ഇ​നി​യി​ല്ല, പാ​തി​രാ​ക്ക് ന​മ്പ​ര്‍ 14 മെ​യി​ന്‍ ഗേ​റ്റി​ലേ​ക്കു​ള്ള വി​ളി

ഗു​രു​വാ​യൂ​ര്‍: ഡ്യൂ​ട്ടി ക​ഴി​ഞ്ഞ് വീ​ട്ടി​ലാ​കു​മ്പോ​ള്‍ പാ​തി​രാ​ക്ക് ‘ന​മ്പ​ര്‍ 14 മെ​യി​ന്‍ ഗേ​റ്റ് കേ​ടാ​യി​ട്ടു​ണ്ട്, ഒ​ന്നു​പോ​യി നോ​ക്കൂ’ എ​ന്ന് പ​റ​ഞ്ഞ് സെ​ക്ഷ​ന്‍ എ​ന്‍ജി​നീ​യ​റോ ജൂ​നി​യ​ര്‍ എ​ന്‍ജി​നീ​യ​റോ ഇ​നി വി​ളി​ക്കി​ല്ല. ഗു​രു​വാ​യൂ​രി​ലെ​ത്തു​ന്ന പ​ല നാ​ടു​ക​ളി​ല്‍ നി​ന്നു​ള്ള​വ​രു​ടെ വി​വി​ധ ഭാ​ഷ​ക​ളി​ലു​ള്ള തെ​റി വാ​ക്കു​ക​ള്‍ കേ​ള്‍പ്പി​ച്ച, യാ​ത്ര​ക്കാ​രു​ടെ മ​ര്‍ദ​നം പോ​ലും വാ​ങ്ങി​ത്ത​ന്ന ഗേ​റ്റാ​ണ് അ​ട​യാ​ന്‍ പോ​കു​ന്ന​ത്. മേ​ൽ​പാ​ല​ത്തി​ന്റെ ഭാ​ഗ​മാ​യി കി​ഴ​ക്കെ​ന​ട​യി​ലെ റെ​യി​ല്‍വേ ഗേ​റ്റ് ഇ​ല്ലാ​താ​കു​ന്ന​തി​നെ കു​റി​ച്ച് ഗേ​റ്റ്മാ​നാ​യ നി​ക്‌​സ​ണ്‍ ഗു​രു​വാ​യൂ​രി​ന്റെ ഫേ​സ്ബു​ക് കു​റി​പ്പി​ലാ​ണ് ഇ​ക്കാ​ര്യ​ങ്ങ​ള്‍ വി​വ​രി​ക്കു​ന്ന​ത്.

ഗേ​റ്റ് അ​ട​ക്കു​ന്ന​ത് സം​ബ​ന്ധി​ച്ച ‘മാ​ധ്യ​മം’ വാ​ര്‍ത്ത​യു​ടെ ചി​ത്ര​ത്തോ​ടെ​യാ​ണ് നി​ക്‌​സ​ന്‍ ത​ന്റെ ന​മ്പ​ര്‍ 14 ഗേ​റ്റി​ലെ അ​നു​ഭ​വ​ങ്ങ​ള്‍ പ​ങ്കു​വെ​ച്ചി​ട്ടു​ള്ള​ത്. നി​ര​ന്ത​രം വാ​ഹ​ന​ങ്ങ​ള്‍ ഇ​ടി​ച്ച് ഗേ​റ്റി​ന് കേ​ടു​പാ​ടു​ക​ള്‍ സം​ഭ​വി​ക്കു​ന്ന​ത്, ട്രാ​ക്ക് വ​ര്‍ക്ക് തീ​ര്‍ക്കാ​ന്‍ ച​ങ്ങ​ല​യി​ട്ട് സ്റ്റോ​പ്പ് ബോ​ര്‍ഡ് വെ​ച്ച് റോ​ഡ് അ​ട​ച്ചി​ടു​മ്പോ​ള്‍ ക്ഷേ​ത്ര ന​ഗ​ര​ത്തി​ലെ ഗ​താ​ഗ​തം സ്തം​ഭി​ച്ചി​രു​ന്ന​ത്, അ​ട​ഞ്ഞ ഗേ​റ്റി​ന് മു​ന്നി​ല്‍ രോ​ഗി​യു​മാ​യി കി​ട​ക്കേ​ണ്ടി വ​രു​ന്ന ആം​ബു​ല​ന്‍സി​ലു​ള്ള​വ​രും ഗേ​റ്റ്മാ​നു​മാ​യു​ള്ള ത​ര്‍ക്ക​ങ്ങ​ള്‍ എ​ന്നി​വ​യെ​ല്ലാം നി​ക്‌​സ​ന്റെ കു​റി​പ്പി​ലു​ണ്ട്.

ഗേ​റ്റി​ല്‍ ഇ​ടി​ച്ചു നി​ര്‍ത്താ​തെ പോ​യ വാ​ഹ​ന​ങ്ങ​ള്‍ ക​ണ്ടെ​ത്താ​നു​ള്ള റെ​യി​ല്‍വേ പൊ​ലീ​സി​ന്റെ നെ​ട്ടോ​ട്ട​വും സ്റ്റേ​ഷ​ന്‍ ഡ്യൂ​ട്ടി​ക്കാ​രു​ടെ വേ​വ​ലാ​തി​യും ഗേ​റ്റി​ല്‍ ത​ട്ടി​യ​തി​ന് വ​ലി​യ തു​ക പി​ഴ ന​ല്‍കേ​ണ്ടി വ​ന്ന സാ​ധ​ര​ണ​ക്കാ​രാ​യ ഡ്രൈ​വ​ര്‍മാ​രു​ടെ ക​ണ്ണീ​രു​മെ​ല്ലാം ഈ ​ഗേ​റ്റി​ന്റെ ഓ​ര്‍മ​ക​ളാ​ണെ​ന്ന് നി​ക്‌​സ​ന്‍ കു​റി​ക്കു​ന്നു. പാ​ളം മു​റി​ച്ചു​ക​ട​ക്കു​ബോ​ള്‍ ട്രെ​യി​ന്‍ ത​ട്ടി​യ അ​പ​ക​ട​ങ്ങ​ള്‍, മ​ര​ണ​ങ്ങ​ള്‍ എ​ന്നി​വ​യും ക​ണ്ണീ​രും ചോ​ര​യും ക​ല​ര്‍ന്ന ഓ​ര്‍മ​ക​ളാ​ണ്. ഇ​ല്ലാ​താ​കു​ന്ന ഗേ​റ്റ് ത​ന്റെ ചെ​റി​യ റെ​യി​ല്‍വേ ജീ​വി​ത​ത്തി​ലെ വ​ലി​യ അ​നു​ഭ​വ​ങ്ങ​ളാ​ണെ​ന്നും കു​റി​പ്പി​ലു​ണ്ട്.