ഇ​ങ്ങനെ പോ​യാ​ല്‍ ഓ​ണ​ത്തി​നും തു​റ​ക്കി​ല്ല, മേ​ല്‍പ്പാ​ലം

ഗു​രു​വാ​യൂ​ര്‍: റെ​യി​ല്‍വേ അ​ധി​കൃ​ത​രു​ടെ ‘തി​ര​ക്കു​ക​ള്‍’ മൂ​ലം ഗു​രു​വാ​യൂ​ര്‍ മേ​ൽപാ​ല​ത്തി​ന്റെ നി​ര്‍മാ​ണം വൈ​കു​ന്നു. പാ​ള​ത്തി​ന് മു​ക​ളി​ല്‍ ഗ​ര്‍ഡ​റു​ക​ള്‍ സ്ഥാ​പി​ക്കാ​നു​ള്ള തൂ​ണു​ക​ളു​ടെ നി​ര്‍മാ​ണം ര​ണ്ട് മാ​സം മു​മ്പ് പൂ​ര്‍ത്തീ​ക​രി​ച്ചി​ട്ടും അ​നു​മ​തി ല​ഭി​ക്കാ​ത്ത​തി​നാ​ല്‍ സ്ഥാ​പി​ക്കാ​നാ​യി​ട്ടി​ല്ല. നി​ര്‍മാ​ണം പൂ​ര്‍ത്തി​യാ​ക്കി​യ ഗ​ര്‍ഡ​റു​ക​ള്‍ തൃ​ശി​നാ​പ്പി​ള്ളി​യി​ലെ ഫാ​ക്ട​റി​യി​ല്‍ കി​ട​പ്പാ​ണ്.

റെ​യി​ല്‍വേ​യു​ടെ സാ​ങ്കേ​തി​ക പ​രി​ശോ​ധ​ന വി​ഭാ​ഗ​മാ​യ റി​സ​ര്‍ച്ച് ഡി​സൈ​ന്‍ ആ​ന്‍ഡ് സ്റ്റാ​ന്‍ഡേ​ഡ്‌​സ് ഓ​ര്‍ഗ​നൈ​സേ​ഷ​ന്‍ (ആ​ര്‍.​ഡി.​എ​സ്.​ഒ) പ്ര​തി​നി​ധി​ക​ള്‍ ഗു​രു​വാ​യൂ​രി​ലെ​ത്തി പ​രി​ശോ​ധ​ന ന​ട​ത്താ​ന്‍ താ​മ​സി​ക്കു​ന്ന​താ​ണ് ഇ​പ്പോ​ഴ​ത്തെ ത​ട​സ്സം. ഗ​ര്‍ഡ​റു​ക​ള്‍ തൃ​ശി​നാ​പ്പി​ള്ളി​യി​ലെ​ത്തി പ​രി​ശോ​ധ​ന ന​ട​ത്തി​യി​രു​ന്നു. അ​ടു​ത്ത മാ​സം ആ​ദ്യം പ​രി​ശോ​ധ​ന ന​ട​ക്കു​മെ​ന്നാ​ണ് ഇ​പ്പോ​ള്‍ പ​റ​യു​ന്ന​ത്.

പ​രി​ശോ​ധ​ന ക​ഴി​ഞ്ഞ് അ​നു​മ​തി ല​ഭി​ച്ചാ​ലും പാ​ല​ത്തി​ലെ ശേ​ഷി​ക്കു​ന്ന ജോ​ലി​ക​ള്‍ പൂ​ര്‍ത്തി​യാ​ക്കാ​ന്‍ ര​ണ്ട് മാ​സം എ​ടു​ക്കും. ഇ​പ്പോ​ള്‍ നി​ര്‍മി​ച്ചി​ട്ടു​ള്ള പാ​ല​ത്തി​ന്റെ ഭാ​ഗ​ത്തെ പാ​ള​ത്തി​ന്റെ മു​ക​ളി​ലെ ഭാ​ഗ​വു​മാ​യി ബ​ന്ധി​പ്പി​ച്ച ശേ​ഷം മു​ക​ളി​ലെ റോ​ഡ് നി​ര്‍മി​ക്ക​ണം. റെ​യി​ല്‍വേ​യു​ടെ അ​നാ​സ്ഥ​മൂ​ലം ര​ണ്ട് മാ​സ​മാ​യി പ്ര​ധാ​ന പ്ര​വൃ​ത്തി​ക​ള്‍ സ്തം​ഭി​ച്ചി​രി​ക്കു​ക​യാ​ണെ​ന്ന് അ​വ​ലോ​ക​ന യോ​ഗ​ത്തി​ല്‍ എ​ന്‍.​കെ. അ​ക്ബ​ര്‍ എം.​എ​ല്‍.​എ തു​റ​ന്ന​ടി​ച്ചു.

യോ​ഗ​ത്തി​ല്‍ റെ​യി​ല്‍വേ പ്ര​തി​നി​ധി പ​ങ്കെ​ടു​ക്കാ​തി​രു​ന്ന​തി​നെ​തി​രെ അ​ധി​കൃ​ത​ര്‍ക്ക് പ​രാ​തി ന​ല്‍കു​മെ​ന്നും അ​ദ്ദേ​ഹം പ​റ​ഞ്ഞു. നി​ല​വി​ലെ സ്തം​ഭ​നാ​വ​സ്ഥ പ​രി​ഹ​രി​ക്കാ​ൻ ഉ​ന്ന​ത​ത​ല​ത്തി​ൽ യോ​ഗം ചേ​രാ​ൻ തീ​രു​മാ​ന​മാ​യി. പാ​ലം പൂ​ര്‍ത്തി​യാ​കും റെ​യി​ല്‍വേ ഗേ​റ്റ് തു​റ​ന്ന് ചെ​റു​വാ​ഹ​ന​ങ്ങ​ളെ ക​ട​ത്തി​വി​ടാ​മോ എ​ന്ന് എം.​എ​ല്‍.​എ ആ​രാ​ഞ്ഞെ​ങ്കി​ലും അ​തി​ന് ക​ഴി​യി​ല്ലെ​ന്ന് ക​രാ​റു​കാ​രും മേ​ല്‍നോ​ട്ട ചു​മ​ത​ല​യു​ള്ള സാ​ങ്കേ​തി​ക വി​ദ​ഗ്ധ​രും അ​റി​യി​ച്ചു.

തി​രു​വെ​ങ്കി​ടം അ​ടി​പ്പാ​ത​ക്കാ​യി ഏ​റ്റെ​ടു​ക്കേ​ണ്ട ഭൂ​മി​യു​ടെ വി​ല നി​ര്‍ണ​യം അ​ടു​ത്ത​യാ​ഴ്ച​യോ​ടെ ന​ട​ക്കു​മെ​ന്ന് റ​വ​ന്യു അ​ധി​കൃ​ത​ര്‍ അ​റി​യി​ച്ചു. അ​ടി​പ്പാ​ത​യു​ടെ രൂ​പ​രേ​ഖ ഡി​വി​ഷ​ന​ല്‍ റെ​യി​ല്‍വേ മാ​നേ​ജ​രു​ടെ അം​ഗീ​കാ​ര​ത്തി​ന് ന​ല്‍കി​യ​താ​യി നി​ര്‍മാ​ണ ചു​മ​ത​ല​യു​ള്ള കെ ​റെ​യി​ല്‍ അ​ധി​കൃ​ത​ര്‍ അ​റി​യി​ച്ചു. ചീ​ഫ് ബ്രി​ഡ്ജ് എ​ന്‍ജി​നീ​യ​റു​ടെ അ​നു​മ​തി​ക്ക് ശേ​ഷം ന​ഗ​ര​സ​ഭ​ക്ക് ന​ല്‍കും. തു​ട​ര്‍ന്ന് സ​ര്‍ക്കാ​റി​ന്റെ അ​നു​മ​തി ല​ഭി​ച്ചാ​ല്‍ ടെ​ന്‍ഡ​ര്‍ ന​ട​പ​ടി​ക​ളി​ലേ​ക്ക് നീ​ങ്ങും.

അ​ടി​പ്പാ​ത​ക്കാ​യി ദേ​വ​സ്വ​ത്തി​ന്റെ സ്ഥ​ലം ല​ഭി​ക്കു​ന്ന​തി​നു​ള്ള ന​ട​പ​ടി​ക​ള്‍ പു​രോ​ഗ​മി​ക്കു​ന്നു​ണ്ട്. 4.72 കോ​ടി​യാ​ണ് അ​ടി​പ്പാ​ത​യു​ടെ ചി​ല​വ്. ന​ഗ​ര​സ​ഭ സെ​ക്ര​ട്ട​റി ബീ​ന എ​സ്.​കു​മാ​ര്‍, ഗു​രു​വാ​യൂ​ര്‍ ടെ​മ്പി​ള്‍ എ​സ്.​എ​ച്ച്.​ഒ സി. ​പ്രേ​മാ​ന​ന്ദ​കൃ​ഷ്ണ​ന്‍, എ​ന്‍ജി​നീ​യ​ര്‍ ലീ​ല എ​ന്നി​വ​ര്‍ സം​സാ​രി​ച്ചു.