വേണമെങ്കില്‍ കുറച്ച് നേരത്തെ എത്താമായിരുന്നു...

ഗു​രു​വാ​യൂ​ര്‍: ഗു​രു​വാ​യൂ​രി​ലേ​ക്ക് ട്രെ​യി​നെ​ത്തു​ന്ന​ത് വൈ​കി​ച്ച​ത് ആ​ല​പ്പു​ഴ റെ​യി​ല്‍ പാ​ത നി​ര്‍മാ​ണം. ഗു​രു​വാ​യൂ​ര്‍ പാ​ത​ക്ക് 30 വ​ര്‍ഷം തി​ക​യു​മ്പോ​ഴാ​ണ് വേ​ണ​മെ​ങ്കി​ല്‍ കു​റ​ച്ച് നേ​ര​ത്തെ ട്രെ​യി​ൻ എ​ത്തു​മാ​യി​രു​ന്നു എ​ന്ന​ത് ച​ര്‍ച്ച​യാ​കു​ന്ന​ത്. തൃ​ശൂ​ര്‍ക്കാ​ര​നാ​യ വി.​എം. സു​ധീ​ര​ന്റെ സ​മ​ര​പ്ര​ഖ്യാ​പ​ന​മാ​ണ് തൃ​ശൂ​ര്‍-​ഗു​രു​വാ​യൂ​ര്‍ പാ​ത​യെ വൈ​കി​ച്ച​ത് എ​ന്ന​തും ര​സ​ക​ര​മാ​യ വ​സ്തു​ത​യാ​ണ്. മു​ന്‍ മ​ന്ത്രി വി. ​വി​ശ്വ​നാ​ഥ മേ​നോ​ന്റെ ‘കാ​ല​ത്തി​നൊ​പ്പം മാ​യാ​ത്ത ഓ​ര്‍മ​ക​ള്‍’ എ​ന്ന ആ​ത്മ​ക​ഥ​യി​ലാ​ണ് ആ​ല​പ്പു​ഴ ഗു​രു​വാ​യൂ​രി​നെ ‘ലേ​റ്റ്’ ആ​ക്കി​യ ക​ഥ​യു​ള്ള​ത്. 1977 മു​ത​ല്‍ 80 വ​രെ​യു​ള്ള ജ​ന​ത സ​ര്‍ക്കാ​റി​ന്റെ കാ​ല​ത്താ​ണ് സം​ഭ​വം.

ആ​ല​പ്പു​ഴ എം.​പി​യാ​യി​രു​ന്ന വി.​എം. സു​ധീ​ര​ന്‍ ആ​ല​പ്പു​ഴ പാ​ത​ക്കാ​യി താ​ന്‍ നി​രാ​ഹാ​ര​മി​രി​ക്കു​മെ​ന്ന് പ്ര​ഖ്യാ​പി​ക്കു​ന്നു. എ​ന്നാ​ല്‍, പ്ര​ധാ​ന​മ​ന്ത്രി മൊ​റാ​ര്‍ജി ദേ​ശാ​യി ഇ​ത് വേ​ണ്ട​ത് പോ​ലെ ശ്ര​ദ്ധി​ക്കു​ന്നി​ല്ല. ആ​ര്‍.​എ​സ്.​പി നേ​താ​വ് എ​ന്‍. ശ്രീ​ക​ണ്ഠ​ന്‍ നാ​യ​ര്‍, എം.​എ​ന്‍. ഗോ​വി​ന്ദ​ന്‍ നാ​യ​ര്‍, എ.​സി. ജോ​ര്‍ജ്, വി. ​വി​ശ്വ​നാ​ഥ മേ​നോ​ന്‍ എ​ന്നി​വ​രു​മാ​യി ബ​ന്ധ​പ്പെ​ട്ട് ആ​ല​പ്പു​ഴ പാ​ത സ​ര്‍വ​ക​ക്ഷി പ്ര​ശ്‌​ന​മാ​ക്കി ഉ​യ​ര്‍ത്തി സു​ധീ​ര​ന്റെ നി​രാ​ഹാ​രം ഒ​ഴി​വാ​ക്കാ​നാ​യി ശ്ര​മം ന​ട​ത്തി. ഇ​വ​രെ​ല്ലാം അ​ന്ന് പാ​ര്‍ല​മെ​ന്റ് അം​ഗ​ങ്ങ​ളാ​യി​രു​ന്നു.

അ​വ​ര്‍ അ​ന്ന​ത്തെ റെ​യി​ല്‍വേ മ​ന്ത്രി മ​ധു ദ​ന്ത​വാ​തെ​യെ വീ​ട്ടി​ല്‍പോ​യി ക​ണ്ടു. ആ​ല​പ്പു​ഴ പാ​ത അ​നു​വ​ദി​ക്ക​ണ​മെ​ന്നും പ​യ്യ​നാ​യ സു​ധീ​ര​നെ നി​രാ​ഹാ​ര​ത്തി​ലേ​ക്ക് വി​ട​രു​തെ​ന്നു​മാ​യി​രു​ന്നു ശ്രീ​ക​ണ്ഠ​ന്‍ നാ​യ​ര്‍ക്ക് മ​ന്ത്രി​യോ​ട് പ​റ​യാ​നു​ണ്ടാ​യി​രു​ന്ന​ത്. ദ​ന്ത​വാ​തെ ഒ​ന്നാ​ലി​ചി​ച്ച ശേ​ഷം പ​റ​ഞ്ഞു. ‘നി​ങ്ങ​ളു​ടെ നി​വേ​ദ​നം ഞാ​ന്‍ സ്വീ​ക​രി​ക്കാം. എ​ന്നാ​ല്‍, കേ​ര​ള​ത്തി​ന് ത​ന്നെ അ​നു​വ​ദി​ച്ചി​ട്ടു​ള്ള മ​റ്റൊ​രു റെ​യി​ല്‍വേ ലൈ​നി​ന്റെ പ​ണം ആ​ല​പ്പു​ഴ​ക്ക് വേ​ണ്ടി അ​ലോ​ട്ട് ചെ​യ്യാം’. അ​ങ്ങ​നെ ആ​ല​പ്പു​ഴ​ക്ക് പ​ണം അ​നു​വ​ദി​ച്ചു. സു​ധീ​ര​ന്റെ നി​രാ​ഹാ​ര ഭീ​ഷ​ണി ഒ​ഴി​ഞ്ഞു.

മ​ധു ദ​ന്ത​വാ​തെ ത​ന്നെ ആ​ല​പ്പു​ഴ പാ​ത​ക്ക് ത​റ​ക്ക​ല്ലി​ടു​ക​യും ചെ​യ്തു. എ​ന്നാ​ല്‍, തൃ​ശൂ​ര്‍-​ഗു​രു​വാ​യൂ​ര്‍-​കു​റ്റി​പ്പു​റം പാ​ത​ക്കു​ള്ള പ​ണ​മാ​ണ് ആ​ല​പ്പു​ഴ​ക്കാ​യി തി​രി​മ​റി ചെ​യ്ത​തെ​ന്ന് പി​ന്നീ​ടാ​ണ് അ​റി​ഞ്ഞ​തെ​ന്ന് വി​ശ്വ​നാ​ഥ മേ​നോ​ന്‍ ആ​ത്മ​ക​ഥ​യി​ല്‍ പ​റ​യു​ന്നു. പി​ന്നീ​ട് രാ​ജീ​വ് ഗാ​ന്ധി പ്ര​ധാ​ന​മ​ന്ത്രി​യാ​യി​രി​ക്കെ​യാ​ണ് തൃ​ശൂ​ര്‍-​കു​റ്റി​പ്പു​റം പാ​ത​യു​ടെ ആ​ദ്യ​ഘ​ട്ട​മാ​യി തൃ​ശൂ​ര്‍-​ഗു​രു​വാ​യൂ​ര്‍ പാ​ത​ക്ക് അ​നു​മ​തി​യാ​യ​ത്. 1994ല്‍ ​അ​ന്ന​ത്തെ പ്ര​ധാ​ന​മ​ന്ത്രി ന​ര​സിം​ഹ​റാ​വു പാ​ത ഉ​ദ്ഘാ​ട​നം ചെ​യ്തു. ആ​ല​പ്പു​ഴ പാ​ത​യാ​ക​ട്ടെ 1989ല്‍ ​ത​ന്നെ പൂ​ര്‍ത്തി​യാ​യി​രു​ന്നു. ആ​ല​പ്പു​ഴ പാ​ത​ക്കാ​യി ത​ങ്ങ​ളെ​ല്ലാം രം​ഗ​ത്തി​റ​ങ്ങി​യി​രു​ന്നെ​ങ്കി​ലും മ​റ്റ് പാ​ര്‍ട്ടി​ക്കാ​രെ ആ​രെ​യും ഉ​ള്‍പ്പെ​ടു​ത്താ​തെ​യാ​യി​രു​ന്നു സു​ധീ​ര​ന്റെ പ്ര​ചാ​ര​ണ​മെ​ന്നും ഗൗ​രി​യ​മ്മ അ​ട​ക്ക​മു​ള്ള​വ​ര്‍ക്ക് ഇ​തി​ല്‍ അ​മ​ര്‍ഷ​മു​ണ്ടാ​യി​രു​ന്നെ​ന്നും ആ​ത്മ​ക​ഥ​യി​ല്‍ പ​റ​യു​ന്നു.