സ്‌കൂള്‍ പാചക തൊഴിലാളിയെ അന്യായമായി പിരിച്ചുവിട്ടതായി പരാതി

തൃ​ശൂ​ര്‍: 35 വ​ര്‍ഷം സ​ര്‍വി​സു​ള്ള സ്‌​കൂ​ള്‍ പാ​ച​ക തൊ​ഴി​ലാ​ളി​യെ അ​ന്യാ​യ​മാ​യി പി​രി​ച്ചു​വി​ട്ട​താ​യി സ്‌​കൂ​ള്‍ പാ​ച​ക തൊ​ഴി​ലാ​ളി യൂ​നി​യ​ന്‍ (എ.​ഐ.​ടി.​യു.​സി) ജി​ല്ല ഭാ​ര​വാ​ഹി​ക​ള്‍ വാ​ര്‍ത്ത​സ​മ്മേ​ള​ന​ത്തി​ല്‍ ആ​രോ​പി​ച്ചു. മേ​ല​ഡൂ​ര്‍ ഗ​വ. എ​ല്‍.​പി സ്‌​കൂ​ളി​ലെ പാ​ച​ക തൊ​ഴി​ലാ​ളി ശോ​ഭ സു​ബ്ര​ഹ്മ​ണ്യ​നെ​യാ​ണ് പി​രി​ച്ചു​വി​ട്ട​ത്.

സ്‌​കൂ​ളി​ന് മു​ന്നി​ലു​ണ്ടാ​യ വാ​ഹ​നാ​പ​ക​ട​ത്തി​ല്‍ പ​രി​ക്കേ​റ്റ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച ശോ​ഭ​ക്ക് സ്‌​കാ​നി​ങ്ങി​ൽ ത​ല​യി​ല്‍ ട്യൂ​മ​ര്‍ ക​ണ്ടെ​ത്തി​യി​രു​ന്നു. തു​ട​ര്‍ന്ന് വി​ദ​ഗ്ധ ചി​കി​ത്സ​ക്കാ​യി ന​ല്‍കി​യ അ​വ​ധി അ​പേ​ക്ഷ പ്ര​ധാ​നാ​ധ്യാ​പി​ക അം​ഗീ​ക​രി​ക്കു​ക​യും ചെ​യ്തി​രു​ന്നു. എ​ന്നാ​ല്‍, അ​സു​ഖം മാ​റി​യെ​ത്തി​യ ശോ​ഭ​യെ പ്ര​ധാ​നാ​ധ്യാ​പി​ക ജോ​ലി​യി​ല്‍ പ്ര​വേ​ശി​പ്പി​ച്ചി​ല്ലെ​ന്ന് മാ​ത്ര​മ​ല്ല, മ​റ്റൊ​രാ​ളെ ജോ​ലി​ക്ക് നി​യ​മി​ക്കു​ക​യും ചെ​യ്​​​തു. ഇ​തി​നെ​തി​രെ ശോ​ഭ​യും യൂ​നി​യ​നും എ.​ഇ.​ഒ​ക്ക് പ​രാ​തി ന​ല്‍കി​യി​ട്ടു​ണ്ട്.

എ​ന്നാ​ല്‍, പി​രി​ച്ചു​വി​ട്ട ന​ട​പ​ടി മാ​ള എ.​ഇ.​ഒ അം​ഗീ​ക​രി​ക്കു​ക​യും ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ല്‍ ഒ​രു പാ​ച​ക തൊ​ഴി​ലാ​ളി​ക്ക് ജോ​ലി ചെ​യ്യാ​ന്‍ ക​ഴി​യാ​ത്ത സാ​ഹ​ച​ര്യ​ത്തി​ൽ അ​വ​രെ നീ​ക്കം ചെ​യ്ത് മ​റ്റൊ​രാ​ളെ നി​യ​മി​ക്കു​ക മാ​ത്ര​മേ നി​ര്‍വാ​ഹ​മു​ള്ളൂ​വെ​ന്ന ഉ​ത്ത​ര​വി​റ​ക്കു​ക​യു​മാ​ണ് ചെ​യ്ത​ത്. ഈ ​ഉ​ത്ത​ര​വ് അം​ഗീ​ക​രി​ച്ചാ​ല്‍ പാ​ച​ക തൊ​ഴി​ലാ​ളി​ക​ളു​ടെ സം​ര​ക്ഷ​ണ​ത്തി​ന് സ​ര്‍ക്കാ​ര്‍ ഏ​ര്‍പ്പെ​ടു​ത്തി​യ എ​ല്ലാ സു​ര​ക്ഷ മാ​ന​ദ​ണ്ഡ​ങ്ങ​ളും അ​സാ​ധു​വാ​കും.

സ്‌​കൂ​ള്‍ പാ​ച​ക തൊ​ഴി​ലാ​ളി​ക​ളു​ടെ തൊ​ഴി​ല്‍ സു​ര​ക്ഷ ഉ​റ​പ്പ് വ​രു​ത്ത​ണ​മെ​ന്നും മാ​ള എ.​ഇ.​ഒ വി.​കെ ന​ളി​നി​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട് 11ന് ​എ.​ഇ.​ഒ ഓ​ഫി​സി​ലേ​ക്ക് യൂ​നി​യ​ന്‍ മാ​ര്‍ച്ച്​ ന​ട​ത്തു​മെ​ന്നും ഭാ​ര​വാ​ഹി​ക​ള്‍ പ​റ​ഞ്ഞു. വാ​ര്‍ത്ത​സ​മ്മേ​ള​ന​ത്തി​ല്‍ പി.​ജി. മോ​ഹ​ന​ന്‍, വി.​കെ. ല​തി​ക, റ​ജി​ല ബാ​ബു എ​ന്നി​വ​ര്‍ സം​ബ​ന്ധി​ച്ചു.