പൊലീസ് സ്റ്റേഷെൻറ മതിൽ തകർത്ത് ആനക്കൂട്ടത്തിന്റെ 'ചക്ക മോഷണം'
text_fieldsഅതിരപ്പിള്ളി: അതിരപ്പിള്ളി െപാലീസ് സ്റ്റേഷെൻറ മതിൽ ആനക്കൂട്ടം വീണ്ടും തകർത്തു. രാത്രിയിൽ പൊലീസ് സ്റ്റേഷൻ വളപ്പിലെ പ്ലാവിൽനിന്ന് ചക്ക 'മോഷ്ടിക്കാൻ' എത്തിയ കാട്ടാനകളാണ് മതിൽ തകർത്തത്.
രണ്ടു ദിവസം മുമ്പ് ആനകൾ മതിലിെൻറ മുകളിലത്തെ ഒരു നിര തകർത്തിരുന്നു. അന്ന് ആനകളെ പൊലീസുകാർ ഓടിച്ചതിനാൽ പ്ലാവിലെ മുഴുവൻ ചക്കയും പറിച്ചെടുക്കാൻ കഴിഞ്ഞിരുന്നില്ല. ബാക്കിയുള്ള ചക്ക തിന്നാൻ കഴിഞ്ഞ രാത്രി എത്തിയ ആനകൾ മതിലിെൻറ രണ്ട് നിരകൾ വീണ്ടും തകർത്തു.
എന്നാൽ, ഉന്നതരായതിനാൽ കള്ളന്മാർക്കെതിരെ നടപടിയെടുക്കാൻ കഴിയാത്ത വിഷമത്തിലാണ് അതിരപ്പിള്ളി പൊലീസ്. അതിരപ്പിള്ളി മേഖലയിൽ ആനകൾ കൃഷി നശിപ്പിക്കുന്നത് പതിവാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.