ആറ്റപ്പിള്ളി പാലം റോഡ്, റെഗുലേറ്റർ നിർമാണം ഉടൻ പൂർത്തിയാക്കണം -ഹൈകോടതി

അ​മ്പ​ല്ലൂ​ർ: വ​ലി​യ കു​ഴി രൂ​പ​പ്പെ​ട്ട് ഗ​താ​ഗ​തം ത​ട​സ്സ​പ്പെ​ട്ട വ​ര​ന്ത​ര​പ്പി​ള്ളി ആ​റ്റ​പ്പി​ള്ളി പാ​ലം റോ​ഡി​ന്റെ​യും റെ​ഗു​ലേ​റ്റ​റി​ന്റെ​യും പ്ര​വൃ​ത്തി വേ​ഗ​ത്തി​ല്‍ പൂ​ര്‍ത്തി​യാ​ക്കാ​നും അ​തി​നു​ള്ള കാ​ലാ​വ​ധി അ​റി​യി​ക്കാ​നും സ​ര്‍ക്കാ​റി​നും ജ​ല​സേ​ച​ന വ​കു​പ്പി​നും ഹൈ​കോ​ട​തി നി​ർ​ദേ​ശം.

പ​ണി പൂ​ര്‍ത്തി​യാ​ക്കു​ന്ന​ത് സം​ബ​ന്ധി​ച്ച് ഈ ​മാ​സം 18ന് ​സ​ത്യ​വാ​ങ്മൂ​ലം ന​ല്‍കാ​നും ചീ​ഫ് ജ​സ്റ്റി​സ് അ​ധ്യ​ക്ഷ​നാ​യ ബെ​ഞ്ച് നി​ർ​ദേ​ശി​ച്ചു. ഇ​ക്കാ​ര്യം നേ​ര​ത്തേ കോ​ട​തി ആ​വ​ശ്യ​പ്പെ​ട്ട​പ്പോ​ള്‍, 13.9 കോ​ടി​യു​ടെ ഭ​ര​ണാ​നു​മ​തി വേ​ണ​മെ​ന്നും നി​ര്‍മാ​ണം പൂ​ര്‍ത്തി​യാ​ക്കാ​ന്‍ 22 മാ​സ​ത്തെ കാ​ല​യ​ള​വ് വേ​ണ​മെ​ന്നും ചീ​ഫ് എ​ന്‍ജി​നീ​യ​ര്‍ അ​റി​യി​ച്ചി​രു​ന്നു. ഇ​ത് പ​രി​ശോ​ധി​ച്ച കോ​ട​തി, ജ​ന​ങ്ങ​ളു​ടെ ബു​ദ്ധി​മു​ട്ട് ക​ണ​ക്കി​ലെ​ടു​ത്ത് വേ​ഗ​ത്തി​ല്‍ ന​ട​പ​ടി​ക​ള്‍ കൈ​ക്കൊ​ള്ള​ണ​മെ​ന്ന് നി​ര്‍ദേ​ശി​ച്ചു.

ആ​റ്റ​പ്പി​ള്ളി പാ​ല​ത്തോ​ട​നു​ബ​ന്ധി​ച്ച് റോ​ഡ് താ​ഴ്ന്ന് വ​ൻ​കു​ഴി രൂ​പ​പ്പെ​ട്ട​ത് ഉ​ട​ന്‍ ശ​രി​യാ​ക്ക​ണ​മെ​ന്നാ​വ​ശ്യ​പ്പെ​ട്ട് ന​ന്തി​പു​ലം സ്വ​ദേ​ശി ജോ​സ​ഫ് ചെ​ത​ല​ന്‍ സ​മ​ര്‍പ്പി​ച്ച ഹ​ര​ജി​യി​ലാ​ണ് ഉ​ത്ത​ര​വ്. കേ​സ് ഈ ​മാ​സം 18ന് ​വീ​ണ്ടും പ​രി​ഗ​ണി​ക്കും.