ഗു​രു​വാ​യൂ​ർ റെ​യി​ൽ​വേ സ്റ്റേ​ഷ​ൻ മൂ​ന്നാം ട്രാ​ക്ക്​; പ്ര​തീ​ക്ഷ ഉ​യ​രു​ന്നു

ഗു​രു​വാ​യൂ​ർ: എ​ങ്ങു​മെ​ത്താ​തിരു​ന്ന ഗു​രു​വാ​യൂ​ർ റെ​യി​ൽ​വേ സ്റ്റേ​ഷ​നി​ലെ മൂ​ന്നാം ട്രാ​ക്കി​ന് ശാ​പ​മോ​ക്ഷ​മാ​കു​ന്നു. സ്റ്റേ​ഷ​നി​ലെ യാ​ർ​ഡ് വി​ക​സ​ന​ത്തി​ന് റെ​യി​ൽ​വേ ടെ​ൻ​ഡ​ർ വി​ളി​ച്ച​താ​ണ് വി​ക​സ​ന​ത്തി​ലെ ശു​ഭ​പ്ര​തീ​ക്ഷ. ഒ​ന്നും ര​ണ്ടും പ്ലാ​റ്റു​ഫോ​മു​ക​ളി​ലെ പാ​ത​ക​ൾ വ​ട​ക്കോ​ട്ട് നീ​ട്ടി യോ​ജി​പ്പി​ച്ച​പ്പോ​ൾ, മൂ​ന്നാ​മ​ത്തെ പ്ലാ​റ്റു​ഫോ​മി​ലെ പാ​ത എ​ങ്ങു​മെ​ത്താ​തെ നി​ൽ​പ്പാ​യി​രു​ന്നു.

അ​തി​നാ​ൽ, മൂ​ന്നാ​മ​ത്തെ പ്ലാ​റ്റു​ഫോ​മി​ൽ എ​ത്തു​ന്ന വ​ണ്ടി​യു​ടെ എ​ൻ​ജി​ൻ വ​ട​ക്കേ​യ​റ്റ​ത്ത് കു​ടു​ങ്ങു​ന്ന അ​വ​സ്ഥ​യാ​യി​രു​ന്നു. മ​റ്റൊ​രു എ​ൻ​ജി​ൻ കൊ​ണ്ടു​വ​ന്ന് കോ​ച്ചു​ക​ൾ വ​ലി​ച്ചു​മാ​റ്റി​യാ​ൽ മാ​ത്ര​മേ മൂ​ന്നാ​മ​ത്തെ ട്രാ​ക്കി​ലെ​ത്തി​യ വ​ണ്ടി​യു​ടെ എ​ൻ​ജി​ൻ മാ​റ്റാ​ൻ ക​ഴി​യൂ. ഇ​ത് ഗു​രു​വാ​യൂ​രി​ൽ വ​ണ്ടി​ക​ൾ കൈ​കാ​ര്യം ചെ​യ്യു​ന്ന​തി​ന് വ​ലി​യ പ്ര​യാ​സം സൃ​ഷ്ടി​ച്ചി​രു​ന്നു.

കൂ​ടു​ത​ൽ വ​ണ്ടി​ക​ൾ ഓ​ടി​ക്കു​ന്ന​തി​ന് പ്ര​ധാ​ന ത​ട​സ്സ​മാ​യി​രു​ന്നു ഇ​ത്. ഗു​രു​വാ​യൂ​ർ-​തി​രു​നാ​വാ​യ പാ​ത​യു​ടെ നി​ർ​മാ​ണം ന​ട​ക്കു​മ്പോ​ൾ ഈ ​പ്ര​ശ്നം പ​രി​ഹ​രി​ക്കാ​മെ​ന്നാ​യി​രു​ന്നു ധാ​ര​ണ. എ​ന്നാ​ൽ തി​രു​നാ​വാ​യ പാ​ത​യു​ടെ നി​ർ​മാ​ണം അ​ന​ന്ത​മാ​യി നീ​ണ്ടു​പോ​യി.

ഗു​രു​വാ​യൂ​രി​ലെ യാ​ർ​ഡ് വി​ക​സ​നം, തി​രു​നാ​വാ​യ പ​ദ്ധ​തി​യി​ൽ​നി​ന്നും വേ​ർ​പെ​ടു​ത്തി, സ്വ​ത​ന്ത്ര പ്ര​വൃ​ത്തി​യാ​യി ഡി​വി​ഷ​ൻ ത​ല​ത്തി​ൽ ഏ​റ്റെ​ടു​ക്ക​ണ​മെ​ന്ന് യാ​ത്ര​ക്കാ​ർ ഏ​റെ​ക്കാ​ല​മാ​യി ആ​വ​ശ്യ​പ്പെ​ട്ടിരു​ന്നു. മൂ​ന്നാ​മ​ത്തെ ട്രാ​ക്ക് പൂ​ർ​ത്തീ​ക​രി​ക്കേ​ണ്ട​തി​ന്റെ ആ​വ​ശ്യ​ത്തെ ‘മാ​ധ്യ​മം’ വാ​ർ​ത്ത​യി​ലൂ​ടെ ചൂ​ണ്ടി​ക്കാ​ട്ടി​യി​രു​ന്നു. ഈ ​ആ​വ​ശ്യ​മാ​ണ് ഇ​പ്പോ​ൾ അം​ഗീ​ക​രി​ച്ച​ത്.

ഒ​രു​വ​ർ​ഷം കൊ​ണ്ട് മൂ​ന്നാ​മ​ത്തെ ട്രാ​ക്ക് പൂ​ർ​ത്തി​യാ​ക്കു​ക​യാ​ണ് ല​ക്ഷ്യം. ഇ​തോ​ടെ കൂ​ടു​ത​ൽ ട്രെ​യി​നു​ക​ൾ ഗു​രു​വാ​യൂ​രി​ലെ​ത്താ​ൻ സാ​ധ്യ​ത തെ​ളി​യും.