കൊ​യ്യാ​റാ​യപ്പോൾ പാ​ട​ത്ത് വെ​ള്ള​ക്കെ​ട്ട്; മാ​ങ്കു​റ്റി​പ്പാ​ട​ത്ത് ക​ര്‍ഷ​ക​ക്ക​ണ്ണീ​ർ

കൊ​ട​ക​ര: കൊ​യ്ത്തി​നു പാ​ക​മാ​യ മു​ണ്ട​ക​ന്‍ പാ​ട​ങ്ങ​ളി​ല്‍ വെ​ള്ളം കെ​ട്ടി​നി​ല്‍ക്കു​ന്ന​ത് ക​ര്‍ഷ​ക​രെ വ​ല​ക്കു​ന്നു. മ​റ്റ​ത്തൂ​ര്‍ പ​ഞ്ചാ​യ​ത്തി​ലെ മാ​ങ്കു​റ്റി​പ്പാ​ടം പാ​ട​ശേ​ഖ​ര​സ​മി​തി​ക്ക് കീ​ഴി​ലു​ള്ള മു​ണ്ട​ക​ന്‍പാ​ട​ങ്ങ​ളി​ലാ​ണ് വെ​ള്ളം കെ​ട്ടി​നി​ല്‍ക്കു​ന്ന​ത്. 17 പാ​ട​ശേ​ഖ​ര​ങ്ങ​ളു​ള്ള മ​റ്റ​ത്തൂ​ര്‍ കൃ​ഷി​ഭ​വ​ന്‍ പ​രി​ധി​യി​ല്‍ ഇ​റി​ഗേ​ഷ​ന്‍ ക​നാ​ലി​ല്‍ നി​ന്നു​ള്ള വെ​ള്ള​ത്തെ മാ​ത്രം ആ​ശ്ര​യി​ച്ച് കൃ​ഷി​യി​റ​ക്കു​ന്ന പാ​ട​ശേ​ഖ​ര​മാ​ണ് മാ​ങ്കു​റ്റി​പ്പാ​ടം. നേ​ര​ത്തെ ആ​ണ്ടി​ല്‍ മൂ​ന്നു​വ​ട്ടം നെ​ല്‍കൃ​ഷി ചെ​യ്തു​വ​ന്നി​രു​ന്ന ഇ​വി​ടെ ക​ഴി​ഞ്ഞ കു​റേ വ​ര്‍ഷ​ങ്ങ​ളാ​യി മു​ണ്ട​ക​ന്‍ വി​ള മാ​ത്ര​മാ​ണ് ഇ​റ​ക്കു​ന്ന​ത്. ഇ​ത്ത​വ​ണ ‘വെ​ള്ള പൊ​ന്മ​ണി’ വി​ത്തു​പ​യോ​ഗി​ച്ചാ​ണ് മു​ണ്ട​ക​ന്‍ വി​ള​യി​റ​ക്കി​യ​ത്.

സ​മ​യ​ബ​ന്ധി​ത​മാ​യി ക​നാ​ല്‍വെ​ള്ളം ല​ഭി​ച്ച​തി​നാ​ല്‍ മു​ന്‍വ​ര്‍ഷ​ങ്ങ​ളെ അ​പേ​ക്ഷി​ച്ച് മി​ക​ച്ച വി​ള​വാ​ണ് ഇ​ക്കു​റി ക​ര്‍ഷ​ക​ര്‍ പ്ര​തീ​ക്ഷി​ക്കു​ന്ന​ത്. എ​ന്നാ​ല്‍, കൊ​യ്ത്തി​നു​പാ​ക​മാ​യ നെ​ല്‍പാ​ട​ങ്ങ​ളി​ലേ​ക്ക് ക​നാ​ല്‍വെ​ള്ളം എ​ത്തി​യ​തി​ന് പു​റ​മെ ക​ഴി​ഞ്ഞ ദി​വ​സം പെ​യ്ത ശ​ക്ത​മാ​യ മ​ഴ​യും ക​ര്‍ഷ​ക​രു​ടെ പ്ര​തീ​ക്ഷ​ക​ള്‍ക്ക് മ​ങ്ങ​ലേ​ല്‍പ്പി​ക്കു​ക​യാ​ണെ​ന്ന് പ​ഞ്ചാ​യ​ത്ത് അം​ഗ​വും പാ​ട​ശേ​ഖ​ര സ​മി​തി സെ​ക്ര​ട്ട​റി​യു​മാ​യ ശി​വ​രാ​മ​ന്‍ പോ​തി​യി​ല്‍ പ​റ​ഞ്ഞു.

മ​റ്റ​ത്തൂ​ര്‍ ക​നാ​ലി​ന്റെ ത​ക​രാ​റി​ലാ​യ സ്പൗ​ട്ടു​ക​ള്‍ വ​ഴി​യും ഉ​റ​വ വ​ഴി​യും സ​മീ​പ​ത്തെ ക​ല്ല​ന്‍കു​ഴി തോ​ട്ടി​ലേ​ക്ക് വെ​ള്ള​മെ​ത്തി​യ​താ​ണ് പാ​ട​ത്തേ​ക്ക് വെ​ള്ളം ക​യ​റാ​ന്‍ ക​ര​ണ​മാ​യ​ത്. മാ​ർ​ച്ച് 25ന് ​കൊ​യ്ത്ത് തു​ട​ങ്ങേ​ണ്ട പാ​ട​ത്ത് നെ​ല്‍ച്ചെ​ടി​ക​ളെ​ല്ലാം വെ​ള്ള​ത്തി​ലാ​ണ് നി​ല്‍ക്കു​ന്ന​ത്. പാ​ട​ത്ത് വെ​ള്ള​മു​ണ്ടെ​ങ്കി​ല്‍ കൊ​യ്ത്തു​യ​ന്ത്ര​മി​റ​ക്കാ​ന്‍ ബു​ദ്ധി​മു​ട്ട് നേ​രി​ടും. ചെ​ളി​ലി​യി​റ​ങ്ങി കൊ​യ്ത്തു​ന​ട​ത്തി​യാ​ല്‍ ത​ന്നെ വൈ​ക്കാ​ല്‍ ന​ശി​ച്ചു​പോ​കാ​നും ഇ​ട​വ​രു​മെ​ന്ന് ക​ര്‍ഷ​ക​ര്‍ പ​റ​യു​ന്നു.

ക​ഴി​ഞ്ഞ ദി​വ​സം മ​ഴ ശ​ക്ത​മാ​യി പെ​യ്ത​ത​തി​നെ തു​ട​ര്‍ന്ന് പാ​ട​ശേ​ഖ​ര​ത്തി​ലെ ചി​ല ഭാ​ഗ​ങ്ങ​ളി​ല്‍ നെ​ല്ല് വെ​ള്ള​ത്തി​ല്‍ വീ​ണു കി​ട​ക്കു​ക​യാ​ണ്. പാ​ട​ത്തെ വെ​ള്ളം വ​റ്റി​യി​ല്ലെ​ങ്കി​ല്‍ വീ​ണു​കി​ട​ക്കു​ന്ന നെ​ല്‍ക്കി​ത​രു​ക​ള്‍ മു​ഴു​വ​ന്‍ മു​ള​ക്കാ​നി​ട​യാ​കും. മ​ഴ ഇ​നി​യും പെ​യ്താ​ല്‍ ക​ന​ത്ത നാ​ശ​ന​ഷ്ട​വും ക​ര്‍ഷ​ക​ര്‍ക്ക് നേ​രി​ടേ​ണ്ടി വ​രും. മ​റ്റ​ത്തൂ​ര്‍ ക​നാ​ലി​ല്‍ വെ​ള്ളം തു​റ​ന്നു​വി​ടു​മ്പോ​ഴും മ​ഴ ക​ന​ത്തു​പെ​യ്യു​മ്പോ​ഴും മാ​ങ്കു​റ്റി​പ്പാ​ട​ത്ത് അ​നു​ഭ​വ​പ്പെ​ടു​ന്ന വെ​ള്ള​ക്കെ​ട്ട് പ​രി​ഹ​രി​ക്കാ​ന്‍ ഇ​വി​ടെ​യു​ള്ള ക​ല്ല​ന്‍കു​ഴി തോ​ട് ന​വീ​ക​രി​ച്ചാ​ല്‍ മ​തി​യാ​കു​മെ​ന്ന് ക​ര്‍ഷ​ക​ര്‍ ചൂ​ണ്ടി​ക്കാ​ട്ടു​ന്നു. ഇ​തി​നാ​വ​ശ്യ​മാ​യ പ​ദ്ധ​തി​ക്ക് രൂ​പം ന​ല്‍ക​ണ​മെ​ന്നാ​ണ് ക​ര്‍ഷ​ക​രു​ടെ ആ​വ​ശ്യം.