വി​ട്ടു​വീ​ഴ്ച​ക​ൾ തി​രി​ച്ച​ടി​യാകു​മെ​ന്ന് സി.​പി.​ഐ​യി​ൽ വി​മ​ർ​ശനം

തൃ​ശൂ​ർ: പൂ​രം ക​ല​ക്ക​ലും തൃ​ശൂ​രി​ലെ പ​രാ​ജ​യ​വും, എ.​ഡി.​ജി.​പി എം.​ആ​ർ. അ​ജി​ത് കു​മാ​റി​നെ​തി​രെ ന​ട​പ​ടി​യി​ല്ലാ​ത്ത​ത്, ഡെ​പ്യൂ​ട്ടി മേ​യ​ർ സ്ഥാ​നം പോ​ലും ല​ഭ്യ​മാ​ക്കാ​ൻ ക​ഴി​യാ​ത്ത വി​ധ​മു​ള്ള നേ​തൃ​ത​ല പി​ടി​പ്പു​കേ​ട്....

ഇ​ട​ത് മു​ന്ന​ണി​യി​ലെ ര​ണ്ടാ​മ​ത്തെ വ​ലി​യ ഘ​ട​ക​ക​ക്ഷി​യാ​യി​ട്ടും പാ​ർ​ട്ടി​ക്ക് വി​ട്ടു​വീ​ഴ്ച​ക​ളേ​റെ സ​ഹി​ക്കേ​ണ്ടി​വ​രു​ന്ന​തി​ലെ പ്ര​തി​ഷേ​ധം തൃ​ശൂ​ർ സി.​പി.​ഐ​യി​ൽ പു​ക​യു​ന്നു. ജി​ല്ല​യി​ൽ നി​ന്ന് റ​വ​ന്യൂ മ​ന്ത്രി, നാ​ല് എം.​എ​ൽ.​എ​മാ​ർ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് എ​ന്നീ പ​ദ​വി​ക​ൾ ഉ​ണ്ടാ​യി​ട്ടും ന്യാ​യ​മാ​യ ആ​വ​ശ്യ​ങ്ങ​ൾ നേ​ടി​യെ​ടു​ക്കു​ന്ന​തി​ൽ നേ​തൃ​ത്വം പ​രാ​ജ​യ​മാ​ണെ​ന്ന അ​ഭി​പ്രാ​യ​ത്തി​ലാ​ണ് അ​ണി​ക​ൾ.

തൃ​ശൂ​രി​ൽ വി.​എ​സ്. സു​നി​ൽ കു​മാ​റി​ന്റെ വ്യ​ക്തി​പ്ര​ഭാ​വ​വും മ​ണ്ഡ​ല പ​രി​ച​യ​വും വി​ജ​യം സു​നി​ശ്ചി​ത​മാ​ക്കു​മെ​ന്നാ​യി​രു​ന്നു വി​ശ്വാ​സം. എ​ന്നാ​ൽ, ബി.​ജെ.​പി സ്ഥാ​നാ​ർ​ഥി സു​രേ​ഷ് ഗോ​പി​യു​ടെ വി​ജ​യ​ത്തി​നാ​യി പൊ​ലീ​സ് സം​വി​ധാ​ന​ത്തെ ത​ന്നെ ദു​രു​പ​യോ​ഗ​പ്പെ​ടു​ത്തി​യെ​ന്ന വാ​ർ​ത്ത​ക​ൾ സി.​പി.​ഐ നേ​തൃ​ത്വ​ത്തെ​യും പാ​ർ​ട്ടി അ​ണി​ക​ളെ​യും ഞെ​ട്ടി​ച്ചി​രി​ക്കു​ക​യാ​ണ്. പൂ​രം ക​ല​ക്കു​ന്ന​തി​ന് മു​ന്നോ​ടി​യാ​യി സി.​പി.​എം നേ​താ​ക്ക​ൾ സം​ഘ്പ​രി​വാ​ർ നേ​താ​ക്ക​ളു​മാ​യി കൂ​ടി​ക്കാ​ഴ്ച ന​ട​ത്തി​യെ​ന്ന സി.​പി.​​ഐ ജി​ല്ലാ നേ​താ​വി​ന്റെ ആ​രോ​പ​ണ​വും ഈ ​സാ​ഹ​ച​ര്യ​ത്തി​ലാ​ണ്.

പൂ​രം ക​ല​ക്കാ​ൻ ആ​സൂ​ത്രി​ത​ശ്ര​മം ന​ട​ന്നി​ട്ടു​ണ്ടെ​ന്നും അ​ന്വേ​ഷ​ണം വേ​ണ​മെ​ന്നും ആ​വ​ശ്യ​പ്പെ​ട്ട് വി.​എ​സ്. സു​നി​ൽ കു​മാ​ർ ത​ന്നെ രം​ഗ​ത്തെ​ത്തി​യി​രു​ന്നു. സ​മാ​ന ആ​വ​ശ്യം ഉ​ന്ന​യി​ച്ച് മ​ന്ത്രി കെ. ​രാ​ജ​നും രം​ഗ​ത്തെ​ത്തി. എ​ന്നാ​ൽ, ആ​വ​ശ്യം കേ​ട്ട​താ​യി മു​ഖ്യ​മ​ന്ത്രി​യോ സി.​പി.​എ​മ്മോ ഭാ​വി​ച്ചി​രു​ന്നി​ല്ല. എ.​ഡി.​ജി.​പി​യെ മാ​റ്റു​ന്ന​ത് സം​ബ​ന്ധി​ച്ച് മു​ഖ്യ​മ​ന്ത്രി മൗ​നം പാ​ലി​ക്കു​ക​യാ​ണ്.

എ.​ഡി.​ജി.​പി​യെ മാ​റ്റു​മെ​ന്ന് മു​ഖ്യ​മ​ന്ത്രി ഉ​റ​പ്പ് ത​ന്ന​താ​യി സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം അ​റി​യി​ച്ച​ത് സി.​പി.​ഐ ജി​ല്ല നേ​തൃ​ത്വ​ത്തി​ന് നേ​രി​യ ആ​ശ്വാ​സ​മാ​യി​ട്ടു​ണ്ട്. സി.​പി.​ഐ​യു​ടെ കൂ​ടി ആ​നു​കൂ​ല്യ​ത്തി​ൽ മേ​യ​റാ​യ എം.​കെ വ​ർ​ഗീ​സ് ബി.​ജെ.​പി​യെ​യും സു​രേ​ഷ് ഗോ​പി​യെ​യും പ്ര​ശം​സി​ച്ച് നി​ര​ന്ത​രം രം​ഗ​ത്തെ​ത്തു​ന്ന​തും അ​ണി​ക​ളി​ൽ ച​ർ​ച്ച​യാ​കു​ന്നു​ണ്ട്.

മു​ൻ ധാ​ര​ണ പ്ര​കാ​രം മേ​യ​ർ സ്ഥാ​നം ഒ​ഴി​യേ​ണ്ട സ​മ​യം അ​തി​ക്ര​മി​ച്ചി​ട്ടു​ണ്ട്. ഇ​നി​യും ഒ​ഴി​യാ​ൻ ത​യാ​റാ​യി​ല്ലെ​ങ്കി​ൽ സി.​പി.​ഐ കൗ​ൺ​സി​ല​ർ​മാ​രെ​ങ്കി​ലും പി​ന്തു​ണ പി​ൻ​വ​ലി​ക്ക​ണ​മെ​ന്നാ​ണ് പ്ര​വ​ർ​ത്ത​ക​ർ ആ​വ​ശ്യ​പ്പെ​ടു​ന്ന​ത്.