കു​ട്ട​ഞ്ചേ​രി ഗ​വ.​ എ​ൽ.​പി സ്കൂൾ കെട്ടിടത്തിലെ ഫാനും ലൈറ്റുകളും ഊരികൊണ്ടുപോകാൻ പൊതുമരാമത്ത് വകുപ്പിന്റെ ശ്രമം

എ​രു​മ​പ്പെ​ട്ടി: കു​ട്ട​ഞ്ചേ​രി ഗ​വ.​എ​ൽ.​പി സ്കൂ​ളി​ലെ പു​തി​യ കെ​ട്ടി​ട​ത്തി​ൽ​നി​ന്ന് ഫാ​നും ലൈ​റ്റു​ക​ളും ഊ​രി​കൊ​ണ്ട് പോ​കാ​നു​ള്ള പൊ​തു​മ​രാ​ത്ത് വകുപ്പിന്റെ ശ്ര​മം സ്കൂ​ൾ ക​മ്മി​റ്റി അം​ഗ​ങ്ങ​ൾ ത​ട​ഞ്ഞു. സം​സ്ഥാ​ന സ​ർ​ക്കാ​ർ പൊ​തു​വി​ദ്യ​ഭ്യാ​സ വ​കു​പ്പി​ന്‍റെ വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി അ​നു​വ​ദി​ച്ച ഒ​രു കോ​ടി രൂ​പ ഉ​പ​യോ​ഗി​ച്ചാ​ണ് കെ​ട്ടി​ടം നി​ർ​മി​ച്ച​ത്.

ഈ ​കെ​ട്ടി​ട​ത്തി​ൽ നി​ന്നാ​ണ് പി.​ഡ​ബ്ലി​യു.​ഡി ഇ​ല​ക്ട്രി​ക്ക​ൽ എ.​ഇ​യു​ടെ നി​ർ​ദേ​ശ​പ്ര​കാ​രം തൊ​ഴി​ലാ​ളി​ക​ൾ ഫാ​നു​ക​ളും ട്യൂ​ബ് ലൈ​റ്റു​ളും കൊ​ണ്ട് പോ​കാ​ൻ ശ്ര​മി​ച്ച​ത്. വി​വ​ര​മ​റി​ഞ്ഞെ​ത്തി​യ സ്കൂ​ൾ പി.​ടി.​എ, എ​സ്.​ആ​ർ.​ജി ക​മ്മ​ിറ്റി​യം​ഗ​ങ്ങ​ളാ​ണ് ഇ​ത് ത​ട​ഞ്ഞ​ത്. കെ​ട്ടി​ട​ത്തി​ലെ ക്ലാ​സ് മു​റി​ക​ൾ​ക്കാ​വ​ശ്യ​മാ​യ ഫാ​നു​ക​ളും ട്യൂ​ബ് ലൈ​റ്റു​ക​ളു​മാ​ണ് സ്ഥാ​പി​ച്ച​ത്. ഇ​തി​ൽനി​ന്ന് ര​ണ്ട് ഫാ​നു​ക​ളും നാ​ല് ട്യൂ​ബ് ലൈ​റ്റു​ക​ളു​മാ​ണ് എ​സ്റ്റി​മേ​റ്റ് തു​ക​യേ​ക്കാ​ൾ ഫ​ണ്ട് കൂ​ട​ത​ലാ​ണെ​ന്നും പ​റ​ഞ്ഞ് ഇ​ല​ക്ട്രി​ക്ക് വി​ഭാ​ഗം ക​രാ​റു​കാ​ര​ന്‍റെ തൊ​ഴി​ലാ​ളി​ക​ൾ ഊ​രി കൊ​ണ്ട് പോ​കാ​ൻ ശ്ര​മി​ച്ച​ത്. നി​ർ​മാ​ണം പൂ​ർ​ത്തി​യാ​ക്കി സ്‌​കൂ​ളി​ന് കൈ​മാ​റി​യ കെ​ട്ടി​ട​ത്തി​ൽ​നി​ന്ന് സ്കൂ​ൾ അ​ധി​കൃ​ത​രെ അ​റി​യി​ക്കാ​തെ​യാ​ണ് ക​രാ​റു​കാ​ര​ൻ ഇ​തി​ന് ശ്ര​മി​ച്ച​ത്. വി​വ​ര​മ​റി​ഞ്ഞ് എ​ത്തി​യ പി.​ടി.​എ പ്ര​സി​ഡ​ന്റ് ഒ.​വി.​ഷ​നോ​ജ്, എ​സ്.​ആ​ർ.​ജി ക​ൺ​വീ​ന​ർ കെ. ​മ​നോ​ജ്‌ എ​ന്നി​വ​രു​ടെ നേ​തൃ​ത്വ​ത്തി​ൽ ഇ​വ​രു​ടെ ശ്ര​മം ത​ട​ഞ്ഞ് തൊ​ഴി​ലാ​ളി​ക​ളെ തി​രി​ച്ച​യ​ച്ചു.