ബാ​ങ്കു​ക​ളി​ലെ ഇ.​ഡി പ​രി​ശോ​ധ​ന; പ്ര​തി​രോ​ധി​ക്കാ​നാ​വാ​തെ സി.​പി.​എം നേ​തൃ​ത്വം

തൃ​ശൂ​ർ: 25 മ​ണി​ക്കൂ​റോ​ളം സം​സ്ഥാ​ന നേ​താ​വി​നെ വി​ളി​ച്ചു​വ​രു​ത്തി സ്വ​ന്തം ബാ​ങ്കു​ക​ളി​ൽ ഇ.​ഡി പ​രി​ശോ​ധ​ന ന​ട​ത്തു​മ്പോ​ൾ സി.​പി.​എം നേ​തൃ​ത്വം മു​ൾ​മു​ന​യി​ലാ​യി​രു​ന്നു. പ്ര​തി​ക​ര​ണ​ങ്ങ​ളി​ലേ​ക്ക് ക​ട​ക്കാ​ൻ മ​ടി​ച്ച നേ​തൃ​ത്വം പി​ന്നീ​ട് രാ​ഷ്ട്രീ​യ വേ​ട്ട​യും സ​ഹ​ക​ര​ണ മേ​ഖ​ല​യെ ത​ക​ർ​ക്കാ​നു​ള്ള ബി.​ജെ.​പി നീ​ക്ക​വും ഗൂ​ഢാ​ലോ​ച​ന​യും ആ​രോ​പി​ച്ച് രം​ഗ​ത്തു​വ​ന്നു.

ക​രു​വ​ന്നൂ​ർ ക്ര​മ​ക്കേ​ട് അ​ന്വേ​ഷി​ക്കാ​ൻ പാ​ർ​ട്ടി നി​യോ​ഗി​ച്ച ജി​ല്ല സെ​ക്ര​ട്ടേ​റി​യ​റ്റ് അം​ഗം പി.​കെ. ഷാ​ജ​ന്‍റെ നി​യ​ന്ത്ര​ണ​ത്തി​ലു​ള്ള ബാ​ങ്കി​ലും സം​സ്ഥാ​ന ക​മ്മി​റ്റി അം​ഗ​വും കേ​ര​ള ബാ​ങ്ക് വൈ​സ് ചെ​യ​ർ​മാ​ൻ കൂ​ടി​യാ​യ എം.​കെ. ക​ണ്ണ​ന്‍റെ ബാ​ങ്കി​ലും ഒ​രു ദി​വ​സം നീ​ണ്ട പ​രി​ശോ​ധ​ന സി.​പി.​എ​മ്മി​ന് നി​ർ​ണാ​യ​ക​മാ​ണ്. നി​ര​വ​ധി രേ​ഖ​ക​ൾ ര​ണ്ടി​ട​ങ്ങ​ളി​ൽ​നി​ന്നു​മാ​യി ഇ.​ഡി ക​ണ്ടെ​ടു​ത്തി​ട്ടു​ണ്ട്. ബാ​ങ്ക് അ​ധി​കൃ​ത​ർ ഇ​ക്കാ​ര്യം സ്ഥി​രീ​ക​രി​ക്കു​ക​യും ചെ​യ്യു​ന്നു.

ഒ​രേ​സ​മ​യം എ​ട്ടി​ട​ങ്ങ​ളി​ലെ പ​രി​ശോ​ധ​ന, വി​ദേ​ശ​ത്തു​നി​ന്ന് ക​രു​വ​ന്നൂ​ർ ബാ​ങ്കി​ലെ​ത്തി​ച്ച് വെ​ളു​പ്പി​ച്ച കോ​ടി​ക്ക​ണ​ക്കി​ന് രൂ​പ​യു​ടെ ക​ള്ള​പ്പ​ണം സ​ഹ​ക​ര​ണ ബാ​ങ്കു​ക​ൾ വ​ഴി പു​റ​ത്തേ​ക്ക് ക​ട​ത്തി​യെ​ന്ന ഇ.​ഡി​യു​ടെ ക​ണ്ടെ​ത്ത​ൽ എ​ന്നി​വ​ക്കൊ​പ്പം അ​യ്യ​ന്തോ​ളി​നും തൃ​ശൂ​ർ സ​ഹ​ക​ര​ണ ബാ​ങ്കി​നും പു​റ​മെ ഇ.​ഡി​യു​ടെ അ​ടു​ത്ത ലി​സ്റ്റി​ലു​ള്ള​ത് ഏ​തെ​ന്ന ആ​ശ​ങ്ക​യി​ലാ​ണ് നേ​തൃ​ത്വം. എ.​സി. മൊ​യ്തീ​നെ അ​റ​സ്റ്റ് ചെ​യ്തേ​ക്കു​മെ​ന്ന് സൂ​ച​ന​യു​ണ്ട്.

എം.​കെ. ക​ണ്ണ​നെ​യും സം​സ്ഥാ​ന സെ​ക്ര​ട്ടേ​റി​യ​റ്റ് അം​ഗം പി.​കെ. ബി​ജു​വി​നെ​യും ഇ.​ഡി ചോ​ദ്യം​ചെ​യ്യാ​ൻ വി​ളി​പ്പി​ച്ചേ​ക്കു​മെ​ന്നും അ​റി​യു​ന്നു​ണ്ട്. ബാ​ങ്ക് മു​ൻ സെ​ക്ര​ട്ട​റി ടി.​ആ​ർ. സു​നി​ൽ​കു​മാ​റും തൃ​ശൂ​ര്‍ കോ​ര്‍പ​റേ​ഷ​ന്‍ സി.​പി.​എം കൗ​ണ്‍സി​ല​ര്‍ അ​നൂ​പ് ഡേ​വി​സ് കാ​ട​യും ചൊ​വ്വാ​ഴ്ച ഇ.​ഡി​ക്ക് മു​ന്നി​ൽ ഹാ​ജ​റാ​യി.

എ.​സി. മൊ​യ്തീ​ന്റെ അ​ടു​ത്ത സ​ഹാ​യി​യും തൃ​ശൂ​ര്‍ ന​ഗ​ര​ത്തി​ലെ പ്ര​ധാ​ന സി.​പി.​എം നേ​താ​വു​മാ​ണ് അ​നൂ​പ് ഡേ​വി​സ് കാ​ട. നേ​ര​ത്തേ​യും അ​നൂ​പി​നെ ഇ.​ഡി ചോ​ദ്യം ചെ​യ്തി​രു​ന്നു. ഇ​വ​ർ​ക്കെ​തി​രെ തു​ട​ർ​ന​ട​പ​ടി​ക​ളും സം​ശ​യ​ത്തി​ലാ​ണ്. ഇ​തൊ​ക്കെ പാ​ർ​ട്ടി​യെ കു​രു​ക്കി​ലാ​ക്കു​ന്ന​താ​ണ്.

നേ​ര​ത്തേ സം​ശ​യ​നി​ഴ​ലി​ൽ പോ​ലു​മി​ല്ലാ​തി​രു​ന്ന നേ​താ​ക്ക​ളി​ലേ​ക്ക് അ​ന്വേ​ഷ​ണ​മെ​ത്തു​ന്ന​താ​ണ് പാ​ർ​ട്ടി നേ​തൃ​ത്വ​ത്തെ അ​ല​ട്ടു​ന്ന​ത്. നേ​താ​ക്ക​ൾ​ക്കെ​തി​രെ ഉ​യ​രു​ന്ന ആ​രോ​പ​ണ​ങ്ങ​ൾ പ്ര​തി​രോ​ധി​ക്കാ​നാ​കാ​തെ പാ​ർ​ട്ടി നേ​തൃ​ത്വം വ​ല​യു​ക​യാ​ണ്. അ​ന്വേ​ഷ​ണ​വും പു​റ​ത്തു​വ​രു​ന്ന ഞെ​ട്ടി​ക്കു​ന്ന വി​വ​ര​ങ്ങ​ളും ആ​യു​ധ​മാ​ക്കി ബി.​ജെ.​പി​യും കോ​ൺ​ഗ്ര​സും സ​ർ​വ​സ​ന്നാ​ഹ​ങ്ങ​ളു​മാ​യി ഇ​തി​ന​കം രം​ഗ​ത്തി​റ​ങ്ങു​ക​യും ചെ​യ്ത​തോ​ടെ വെ​ട്ടി​ലാ​യി.

ഒ​രേ​സ​മ​യം ഇ.​ഡി​യു​ടെ അ​ന്വേ​ഷ​ണ​ത്തെ നേ​രി​ടു​ക​യും കോ​ൺ​ഗ്ര​സി​ന്റെ​യും ബി.​ജെ.​പി​യു​ടെ​യും ആ​രോ​പ​ണ​ങ്ങ​ളെ പ്ര​തി​രോ​ധി​ക്കു​ക​യും ചെ​യ്യു​ക എ​ന്ന ദു​ഷ്ക​ര​മാ​യ ദൗ​ത്യ​മാ​ണ് സി.​പി.​എം നേ​തൃ​ത്വ​ത്തി​ന് മു​ന്നി​ലു​ള്ള​ത്. തെ​ര​ഞ്ഞെ​ടു​പ്പ് അ​ടു​ത്തി​രി​ക്കെ കോ​ൺ​ഗ്ര​സി​നും ബി.​ജെ.​പി​ക്കും സി.​പി.​എ​മ്മി​നെ​തി​രെ ക​രു​വ​ന്നൂ​ർ ആ​യു​ധ​മാ​കു​മെ​ന്ന് ഉ​റ​പ്പ്. അ​ന്വേ​ഷ​ണം രാ​ഷ്ട്രീ​യ​പ്രേ​രി​ത​മാ​ണെ​ന്നും ബി.​ജെ.​പി​യും കോ​ൺ​ഗ്ര​സും ഒ​ത്തു​ക​ളി​ക്കു​ക​യാ​ണെ​ന്നു​മാ​ണ് സി.​പി.​എം വാ​ദം.

ഇ.​ഡി റെ​യ്ഡി​ന് പി​ന്നാ​ലെ കോ​ൺ​ഗ്ര​സും ബി.​ജെ.​പി​യും പ്ര​തി​ഷേ​ധ​ങ്ങ​ൾ സം​ഘ​ടി​പ്പി​ച്ചി​രു​ന്നു. കൂ​ടാ​തെ വി​പു​ല​മാ​യ കാ​മ്പ​യി​നാ​യും ഏ​റ്റെ​ടു​ക്കു​ക​യാ​ണ്. ഗാ​ന്ധി​ജ​യ​ന്തി ദി​ന​ത്തി​ൽ സു​രേ​ഷ് ഗോ​പി ക​രു​വ​ന്നൂ​രി​ലെ ഇ​ര​ക​ളും തൃ​ശൂ​രി​ലേ​ക്ക് പ​ദ​യാ​ത്ര ന​ട​ത്താ​ൻ തീ​രു​മാ​നി​ച്ചി​ട്ടു​ണ്ട്. ജി​ല്ല​യി​ലെ എ​ല്ലാ പ​ഞ്ചാ​യ​ത്ത് കേ​ന്ദ്ര​ങ്ങ​ളി​ലും ബി.​ജെ.​പി ധ​ർ​ണ​യും സം​ഘ​ടി​പ്പി​ക്കും. സ​ഹ​കാ​രി സം​ര​ക്ഷ​ണ പ​ദ​യാ​ത്ര എ​ന്നാ​ണ് പ​രി​പാ​ടി​ക്ക് പേ​രി​ട്ടി​ട്ടു​ള്ള​ത്.

കോ​ൺ​ഗ്ര​സും ജി​ല്ല​യി​ലെ പ​ഞ്ചാ​യ​ത്ത് കേ​ന്ദ്ര​ങ്ങ​ളി​ലും ജി​ല്ല കേ​ന്ദ്ര​ത്തി​ലും പ്ര​തി​ഷേ​ധ പ​രി​പാ​ടി​ക​ൾ​ക്ക് ആ​ഹ്വാ​നം ചെ​യ്തി​ട്ടു​ണ്ട്. കോ​ൺ​ഗ്ര​സി​നെ​തി​രെ പു​ത്തൂ​ർ സ​ഹ​ക​ര​ണ ബാ​ങ്കി​ലെ കൊ​ള്ള​യ​ട​ക്കം ചൂ​ണ്ടി​ക്കാ​ണി​ക്കാ​നു​ണ്ട്. ചേ​ല​ക്ക​ര​യി​ലെ സ​ഹ​ക​ര​ണ ബാ​ങ്കി​ൽ പാ​ർ​ട്ടി നേ​താ​വി​ന്‍റെ മ​ക​ന്‍റെ നി​യ​മ​ന​ത്തി​ന് നേ​താ​വ് പ​ണം ആ​വ​ശ്യ​പ്പെ​ട്ട​ത​ട​ക്കം ഉ​ന്ന​യി​ച്ച് പ്ര​തി​രോ​ധി​ക്കാ​നു​ണ്ടെ​ങ്കി​ലും ക​ള്ള​പ്പ​ണം വെ​ളു​പ്പി​ച്ചെ​ന്നും അ​തി​ന് ഉ​ന്ന​ത നേ​താ​ക്ക​ളു​ടെ പി​ന്തു​ണ​യു​ണ്ടാ​യി​രു​ന്നു​മെ​ന്നു​മു​ള്ള ഗു​രു​ത​ര ആ​രോ​പ​ണ​ത്തി​ന് മു​ന്നി​ൽ സി.​പി.​എം പ്ര​തി​രോ​ധം പാ​ളു​ക​യാ​ണ്.

ബി.​ജെ.​പി-​കോ​ൺ​ഗ്ര​സ് ഗൂ​ഢാ​ലോ​ച​ന -സി.​പി.​എം

തൃ​ശൂ​ർ: 24 മ​ണി​ക്കൂ​ർ സ​ഹ​ക​ര​ണ ജീ​വ​ന​ക്കാ​രെ പ്രാ​ഥ​മി​കാ​വ​ശ്യ​ങ്ങ​ൾ​ക്ക് പോ​ലും വി​ടാ​തെ ഇ.​ഡി ന​ട​ത്തി​യ പ​രി​ശോ​ധ​ന മ​നു​ഷ്യാ​വ​കാ​ശ​ങ്ങ​ൾ ലം​ഘി​ക്കു​ന്ന​താ​ണെ​ന്ന് സി.​പി.​എം ജി​ല്ല സെ​ക്ര​ട്ടേ​റി​യ​റ്റ്. ജീ​വ​ന​ക്കാ​ർ ആ​രും ഏ​തെ​ങ്കി​ലു​മൊ​രു ക്രി​മി​ന​ൽ കേ​സി​ൽ പോ​ലും പ്ര​തി​യാ​യി​ട്ടു​ള്ള​വ​ര​ല്ല. സ​ഹ​ക​ര​ണ സം​ഘ​ങ്ങ​ളു​ടെ വി​ശ്വാ​സ്യ​ത ത​ക​ർ​ക്കു​ക​യെ​ന്ന​ത് കോ​ർ​പ​റേ​റ്റു​ക​ളു​ടെ എ​ക്കാ​ല​ത്തെ​യും അ​ജ​ണ്ട​യാ​ണ്.

യു​ദ്ധ​സ​മാ​ന അ​ന്ത​രീ​ക്ഷം സൃ​ഷ്ടി​ച്ച് അ​തി​ന് വ​ലി​യ മാ​ധ്യ​മ പ്ര​ചാ​ര​ണം ന​ൽ​കി നി​ക്ഷേ​പ​ക​രെ ആ​ശ​ങ്ക​പ്പെ​ടു​ത്തു​ന്ന​തി​ന് പി​ന്നി​ൽ സ​ഹ​ക​ര​ണ സം​ഘ​ങ്ങ​ൾ മോ​ശ​മെ​ന്ന് വ​രു​ത്തി ത​ക​ർ​ക്കാ​നാ​ണ്. കൊ​ടു​ങ്ങ​ല്ലൂ​രി​ൽ ക​ള്ള​നോ​ട്ട് അ​ടി​ക്കു​ന്ന പ്ര​സ് സാ​മ​ഗ്രി​ക​ൾ സ​ഹി​തം ബി.​ജെ.​പി​യു​ടെ പ്രാ​ദേ​ശി​ക നേ​താ​വ് പി​ടി​ക്ക​പ്പെ​ട്ട​പ്പോ​ഴും കൊ​ട​ക​ര കു​ഴ​ൽ​പ​ണ ക​വ​ർ​ച്ച​യി​ലും ഇ.​ഡി അ​ന​ങ്ങി​യി​ട്ടി​ല്ല.

മാ​ധ്യ​മ​ങ്ങ​ൾ​ക്ക് മു​ൻ​പേ​ജ് വാ​ർ​ത്ത​യോ ചാ​ന​ലു​ക​ൾ​ക്ക് തു​ട​ർ​ച്ച​യോ ആ​യി​രു​ന്നി​ല്ല. സ​ഹ​ക​ര​ണ സം​ഘ​ങ്ങ​ളെ ഇ​ല്ലാ​താ​ക്കാ​നു​ള്ള അ​ജ​ണ്ട മാ​ധ്യ​മ​ങ്ങ​ൾ കൂ​ടി ഏ​റ്റെ​ടു​ത്തി​രി​ക്കു​ക​യാ​ണ്. ജ​ന​ങ്ങ​ൾ കൈ​യൊ​ഴി​ഞ്ഞ ഒ​രു കോ​ൺ​ഗ്ര​സ് നേ​താ​വ് വി​ള​മ്പു​ന്ന അ​സ​ത്യ​ങ്ങ​ൾ വാ​ർ​ത്ത​യാ​യി ന​ൽ​കു​ന്ന മാ​ധ്യ​മ​ങ്ങ​ൾ സ്വ​യം പ​രി​ശോ​ധ​ന ന​ട​ത്ത​ണം.

ബി.​ജെ.​പി രാ​ഷ്ട്രീ​യ പ്ര​ചാ​ര​ണ പ​രി​പാ​ടി​ക​ൾ നേ​ര​ത്തേ ത​യാ​റാ​ക്കി​യ തി​ര​ക്ക​ഥ​ക്ക​നു​സ​രി​ച്ചു​ള്ള​താ​ണ്. സ​ഹ​ക​ര​ണ സ്ഥാ​പ​ന​ങ്ങ​ളി​ലേ​ക്ക് കോ​ൺ​ഗ്ര​സ് സം​ഘ​ടി​പ്പി​ച്ച മാ​ർ​ച്ച് ബി.​ജെ.​പി​യു​ടെ ബി ​ടീ​മാ​യി മാ​റു​ന്ന​തി​ന്‍റെ തെ​ളി​വാ​ണ്. ത​ങ്ങ​ളു​ടെ സ​ഹ​ക​ര​ണ സ്ഥാ​പ​ന​ങ്ങ​ളി​ൽ ന​ട​ന്ന ക്ര​മ​ക്കേ​ടു​ക​ളി​ൽ മൗ​നം പാ​ലി​ക്കു​ക​യും ഇ​ട​തു​പ​ക്ഷ​ത്തെ ബി.​ജെ.​പി​ക്കൊ​പ്പം ചേ​ർ​ന്ന് ആ​ക്ഷേ​പി​ക്കു​ക​യു​മാ​ണ്.

ഏ​തെ​ങ്കി​ലും കേ​സു​ക​ളി​ലെ നി​യ​മാ​നു​സൃ​ത പ​രി​ശോ​ധ​ന​ക്ക് സി.​പി.​എം എ​തി​ര​ല്ല. സു​താ​ര്യ​മാ​യി പ്ര​വ​ർ​ത്തി​ക്കു​ന്ന സ​ഹ​ക​ര​ണ സം​ഘ​ങ്ങ​ളെ ത​ക​ർ​ക്കാ​നു​ള്ള ശ്ര​മ​ങ്ങ​ളെ ജ​ന​ങ്ങ​ളെ അ​ണി​നി​ര​ത്തി രാ​ഷ്ട്രീ​യ​മാ​യി നേ​രി​ടു​മെ​ന്ന് ജി​ല്ല സെ​ക്ര​ട്ട​റി എം.​എം. വ​ർ​ഗീ​സ് പ്ര​സ്താ​വ​ന​യി​ൽ അ​റി​യി​ച്ചു.