വിവരാവകാശ അപേക്ഷക്ക്​​ മറുപടി വേണേൽ ഓഫിസിൽ വാ...

തൃശൂർ: 'വിവരങ്ങൾ നൽകാനാവില്ല. വേണേൽ ഓഫിസിൽ വന്ന്​ പരിശോധിക്കാം. പക്ഷേ ആദ്യ ഒരു മണിക്കൂറിൽ സൗജന്യവും തുടർന്നുള്ള അര മണിക്കൂറിൽ 10 രൂപ വീതവും നൽകണം'. ഇടപ്പള്ളി-കുറ്റിപ്പുറം ദേശീയപാത വികസനത്തിനായി ഭൂമി വിട്ടുനൽകുന്നവർ വിവരാവകാശ നിയമ പ്രകാരം നൽകിയ അപേക്ഷയിലാണ്​ കൊടുങ്ങല്ലൂർ (എൽ.എ) എൻ.എച്ച്​-17 സ്​​െപഷൽ ഡെപ്യൂട്ടി കലക്​ടറുടെ കാര്യാലയത്തിൽനിന്ന്​ സ്​​െപഷൽ തഹസിൽദാർ-യൂനിറ്റ്​ 04 വിവാദ മറുപടി നൽകിയത്​​. വിവരം നൽകുന്നതിനായി അപേക്ഷകനെ ഓഫിസില്‍ വിളിച്ചുവരുത്താന്‍ വിവരാവകാശ നിയമത്തില്‍ വ്യവസ്ഥയില്ല. അപേക്ഷകർ നേരിട്ട്​ ഹാജരാകണമെന്ന് ആവശ്യപ്പെടുന്ന ഉദ്യോ

ഗസ്ഥർക്കെതിരെ പിഴയടക്കമുള്ള ശിക്ഷാനടപടികൾ പൊതുഭരണ (ഏകോപന) വകുപ്പ്​ ഉത്തരവിലുണ്ട്​. മാത്രമല്ല, രേഖ പരിശോധിക്കണം എന്ന് ആവശ്യപ്പെടാത്ത അപേക്ഷകനെ വിളിച്ച് വരുത്താന്‍ പാടി​െല്ലന്ന്​ സംസ്ഥാന വിവരാവകാശ കമീഷൻ വിധിയില​ും ഉണ്ടായിരിക്കെയാണ്​ വിചിത്ര മറുപടി. ഇതിനെതിരെ വിവരാവകാശ കമീഷന്​ പരാതി അയച്ചിരിക്കുകയാണ്​ അപേക്ഷകർ.

ദേശീയപാതക്കായി ഭൂമി ഏറ്റെടുക്കൽ സമയബന്ധിതമായി പൂർത്തിയാക്കേണ്ടതിനാൽ വിവരം നൽകാൻ സമയം ഇല്ലെന്നാണ്​ കാരണം വ്യക്തമാക്കുന്നത്​. കോവിഡ്​ പടരുന്നതിനാൽ ജീവനക്കാരുടെ അപര്യാപ്​തതയിൽ വിവരങ്ങൾ ക്രോഡീകരിക്കുന്നത്​ ശ്രമകരമായതിനാലും കാര്യാലയത്തിൽ നേരിട്ട്​ എത്താനാണ്​ ആവശ്യപ്പെട്ടിരിക്കുന്നത്​. റോഡ്​ വികസനത്തിനായി ഏറ്റെടുക്കുന്ന ഭൂമി, ഏറ്റെടുക്കുന്ന ഭൂമിക്ക്​ നിശ്ചയിച്ച ക​േമ്പാള വില, വില നിശ്ചയിച്ചതി​െൻറ മാനദണ്ഡം, അടിസ്ഥാന വിലക്കൊപ്പം ഇതര ആനുകൂല്യം, വീടിന്​ സംഭവിക്കുന്ന നാശം, കെട്ടിടത്തിനും​ വൃക്ഷത്തിനും നിശ്ചയിച്ച വില തുടങ്ങി പാതയോരവാസികളുടെ ജീവൽ പ്രശ്​നങ്ങളാണ്​ വിവരാവാകാശ നിയമ പ്രകാരം ആവശ്യപ്പെട്ടിരുന്നത്​. അതിനാണ്​ വിവരാവകാശ നിയത്തി​െൻറ അന്തസ്സത്ത ചോദ്യം ചെയ്യുന്ന രീതിയിലുള്ള മറുപടി നൽകിയത്​.

ദേശീയപാത 66 വികസനത്തിനായി ചാവക്കാട് താലൂക്കിലെ കടിക്കാട് മുതൽ കൊടുങ്ങല്ലൂർ താലൂക്കിലെ മേത്തല വരെ 20 വില്ലേജുകളിൽ നിന്നായി 63 കിലോമീറ്ററിൽ 1205.4412 ഹെക്ടർ ഭൂമിയാണ്​ ഏറ്റെടുക്കുന്നത്. ഏറ്റെടുത്ത ഭൂമിയുടെ ഉടമകൾക്കായി നാഷനൽ ഹൈവേ അതോറിറ്റി നഷ്​ടപരിഹാരത്തുകയായി 5093 കോടി രൂപയുടെ വിതരണാനുമതി നൽകിയിരുന്നു. ഇതിൽ 3927 കോടി രൂപ ലഭ്യമായതായാണ്​ അധികൃതരുടെ വാദം. ആദ്യഘട്ടത്തിൽ ഫണ്ട് ലഭ്യമായ ഭൂവുടമകൾക്ക് ഭൂമി വിട്ടൊഴിയുന്നതിനുള്ള നോട്ടീസുകൾ 90 ശതമാനവും നൽകി. ഇങ്ങനെ നോട്ടീസ്​ ലഭിച്ചവരാണ്​ അവരുടെ ഭൂവില അടക്കം അറിയുന്നതിന്​ വിവരാവകാശ അപേക്ഷയിൽ കാര്യങ്ങൾ തിരക്കിയത്​.