Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightകോവിഡ് വാ​ക്​​സി​ൻ;...

കോവിഡ് വാ​ക്​​സി​ൻ; പരക്കം പാഞ്ഞ്​ ജനം

text_fields
bookmark_border
കോവിഡ് വാ​ക്​​സി​ൻ; പരക്കം പാഞ്ഞ്​ ജനം
cancel

തൃ​ശൂ​ർ: വാ​ക്​​സി​ൻ ല​ഭിക്കാൻ വൈകുന്നത് ജനങ്ങളെ ആശങ്കയിലാഴ്ത്തുന്നു. ര​ണ്ടാം ഡോ​സ്​ ല​ഭി​ക്കാ​ൻ സ​മ​യ​മാ​യ​തോ​ടെ​യാ​ണ്​ ജ​നം കോ​വി​ൻ ആ​പ്​ നോ​ക്കി​മ​ടു​ത്ത്​ പ​രാ​തി​യു​മാ​യി പ​ര​ക്കം​പാ​യു​ന്ന​ത്. വാ​ക്​​സി​ൻ കേ​ന്ദ്ര​ങ്ങ​ളി​ൽ ദി​ന​വു​മെ​ത്തി മ​ട​ങ്ങു​ന്ന​വ​രും ഏ​റെ​യാ​ണ്. ആ​രോ​ഗ്യ വ​കു​പ്പ്, ത​ദ്ദേ​ശ സ്ഥാ​പ​ന പ്ര​തി​നി​ധി​ക​ൾ എ​ന്നി​വ​ർ നി​ര​ന്ത​രം പ​രാ​തി​യു​മാ​യെ​ത്തി​യ​വ​രോ​ട്​ സ​മാ​ധാ​നം പ​റ​ഞ്ഞ്​ മ​ടു​ത്ത അ​വ​സ്ഥ​യി​ലാ​ണ്.

നി​ല​വി​ൽ ജി​ല്ല​യി​ൽ എ​ത്തി​യ വാ​ക്​​സി​നി​ൽ 20 ശ​ത​മാ​നം മാ​ത്ര​മാ​ണ്​ കോ​വി​ൻ പോ​ർ​ട്ട​ൽ വ​ഴി ബു​ക്ക്​ ചെ​യ്യാ​ൻ ന​ൽ​കു​ന്ന​ത്. ബാ​ക്കി 80 ശ​ത​മാ​നം ആ​ർ.​ആ​ർ.​ടി-​ത​ദ്ദേ​ശ പ്ര​തി​നി​ധി​ക​ൾ വ​ഴി​യാ​ണ്​ ന​ൽ​കു​ന്ന​ത്. അ​വ​ർ ന​ൽ​കു​ന്ന മു​ൻ​ഗ​ണ​ന പ​ട്ടി​ക അ​നു​സ​രി​ച്ചാ​ണ്​ വാ​ക്​​സി​ൻ ന​ൽ​കു​ന്ന​ത്. എ​ന്നാ​ൽ, അ​വ​രി​ൽ​നി​ന്ന്​ പ്ര​തി​ക​ര​ണം ല​ഭി​ക്കാ​തെ വ​രു​ന്ന​വ​ർ പ​രി​ഭ്രാ​ന്തി പൂ​ണ്ടാ​ണ്​ വാ​ക്സി​ന്​ വേ​ണ്ടി പ​ല വ​ഴി​ക​ളും തേ​ടു​ന്നത്. ശ​നി​യാ​ഴ്​​ച മു​ത​ൽ സ്വ​കാ​ര്യ ആ​ശു​പ​ത്രി​ക​ളി​ൽ വാ​ക്​​സി​ൻ വി​ത​ര​ണം തു​ട​ങ്ങി​യ​തോ​ടെ വ​ൻ തി​ര​ക്കാ​ണ്​ അ​നു​ഭ​വ​പ്പെ​ട്ട​ത്. പ​ല​യി​ട​ത്തും കോ​വി​ഡ്​ മാ​ന​ദ​ണ്ഡ​ങ്ങ​ൾ ലം​ഘി​ച്ച്​ തി​ര​ക്കു​കൂ​ടി നി​ൽ​ക്കു​ന്ന പ്ര​വ​ണ​ത​യു​ണ്ടാ​യി. മ​ണി​ക്കൂ​റു​ക​ൾ വ​രി​നി​ന്നാ​ണ്​ വാ​ക്​​സി​ൻ ല​ഭി​ച്ച​ത്. ഞാ​യ​റാ​ഴ്​​ച​ത്തെ വാ​ക്​​സി​ൻ വി​ത​ര​ണ ബു​ക്കി​ങ്ങും സ്വ​കാ​ര്യ ആ​ശു​പ​ത്രി​ക​ൾ ​ശ​നി​യാ​ഴ്​​ച​ ഉ​ച്ച​യോ​ടെ ത​ന്നെ ​േക്വാ​ട്ട തീ​ർ​ന്ന​തോ​ടെ അ​വ​സാ​നി​പ്പി​ച്ചു.

അ​തേ​സ​മ​യം, കോ​വി​ഷീ​ൽ​ഡി​െൻറ ര​ണ്ടാം ഡോ​സ്​ സ്വീ​ക​രി​ക്കേ​ണ്ട സ​മ​യം 16 ആ​ഴ്​​ച വ​രെ​യു​ണ്ടെ​ന്നും പ​രി​ഭ്രാ​ന്ത​രാ​കേ​ണ്ടെ​ന്നും ആ​രോ​ഗ്യ വ​കു​പ്പ്​ അ​ധി​കൃ​ത​ർ വ്യ​ക്ത​മാ​ക്കി. ആ​ദ്യ ഡോ​സ് സ്വീ​ക​രി​ച്ച് 84 മു​ത​ല്‍ 112 ദി​വ​സ​ത്തി​ന​ക​മാ​ണ് (12-16 ആ​ഴ്ച) സ്വീ​ക​രി​ക്കേ​ണ്ട​ത്. ആ​ദ്യ ഡോ​സ് സ്വീ​ക​രി​ച്ച് 12ാം ആ​ഴ്​​ച മു​ത​ല്‍ ത​ന്നെ ര​ണ്ടാം ഡോ​സ് സ്വീ​ക​രി​ക്കാ​ൻ വൈ​കി​യെ​ന്ന ആ​ശ​ങ്ക​യോ​ടെ വാ​ക്​​സി​ന്​ വേ​ണ്ടി ജ​നം പ​ര​ക്കം പാ​യേ​ണ്ട കാ​ര്യ​മി​ല്ലെ​ന്ന്​ ഡി.​എം.​ഒ വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി. വാ​ക്​​സി​ന്​ വേ​ണ്ടി ര​ജി​സ്​​ട്രേ​ഷ​നെ​ടു​ത്ത ​ആ​പ്പി​ൽ​നി​ന്ന്​ 82ാം ദി​വ​സം മു​ത​ല്‍ ത​ന്നെ ര​ണ്ടാം ഡോ​സ് സ്വീ​ക​രി​ക്കാ​നു​ള്ള സ​മ​യ​മാ​യി എ​ന്ന് ഓ​ർ​മി​പ്പി​ക്കു​ന്ന സ​ന്ദേ​ശ​ങ്ങ​ള്‍ ഫോ​ണി​ല്‍ ല​ഭി​ച്ചു​തു​ട​ങ്ങും. എ​ന്നാ​ല്‍, ര​ണ്ടാം ഡോ​സ് വാ​ക്സി​ന്‍ 84 ദി​വ​സം ക​ഴി​യു​ന്ന ദി​വ​സം ത​ന്നെ സ്വീ​ക​രി​ക്കേ​ണ്ട​തി​ല്ല.

ആ​ദ്യ ഡോ​സി​നു​ശേ​ഷം 112 ദി​വ​സ​ത്തി​ന​കം സ്വീ​ക​രി​ച്ചാ​ല്‍ മ​തി​യാ​കും എ​ന്ന​തി​നാ​ല്‍ ഫോ​ണി​ല്‍ സ​ന്ദേ​ശ​ങ്ങ​ള്‍ ല​ഭി​ച്ചാ​ല്‍ ഉ​ട​ന്‍ ര​ണ്ടാം ഡോ​സ് സ്വീ​ക​രി​ക്കാ​നു​ള്ള സ​മ​യം വൈ​കി​യോ എ​ന്ന് ഭ​യ​പ്പെ​ട്ട് ആ​രോ​ഗ്യ സ്ഥാ​പ​ന​ങ്ങ​ളി​ലേ​ക്ക്​ ഫോ​ണ്‍ വി​ളി​ക്കേ​ണ്ട ആ​വ​ശ്യ​മി​ല്ല. വാ​ക്സി​ന്‍ ല​ഭ്യ​ത അ​നു​സ​രി​ച്ച് ഘ​ട്ടം ഘ​ട്ട​മാ​യി മു​ഴു​വ​ന്‍ പേ​ര്‍ക്കും ര​ണ്ടാം ഡോ​സ് എ​ടു​ക്കാ​നു​ള്ള സൗ​ക​ര്യ​ങ്ങ​ള്‍ ഏ​ര്‍പ്പെ​ടു​ത്തു​ന്നു​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:vaccine​Covid 19
News Summary - covid vaccine; Scattered people
Next Story