​ ഡി.​സി.​സി

തൃ​ശൂ​ർ: ഡി.​സി.​സി ജ​ന​റ​ൽ സെ​ക്ര​ട്ട​റി സ​ജീ​വ​ൻ കു​രി​യ​ച്ചി​റ​യും അ​നു​യാ​യി​ക​ളും മ​ദ്യ​പി​ച്ചെ​ത്തി ഡി.​സി.​സി ഓ​ഫി​സി​ൽ അ​ഴി​ഞ്ഞാ​ടി​യെ​ന്നും അ​വ​രു​ടെ ക്രൂ​ര​മ​ർ​ദ​ന​മേ​റ്റ കെ.​എ​സ്‌.​യു സം​സ്ഥാ​ന ക​മ്മി​റ്റി അം​ഗം സി.​വി. വി​മ​ലും യൂ​ത്ത് കോ​ൺ​ഗ്ര​സ് സോ​ഷ്യ​ൽ മീ​ഡി​യ കോ​ഓ​ഡി​നേ​റ്റ​ർ പ​ഞ്ചു തോ​മ​സും ജി​ല്ല ആ​ശു​പ​ത്രി​യി​ൽ ചി​കി​ത്സ​യി​ലാ​ണെ​ന്നു​മു​ള്ള വി​ശ​ദീ​ക​ര​ണ​വു​മാ​യി ജി​ല്ല കോ​ൺ​ഗ്ര​സ്​ ക​മ്മി​റ്റി.

മ​ദ്യ​പി​ച്ച് എ​ത്തി​യ സ​ജീ​വ​ന്‍റെ നേ​തൃ​ത്വ​ത്തി​ൽ ഡി.​സി.​സി സെ​ക്ര​ട്ട​റി എം.​എ​ൽ. ബേ​ബി, യൂ​ത്ത് കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി എ​ബി​മോ​ൻ, ജി​ല്ല സെ​ക്ര​ട്ട​റി അ​ഖി​ൽ ബാ​ബു​രാ​ജ്, ബൈ​ജു പു​ത്തൂ​ർ, നി​ഖി​ൽ ജോ​ൺ, സു​രേ​ഷ്, സു​നോ​ജ് ത​മ്പി തു​ട​ങ്ങി​യ​വ​രാ​ണ് വെ​ള്ളി​യാ​ഴ്ച വൈ​കീ​ട്ട് ഡി.​സി.​സി ഓ​ഫി​സി​ലെ​ത്തി മ​ർ​ദ​നം അ​ഴി​ച്ചു​വി​ട്ട​ത്.

യൂ​നി​വേ​ഴ്സി​റ്റി യൂ​നി​യ​ൻ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട്​ ഓ​ഫി​സി​ൽ ഉ​ണ്ടാ​യി​രു​ന്ന വി​മ​ലി​നെ​യും പ​ഞ്ചു തോ​മ​സി​നെ​യും പ്ര​കോ​പ​ന​മി​ല്ലാ​തെ​യാ​ണ്​ മ​ർ​ദി​ച്ച​തെ​ന്നും പ​റ​യു​ന്നു. വെ​ള്ളി​യാ​ഴ്ച വൈ​കീ​ട്ടു​ണ്ടാ​യ സം​ഭ​വ​ങ്ങ​ൾ​ക്ക്​ ശ​നി​യാ​ഴ്ച വൈ​കീ​ട്ടോ​ടെ​യാ​ണ്​ ഡി.​സി.​സി ഈ ​വി​ശ​ദീ​ക​ര​ണം ഇ​റ​ക്കി​യ​ത്.

നാ​ലാം ദി​വ​സ​വും പോ​സ്റ്റ​ർ

തൃ​ശൂ​ർ: ഡി.​സി.​സി ഓ​ഫി​സി​ൽ കൂ​ട്ട​ത്ത​ല്ലി​ലേ​ക്ക്​ ന​യി​ച്ച്​ പോ​സ്റ്റ​ർ പ​തി​ക്ക​ൽ തു​ട​രു​ന്നു. ശ​നി​യാ​​ഴ്ച​യും ജി​ല്ല കോ​ൺ​ഗ്ര​സ്​ നേ​തൃ​ത്വ​ത്തി​ൽ ചി​ല​ർ​ക്കെ​തി​രെ പോ​സ്റ്റ​ർ പ്ര​ത്യ​ക്ഷ​പ്പെ​ട്ടു. യു.​ഡി.​എ​ഫ്​ ജി​ല്ല ചെ​യ​ർ​മാ​ൻ എം.​പി. വി​ൻ​സെ​ന്‍റി​നും അ​നി​ൽ അ​ക്ക​ര​ക്കു​മെ​തി​രെ​യാ​ണ്​ പോ​സ്റ്റ​ർ. ‘അ​നി​ൽ അ​ക്ക​ര​യെ വി​ളി​ക്കൂ, കോ​ൺ​ഗ്ര​സി​നെ ഒ​റ്റി​ക്കൊ​ടു​ക്കൂ’, ‘എം.​പി. വി​ൻ​സെ​ന്‍റ്​ യു.​ഡി.​എ​ഫ്​ ചെ​യ​ർ​മാ​ൻ സ്ഥാ​നം ഒ​ഴി​യു​ക’ എ​ന്നീ ആ​വ​ശ്യ​ങ്ങ​ളാ​ണ്​ തൃ​ശൂ​ർ പ്ര​സ് ക്ല​ബി​ന്​ മു​ന്നി​ൽ പ​തി​ച്ച പോ​സ്റ്റ​റി​ൽ പ​റ​യു​ന്ന​ത്.