അനധികൃത ലോഡ്ജുകള്‍ പെരുകുന്നു; ഗുരുവായൂരിലെ ലോഡ്ജുകള്‍

ഗു​രു​വാ​യൂ​ര്‍: ഗ​താ​ഗ​ത പ​രി​ഷ്‌​ക​ര​ണ​വും അ​ന​ധി​കൃ​ത ലോ​ഡ്ജു​ക​ളും മൂ​ലം ഗു​രു​വാ​യൂ​രി​ലെ ലോ​ഡ്ജ് വ്യ​വ​സാ​യം പ്ര​തി​സ​ന്ധി​യി​ലാ​ണെ​ന്ന് ലോ​ഡ്ജു​ട​മ​ക​ള്‍. അ​ടി​യ​ന്ത​ര​മാ​യി പ്ര​ശ്‌​ന​പ​രി​ഹാ​ര​മു​ണ്ടാ​യി​ല്ലെ​ങ്കി​ല്‍ ലോ​ഡ്ജു​ക​ള്‍ അ​ട​ച്ചി​ട്ട് പ്ര​തി​ഷേ​ധി​ക്കു​മെ​ന്നും വാ​ര്‍ത്ത​സ​മ്മേ​ള​ന​ത്തി​ല്‍ അ​റി​യി​ച്ചു. 170ഓ​ളം ലോ​ഡു​ക​ളാ​ണ് ഒ​ന്ന​ര കി​ലോ​മീ​റ്റ​ര്‍ ചു​റ്റ​ള​വി​ല്‍ ഗു​രു​വാ​യൂ​രി​ലു​ള്ള​ത്.

വേ​ണ്ട​ത്ര കൂ​ടി​യാ​ലോ​ച​ന​യി​ല്ലാ​തെ​യും ഒ​രു​ക്ക​ങ്ങ​ളി​ല്ലാ​തെ​യും ന​ട​പ്പാ​ക്കി​യ ഗ​താ​ഗ​ത പ​രി​ഷ്‌​ക​ര​ണം ലോ​ഡ്ജു​ക​ള്‍ ഒ​ഴി​ഞ്ഞു​കി​ട​ക്കു​ന്ന അ​വ​സ്ഥ സൃ​ഷ്ടി​ച്ചി​രി​ക്കു​ന്നു. കി​ഴ​ക്കെ ന​ട ഗ്രൗ​ണ്ട് താ​ൽ​ക്കാ​ലി​ക സ്റ്റാ​ന്‍ഡ് ആ​ക്കു​ക​യും പ​ടി​ഞ്ഞാ​റെ ന​ട​യി​ലെ മാ​യ ബ​സ് സ്റ്റാ​ൻ​ഡ് ടൂ​റി​സ്റ്റ് ബ​സ് പാ​ര്‍ക്കാ​ക്കു​ക​യു​മാ​ണ് പ​രി​ഹാ​രം. ടൗ​ണ്‍ ഹാ​ളി​ന് സ​മീ​പ​മു​ള്ള സ്ഥ​ലം വൃ​ത്തി​യാ​ക്കി​യെ​ടു​ത്ത് താ​ൽ​ക്കാ​ലി​ക ടൂ​റി​സ്റ്റ് ബ​സ് പാ​ര്‍ക്ക് ഒ​രു​ക്കു​ക​യും ചെ​യ്യാം. മേ​ല്‍പ്പാ​ല​ത്തി​ന്റെ ഇ​രു​വ​ശ​ങ്ങ​ളി​ലു​ള്ള സ​ര്‍വി​സ് റോ​ഡ് ഗ​താ​ഗ​ത യോ​ഗ്യ​മാ​ക്കു​ക​യും വേ​ണം. ഫ്ലാ​റ്റു​ക​ളും വീ​ടു​ക​ളും അ​ന​ധി​കൃ​ത​മാ​യി ലോ​ഡ്ജു​ക​ളാ​ക്കി പ്ര​വ​ര്‍ത്തി​ക്കു​ന്ന​ത് ലോ​ഡ്ജ് വ്യ​വ​സാ​യ​ത്തെ അ​ട​ച്ചു​പൂ​ട്ടേ​ണ്ട സ്ഥി​തി​യി​ലെ​ത്തി​ച്ചി​രി​ക്കു​ന്നു.

ന​ഗ​ര​സ​ഭ​ക്കും സ​ര്‍ക്കാ​റി​നും നി​ര​വ​ധി പ​രാ​തി​ക​ള്‍ ന​ല്‍കി​യി​ട്ടും ന​ട​പ​ടി​യി​ല്ല. ലോ​ഡ്ജു​ക​ളെ വാ​ണി​ജ്യ സ്ഥാ​പ​ന​ങ്ങ​ളാ​യി ക​ണ​ക്കാ​ക്കി ജി.​എ​സ്.​ടി, വ​സ്തു നി​കു​തി, ഉ​യ​ര്‍ന്ന വൈ​ദ്യു​തി ചാ​ര്‍ജ്, വെ​ള്ള​ക്ക​രം, തൊ​ഴി​ല്‍ നി​കു​തി തു​ട​ങ്ങി​യ ഈ​ടാ​ക്കു​മ്പോ​ള്‍ അ​ന​ധി​കൃ​ത ലോ​ഡ്ജു​ക​ള്‍ക്ക് ഇ​തൊ​ന്നും ബാ​ധ​ക​മ​ല്ല. വ​ന്‍ ന​ഷ്ട​മാ​ണ് സ​ര്‍ക്കാ​റി​നും ന​ഗ​ര​സ​ഭ​ക്കും ഇ​വ വ​രു​ത്തി​വെ​ക്കു​ന്ന​ത്. താ​മ​സ​ക്കാ​രു​ടെ രേ​ഖ​ക​ള്‍ സൂ​ക്ഷി​ക്കാ​ത്ത​തി​നാ​ല്‍ സു​ര​ക്ഷ ഭീ​ഷ​ണി​യു​മു​ണ്ട്. ഈ ​വി​ഷ​യ​ങ്ങ​ള്‍ ചൂ​ണ്ടി​ക്കാ​ട്ടി വീ​ണ്ടും അ​ധി​കൃ​ത​ര്‍ക്ക് നി​വേ​ദ​നം ന​ല്‍കു​മെ​ന്നും അ​നു​കൂ​ല ന​ട​പ​ടി​യു​ണ്ടാ​യി​ല്ലെ​ങ്കി​ല്‍ ലോ​ഡ്ജു​ക​ള്‍ അ​ട​ച്ചി​ടു​ന്ന​ത​ട​ക്ക​മു​ള്ള സ​മ​ര​ങ്ങ​ളി​ലേ​ക്ക് നീ​ങ്ങു​മെ​ന്നും മു​ന്ന​റി​യി​പ്പ് ന​ല്‍കി. പ്ര​സി​ഡ​ന്റ് ജി.​കെ. പ്ര​കാ​ശ​ന്‍, സെ​ക്ര​ട്ട​റി മോ​ഹ​ന​കൃ​ഷ്ണ​ന്‍ ഓ​ട​ത്ത്, എം.​ജി. ജ​യ​പാ​ല്‍, ആ​ര്‍.​വി. മു​ഹ​മ്മ​ദ്, വി.​വി. ബാ​ബു, പി.​വി. ര​വീ​ന്ദ്ര​ന്‍ എ​ന്നി​വ​ര്‍ വാ​ര്‍ത്ത​സ​മ്മേ​ള​ന​ത്തി​ല്‍ പ​ങ്കെ​ടു​ത്തു.