അഞ്ച് പതിറ്റാണ്ടിന്‍റെ കാത്തിരിപ്പിന് വിരാമം; ഗുരുവായൂർ അഴുക്കുചാൽ പദ്ധതി ഉദ്ഘാടനം 16ന്

ചാ​വ​ക്കാ​ട്: അ​ഞ്ച് പ​തി​റ്റാ​ണ്ട്​ കാ​ല​ത്തെ കാ​ത്തി​രി​പ്പി​ന് വി​രാ​മ​മി​ട്ട് ഗു​രു​വാ​യൂ​ർ അ​ഴു​ക്കു​ചാ​ൽ പ​ദ്ധ​തി യാ​ഥാ​ർ​ഥ്യ​മാ​കു​ന്നു. ഏ​പ്രി​ൽ 16ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും. ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ൻ അ​ധ്യ​ക്ഷ​ത വ​ഹി​ക്കും. ച​ക്കം​ക​ണ്ട​ത്ത് സ്ഥാ​പി​ച്ച മൂ​ന്ന് ദ​ശ​ല​ക്ഷം ലി​റ്റ​ർ ശേ​ഷി​യു​ള്ള മാ​ലി​ന്യ സം​സ്ക​ര​ണ ശാ​ഖ, മൂ​ന്ന് സം​ഭ​ര​ണ കി​ണ​റു​ക​ൾ, മൂ​ന്ന് പ​മ്പ് ഹൗ​സു​ക​ൾ, 7.34 കി.​മീ​റ്റ​ർ സ്വീ​വ​റേ​ജ് സം​ഭ​ര​ണ ശൃം​ഖ​ല, പ​മ്പു​സെ​റ്റു​ക​ൾ, ജ​ന​റേ​റ്റ​റു​ക​ൾ ഉ​ൾ​പ്പെ​ടെ 13.23 കോ​ടി രൂ​പ​യാ​ണ് പ​ദ്ധ​തി നി​ർ​വ​ഹ​ണ​ത്തി​ന് ചെ​ല​വ​ഴി​ച്ച​ത്.

പ​ദ്ധ​തി​യു​ടെ മൂ​ന്ന് ദ​ശ​ല​ക്ഷം ശേ​ഷി​യു​ള്ള മാ​ലി​ന്യ സം​സ്ക​ര​ണ​ശാ​ല​യു​ടെ പ്ര​വൃ​ത്തി​ക​ളു​ടെ 90 ശ​ത​മാ​നം 2010ന് ​മു​മ്പേ പൂ​ർ​ത്തി​യാ​യി​രു​ന്നു. എ​ന്നാ​ൽ, സം​ഭ​ര​ണ ശൃം​ഖ​ല​യു​ടെ പ്ര​വ​ർ​ത്ത​നാ​നു​മ​തി 2011 ജൂ​ലൈ 20ന് 850 ​ല​ക്ഷം രൂ​പ​ക്ക് ന​ൽ​കി​യെ​ങ്കി​ലും പ​ല​വി​ധ സാ​ങ്കേ​തി​ക കാ​ര​ണ​ങ്ങ​ളാ​ൽ പ്ര​വൃ​ത്തി പൂ​ർ​ത്തീ​ക​രി​ക്കാ​ൻ സാ​ധി​ച്ചി​ല്ല. തീ​ർ​ഥാ​ട​ന കേ​ന്ദ്ര​മാ​യ ക്ഷേ​ത്ര​ന​ഗ​രി​യി​ലെ തി​ര​ക്കു​ക​ളും ഇ​ടു​ങ്ങി​യ റോ​ഡു​ക​ളും ഉ​യ​ർ​ന്ന ജ​ല​വി​താ​ന​വും പ​ദ്ധ​തി​യെ ബാ​ധി​ച്ചു. പ​ല കാ​ല​ഘ​ട്ട​ങ്ങ​ളി​ലാ​യി സം​ഭ​ര​ണ ശൃം​ഖ​ല​യു​ടെ പ​രി​ശോ​ധ​ന​ക്കാ​യി സ്ഥാ​പി​ച്ച മാ​ൻ​ഹോ​ളു​ക​ൾ കാ​ലാ​കാ​ല​ങ്ങ​ളി​ൽ ചെ​യ്ത ടാ​റി​ങ്ങി​ൽ മൂ​ടി​പ്പോ​യ​തി​നാ​ൽ ന്യൂ​ന​ത​ക​ൾ പ​രി​ശോ​ധി​ച്ച് അ​വ പ​രി​ഹ​രി​ക്കു​ന്ന​തി​ന്​ കാ​ല​താ​മ​സം എ​ടു​ത്തു.

ഗു​രു​വാ​യൂ​ർ അ​ഴു​ക്കു​ചാ​ൽ പ​ദ്ധ​തി സെ​പ്​​റ്റം​ബ​ർ 30ന് ​മാ​ലി​ന്യ സം​സ്ക​ര​ണ ശാ​ല ഉ​ൾ​പ്പെ​ടെ ഭാ​ഗി​ക​മാ​യും 2011 ന​വം​ബ​ർ 16ന് ​പൂ​ർ​ണ​മാ​യും ക​മീ​ഷ​ൻ ചെ​യ്ത് സ്വീ​വ​റേ​ജ് ക​ണ​ക്ഷ​നു​ക​ൾ കൊ​ടു​ത്തു​തു​ട​ങ്ങി​യി​രു​ന്നു. അ​ഴു​ക്കു​ചാ​ൽ പ​ദ്ധ​തി​ക്കാ​യി പൊ​ളി​ച്ച ഗു​രു​വാ​യൂ​ർ ഔ​ട്ട​ർ​റി​ങ് റോ​ഡി​ന്റെ ന​വീ​ക​ര​ണം 4.25 കോ​ടി രൂ​പ ചെ​ല​വി​ൽ പൂ​ർ​ത്തീ​ക​രി​ച്ചുവ​രി​ക​യാ​ണ്.