മന്ത്രി മാറിയിട്ടും മാറാതെ ഗുരുവായൂർ ദേവസ്വത്തിലെ തമ്മിലടി

ഗു​രു​വാ​യൂ​ർ: പ​ഞ്ചാ​യ​ത്ത് ഭ​ര​ണ​സ​മി​തി യോ​ഗ​ങ്ങ​ളി​ലെ ഭ​ര​ണ- പ്ര​തി​പ​ക്ഷ പോ​രി​നെ വെ​ല്ലു​ന്ന രീ​തി​യി​ൽ ഗു​രു​വാ​യൂ​ർ ദേ​വ​സ്വം ഭ​ര​ണ​സ​മി​തി​യി​ൽ ഭി​ന്ന​ത. ഏ​റ്റ​വും ഒ​ടു​വി​ൽ മോ​ഹ​ൻ​ലാ​ലി​െൻറ ദ​ർ​ശ​ന​മാ​ണ് വി​വാ​ദ​ത്തി​ന് വ​ഴി​മ​രു​ന്നി​ട്ട​ത്. ഭ​ര​ണ​സ​മി​തി ബ​ഹി​ഷ്ക​ര​ണം, ദേ​വ​സ്വം ക​മീ​ഷ​ണ​ർ​ക്ക് പ​രാ​തി ന​ൽ​ക​ൽ, ദേ​വ​സ്വം ച​ട​ങ്ങു​ക​ൾ ബ​ഹി​ഷ്ക​രി​ക്ക​ൽ, ഭ​ര​ണ​സ​മി​തി യോ​ഗ​ത്തി​ലെ ബ​ഹ​ളം, ഇ​റ​ങ്ങി​പ്പോ​ക്ക്, ക്വാ​റ​മി​ല്ലാ​തെ പി​രി​ച്ചു​വി​ട​ൽ എ​ന്നി​ങ്ങ​നെ എ​ല്ലാം ഇ​തി​ന​കം അ​ര​ങ്ങേ​റി​ക്ക​ഴി​ഞ്ഞു. ഭ​ര​ണ​സ​മി​തി അം​ഗ​ങ്ങ​ൾ​ക്കെ​തി​രെ അ​ഡ്മി​നി​സ്ട്രേ​റ്റ​ർ പൊ​ലീ​സി​ന് പ​രാ​തി ന​ൽ​കു​ന്നി​ട​ത്തും കാ​ര്യ​ങ്ങ​ൾ എ​ത്തി.

ഗു​രു​വാ​യൂ​രി​നെ​ക്കു​റി​ച്ച് ന​ന്നാ​യി അ​റി​യാ​വു​ന്ന ജി​ല്ല​ക്കാ​ര​നാ​യ കെ. ​രാ​ധാ​കൃ​ഷ്ണ​ൻ മ​ന്ത്രി​യാ​യ​തോ​ടെ പ്ര​ശ്ന​പ​രി​ഹാ​ര​ത്തി​ന് സാ​ധ്യ​ത തെ​ളി​യു​മെ​ന്നാ​യി​രു​ന്നു പ്ര​തീ​ക്ഷ. അ​തും അ​സ്ഥാ​ന​ത്താ​യി. ഭ​ര​ണ​സ​മി​തി ചേ​രാ​ൻ പോ​ലും ക​ഴി​യാ​ത്ത വി​ധ​ത്തി​ലേ​ക്ക് ഭി​ന്ന​ത വ​ള​ർ​ന്നു. സി.​പി.​എ​മ്മി​െൻറ ര​ണ്ട് അം​ഗ​ങ്ങ​ൾ ത​ന്നെ ഇ​രു​ചേ​രി​യി​ലാ​ണ്. ചെ​യ​ർ​മാ​ൻ കെ.​ബി. മോ​ഹ​ൻ​ദാ​സി​നൊ​പ്പം കോ​ൺ​ഗ്ര​സ് -എ​സ്​ പ്ര​തി​നി​ധി ഇ.​പി.​ആ​ർ വേ​ശാ​ല മാ​ത്ര​മാ​ണ് ഇ​പ്പോ​ഴു​ള്ള​ത്. സ​ർ​ക്കാ​ർ നാ​മ​നി​ർ​ദേ​ശം ചെ​യ്ത ആ​റ് അം​ഗ​ങ്ങ​ളി​ൽ നാ​ലു​പേ​രും ഒ​റ്റ​െ​ക്ക​ട്ടാ​ണ്. മു​ൻ എം.​എ​ൽ.​എ കെ. ​അ​ജി​ത് (സി.​പി.​ഐ), കെ.​വി. ഷാ​ജി (ജ​ന​താ​ദ​ൾ -എ​സ്), എ.​വി. പ്ര​ശാ​ന്ത് (സി.​പി.​എം), കെ.​വി. മോ​ഹ​ന​കൃ​ഷ്ണ​ൻ (എ​ൻ.​സി.​പി) എ​ന്നി​വ​രും പാ​ര​മ്പ​ര്യ അം​ഗം മ​ല്ലി​ശേ​രി പ​ര​മേ​ശ്വ​ര​ൻ ന​മ്പൂ​തി​രി​പ്പാ​ടും എ​തി​ർ പ​ക്ഷ​ത്താ​ണ്. ത​ന്ത്രി​യും സാ​മൂ​തി​രി​യും മാ​ത്ര​മാ​ണ് ഇ​പ്പോ​ൾ വി​വാ​ദ​ങ്ങ​ളി​ൽ പ​ര​സ്യ നി​ല​പാ​ടു​മാ​യി രം​ഗ​ത്തി​ല്ലാ​ത്ത​ത്. ഇ​നി നാ​ലു​മാ​സം കൂ​ടി​യാ​ണ് ഭ​ര​ണ​സ​മി​തി​ക്ക് അ​വ​ശേ​ഷി​ക്കു​ന്ന​ത്. അ​ടു​ത്ത വ​ർ​ഷം ജ​നു​വ​രി മ​ധ്യ​ത്തോ​ടെ ര​ണ്ടു​വ​ർ​ഷ കാ​ലാ​വ​ധി പൂ​ർ​ത്തി​യാ​വും.

മൂ​ന്ന് ഭ​ര​ണ​സ​മി​തി അം​ഗ​ങ്ങ​ളു​ടെ സാ​ന്നി​ധ്യ​ത്തി​ൽ ദ​ർ​ശ​ന​ത്തി​ന് വ​ന്ന മോ​ഹ​ൻ​ലാ​ലി​ന് ഗേ​റ്റ് തു​റ​ന്നു​കൊ​ടു​ത്തു എ​ന്ന​തി​െൻറ പേ​രി​ൽ മൂ​ന്ന് സെ​ക്യൂ​രി​റ്റി ജീ​വ​ന​ക്കാ​രെ അ​ഡ്മി​നി​സ്ട്രേ​റ്റ​ർ ജോ​ലി​യി​ൽ​നി​ന്ന് മാ​റ്റി​നി​ർ​ത്തി​യ​താ​ണ് അ​വ​സാ​നം ഉ​ണ്ടാ​യ പ്ര​കോ​പ​നം. ഈ ​തീ​രു​മാ​ന​ത്തി​നെ​തി​രെ അ​ഞ്ച് ഭ​ര​ണ​സ​മി​തി അം​ഗ​ങ്ങ​ൾ പ​ര​സ്യ​മാ​യി രം​ഗ​ത്ത് വ​രി​ക​യും അ​ഡ്മി​നി​സ്ട്രേ​റ്റ​ർ​ക്കെ​തി​രെ ദേ​വ​സ്വം ക​മീ​ഷ​ണ​ർ​ക്ക് പ​രാ​തി ന​ൽ​കു​ക​യും ചെ​യ്തു. ഇ​വ​ർ വി​ട്ടു​നി​ന്ന​തോ​ടെ ഭ​ര​ണ​സ​മി​തി ചേ​രാ​ൻ ക​ഴി​യാ​ത്ത അ​വ​സ്ഥ​യു​മാ​യി. ഇ​ട​തു​പ​ക്ഷ ജീ​വ​ന​ക്കാ​രു​ടെ യൂ​നി​യ​നു​ക​ളും പ​ല​ത​വ​ണ ഭ​ര​ണ​സ​മി​തി​ക്കെ​തി​രെ രം​ഗ​ത്തു​വ​ന്നു. ഇ​തു​വ​രെ​യു​ള്ള ഭ​ര​ണ​സ​മി​തി​ക​ളി​ലൊ​ന്നും ഇ​ല്ലാ​ത്ത വി​ധ​ത്തി​ൽ അം​ഗ​ങ്ങ​ൾ ചേ​രി​തി​രി​യു​ക​യും അ​ഡ്മി​നി​സ്ട്രേ​റ്റ​ർ പ​ദ​വി വി​വാ​ദ കേ​ന്ദ്ര​മാ​വു​ക​യും ചെ​യ്തി​ട്ടും ഒ​ന്നും ചെ​യ്യാ​നാ​വാ​ത്ത അ​വ​സ്ഥ​യി​ലാ​ണ് പാ​ർ​ട്ടി​യും സ​ർ​ക്കാ​റും.