മാലിന്യം തള്ളാൻ കോർപറേഷൻ വക റോഡ്

തൃ​ശൂ​ർ: ഒ​റ്റ​നോ​ട്ട​ത്തി​ൽ മാ​ലി​ന്യ​വാ​ഹി​നി​യാ​യ പു​ഴ​യാ​ണെ​ന്നേ തോ​ന്നൂ​വെ​ങ്കി​ലും ഇ​ത് തൃ​ശൂ​ർ കോ​ർ​പ​റേ​ഷ​ന്‍റെ ഉ​ട​മ​സ്ഥ​ത​യി​ലു​ള്ള ഒ​രു റോ​ഡാ​ണ്. വെ​ളി​യ​ന്നൂ​ർ റോ​ഡി​ൽ​നി​ന്ന് രാ​മ​ൻ​ചി​റ മ​ഠം ലൈ​നി​ലേ​ക്കും അ​വി​ടെ​നി​ന്ന് ശ​ക്ത​നി​ലേ​ക്കും പോ​സ്റ്റ് ഓ​ഫി​സ് റോ​ഡി​ലേ​ക്കും എ​ത്താ​വു​ന്ന ലി​ങ്ക് റോ​ഡി​ന്‍റെ സ്ഥി​തി​യാ​ണി​ത്. വെ​ളി​യ​ന്നൂ​ർ റോ​ഡി​ൽ തി​ര​ക്കു​ള്ള സ​മ​യ​ങ്ങ​ളി​ൽ വ​ൺ​വേ​യാ​യി ഉ​പ​യോ​ഗി​ക്കാ​വു​ന്ന സ​മാ​ന്ത​ര​പാ​ത പ​തി​റ്റാ​ണ്ടു​ക​ളാ​യി അ​വ​ഗ​ണ​ന​യി​ലാ​ണ്. ഈ ​റോ​ഡി​ന്‍റെ കു​റ​ച്ചു​ഭാ​ഗം ടാ​റി​ങ് ന​ട​ത്തി​യി​ട്ടു​ണ്ട്. നേ​ര​ത്തേ ഇ​രു​ച​ക്ര​വാ​ഹ​ന​ങ്ങ​ൾ ഇ​തു​വ​ഴി പോ​യി​രു​ന്നു. ഇ​രു​ഭാ​ഗ​ത്തും മാ​ലി​ന്യം കൂ​മ്പാ​ര​മാ​യ​പ്പോ​ൾ ഗ​താ​ഗ​തം പൂ​ർ​ണ​മാ​യി നി​ല​ച്ചു. കോ​ർ​പ​റേ​ഷ​നി​ൽ​നി​ന്ന് ശു​ചീ​ക​ര​ണ തൊ​ഴി​ലാ​ളി​ക​ൾ ഇ​തു​വ​ഴി എ​ത്താ​റു​ണ്ടെ​ങ്കി​ലും കു​മി​ഞ്ഞു​കൂ​ടി​യ മാ​ലി​ന്യം എ​ങ്ങ​നെ ഒ​ഴി​വാ​ക്കു​മെ​ന്ന് അ​വ​ർ​ക്കും വ്യ​ക്ത​ത​യി​ല്ല. സ​മീ​പ​ത്തെ വ്യാ​പാ​ര സ്ഥാ​പ​ന​ങ്ങ​ളി​ൽ​നി​ന്നും പു​റ​ത്തു​നി​ന്നും മാ​ലി​ന്യം കൊ​ണ്ടു​വ​ന്ന് ത​ള്ളു​ന്നു​ണ്ട്.

ഇ​ത് പ​ക​ൽ പോ​ലും ക​ത്തി​ക്കു​ന്ന​ത് രൂ​ക്ഷ​മാ​യ മ​ലി​നീ​ക​ര​ണ​മാ​ണ് ഉ​ണ്ടാ​ക്കു​ന്ന​ത്. 200 മീ​റ്റ​ർ റോ​ഡി​ന്‍റെ ഇ​രു​ഭാ​ഗ​ത്തും പാ​ക്കി​ങ്ങു​ണ്ട്. നേ​രം ഇ​രു​ട്ടി​യാ​ൽ സാ​മൂ​ഹി​ക വി​രു​ദ്ധ​രു​ടെ താ​വ​ള​മാ​ണ്. പ​ട്രോ​ളി​ങ്ങി​ന് പൊ​ലീ​സ് പോ​ലും ഇ​വി​ടേ​ക്ക് എ​ത്താ​റി​ല്ല. വ​ഴി​വി​ള​ക്കു​ക​ൾ ഉ​ണ്ടെ​ങ്കി​ലും പ്ര​കാ​ശി​ക്കു​ന്നി​ല്ല. വ​ർ​ഷ​ങ്ങ​ൾ​ക്ക് മു​മ്പ് സ​മാ​ന​മാ​യി മാ​ലി​ന്യം കു​മി​ഞ്ഞ് കൂ​ടി​യ​ത് പ​ത്ര​വാ​ർ​ത്ത​യാ​യ​പ്പോ​ൾ കോ​ർ​പ​റേ​ഷ​ൻ ഇ​ട​പെ​ട്ട് മാ​ലി​ന്യം നീ​ക്കി​യി​രു​ന്നു. എ​ന്നാ​ൽ, ഈ ​റോ​ഡ് ഉ​പ​യോ​ഗ​പ്പെ​ടു​ത്താ​ൻ പ​ദ്ധ​തി​ക​ളൊ​ന്നും ഉ​ണ്ടാ​യി​ല്ല. ഇ​തോ​ടെ മാ​ലി​ന്യം വീ​ണ്ടും കു​മി​ഞ്ഞു. മ​ഴ​യ​ത്ത് വെ​ള്ള​ക്കെ​ട്ടും എ​ലി​ശ​ല്യ​വും കൊ​തു​കു​ശ​ല്യ​വും രൂ​ക്ഷ​മാ​ണ്. മാ​ലി​ന്യം നീ​ക്കി ഇ​വി​ടെ നി​രീ​ക്ഷ​ണ കാ​മ​റ സ്ഥാ​പി​ച്ചെ​ങ്കി​ൽ മാ​ത്ര​മെ ശാ​ശ്വ​ത പ​രി​ഹാ​ര​മു​ണ്ടാ​കൂ. റോ​ഡ് ടാ​റി​ട്ട് ഗ​താ​ഗ​ത​ത്തി​ന് ഉ​പ​യോ​ഗി​ക്കാ​നു​ള്ള പ​ദ്ധ​തി​ക​ൾ കോ​ർ​പ​റേ​ഷ​ൻ കൈ​ക്കൊ​ള്ള​ണ​മെ​ന്നാ​ണ് ആ​വ​ശ്യം.