ഗു​രു​വാ​യൂ​ർ ക്ഷേ​ത്ര​ത്തി​ൽ നി​വേ​ദ്യ​ങ്ങ​ൾ​ക്കി​ട​യി​ൽ പ​വ​ർ ബാ​ങ്ക്

ഗു​രു​വാ​യൂ​ർ: ക്ഷേ​ത്രം ശ്രീ​കോ​വി​ലി​ൽ പൂ​ജി​ച്ച നി​വേ​ദ്യ​ങ്ങ​ൾ​ക്കി​ട​യി​ൽ മൊ​ബൈ​ൽ ചാ​ർ​ജ് ചെ​യ്യു​ന്ന പ​വ​ർ ബാ​ങ്ക് ക​ണ്ടെ​ത്തി. സു​ര​ക്ഷ കാ​ര​ണ​ങ്ങ​ളാ​ൽ മൊ​ബൈ​ൽ ഫോ​ൺ, സ്മാ​ർ​ട് വാ​ച്ച് തു​ട​ങ്ങി​യ ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ളൊ​ന്നും പ്ര​വേ​ശി​പ്പി​ക്കാ​ത്ത ക്ഷേ​ത്ര​ത്തി​ന്റെ ശ്രീ​കോ​വി​ലി​ലാ​ണ് പ​വ​ർ ബാ​ങ്ക് എ​ത്തി​യ​ത്. വെ​ള്ളി​യാ​ഴ്ച അ​ത്താ​ഴ​പൂ​ജ ക​ഴി​ഞ്ഞ നി​വേ​ദ്യ​ങ്ങ​ൾ ശ്രീ​കോ​വി​ലി​ൽ നി​ന്നും പു​റ​ത്തേ​ക്ക് കൊ​ണ്ടു​വ​ന്ന​പ്പോ​ഴാ​ണ് പാ​ത്ര​ത്തി​ൽ പ​വ​ർ ബാ​ങ്ക് ക​ണ്ടെ​ത്തി​യ​ത്.

നി​വേ​ദി​ച്ച അ​ട​ക്ക, വെ​റ്റി​ല എ​ന്നി​വ​യു​ടെ മു​ക​ളി​ലെ പ​ഴം എ​ടു​ത്തു മാ​റ്റി​യ​പ്പോ​ഴാ​ണ് പ​വ​ർ ബാ​ങ്ക് ക​ണ്ട​ത്. സെ​ക്യൂ​രി​റ്റി ജീ​വ​ന​ക്കാ​ർ ചീ​ഫ് സെ​ക്യൂ​രി​റ്റി ഓ​ഫി​സ​റെ വി​വ​ര​മ​റി​യി​ച്ചു. പൂ​ജാ​യോ​ഗ്യ​മ​ല്ലാ​ത്ത വ​സ്തു ശ്രീ​കോ​വി​ലി​ൽ എ​ത്തി​യ​തി​നാ​ൽ പു​ണ്യാ​ഹം ന​ട​ത്തി​യ ശേ​ഷ​മാ​ണ് വി​ള​ക്കെ​ഴു​ന്ന​ള്ളി​പ്പ് അ​ട​ക്ക​ം ച​ട​ങ്ങു​ക​ൾ തു​ട​ർ​ന്ന​ത്.

പ​വ​ർ ബാ​ങ്ക് ക​ണ്ട സം​ഭ​വ​ത്തി​ൽ ചീ​ഫ് സെ​ക്യൂ​രി​റ്റി ഓ​ഫി​സ​ർ ദേ​വ​സ്വം അ​ഡ്മി​നി​സ്ട്രേ​റ്റ​ർ​ക്ക് റി​പ്പോ​ർ​ട്ട് സ​മ​ർ​പ്പി​ച്ചു. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ അ​ഡ്മി​നി​സ്ട്രേ​റ്റ​ർ ടെ​മ്പി​ൾ പൊ​ലീ​സി​ൽ പ​രാ​തി ന​ൽ​കി. കീ​ഴ്ശാ​ന്തി ന​മ്പൂ​തി​രി​മാ​രാ​ണ് ശ്രീ​ല​ക​ത്തേ​ക്കു​ള്ള നി​വേ​ദ്യ സാ​ധ​ന​ങ്ങ​ൾ ഒ​രു​ക്കു​ക. ഈ ​കീ​ഴ്ശാ​ന്തി​മാ​രി​ൽ ഒ​രാ​ളു​ടേ​താ​യി​രു​ന്നു പ​വ​ർ ബാ​ങ്ക്.

പ​വ​ർ ബാ​ങ്ക് ത​ന്റേ​താ​ണെ​ന്ന് ഇ​യാ​ൾ ത​ന്ത്രി​യെ അ​റി​യി​ച്ചു. വെ​റ്റി​ല​യും അ​ട​ക്ക​യും കൊ​ണ്ടു​വ​ന്ന ക​വ​റി​ൽ അ​ബ​ദ്ധ​ത്തി​ൽ​പ്പെ​ട്ട​താ​ണെ​ന്നാ​ണ് അ​റി​യി​ച്ച​ത്. പൊ​ലീ​സ് മൊ​ഴി എ​ടു​ത്തു വി​ട്ട​യ​ച്ചു.

സു​ര​ക്ഷ പാ​ളി​ച്ച പു​റ​ത്താ​യി; ക​ല​വ​റ വാ​തി​ലി​ൽ ഡി​റ്റ​ക്ട​റെ​ത്തി

ഗു​രു​വാ​യൂ​ർ: ശ്രീ​കോ​വി​ലി​ലേ​ക്ക് പ​വ​ർ ബാ​ങ്ക് എ​ത്തി​യ​തോ​ടെ ക്ഷേ​ത്ര സു​ര​ക്ഷ​യി​ലെ പാ​ളി​ച്ച​ക​ൾ പു​റ​ത്താ​യി. സു​ര​ക്ഷ ശ​ക്ത​മാ​ക്കു​ന്ന​തി​ന്റെ ഭാ​ഗ​മാ​യി ക​ല​വ​റ​യു​ടെ വാ​തി​ലി​ലും ശ​നി​യാ​ഴ്ച ഉ​ച്ച​യോ​ടെ മെ​റ്റ​ൽ ഡി​റ്റ​ക്ട​ർ സ്ഥാ​പി​ച്ചു. ക്ഷേ​ത്ര​ത്തി​ൽ പ്ര​വേ​ശി​ക്കു​ന്ന ഭ​ക്ത​രെ മു​ഴു​വ​ൻ സു​ര​ക്ഷ ഉ​ദ്യോ​ഗ​സ്ഥ​ർ പ​രി​ശോ​ധ​ന​ക്ക് വി​ധേ​യ​മാ​ക്കി​യ ശേ​ഷ​മാ​ണ് പ്ര​വേ​ശി​പ്പി​ക്കു​ക. എ​ന്നാ​ൽ ക്ഷേ​ത്ര​ത്തി​ലെ ജീ​വ​ന​ക്കാ​ർ, കീ​ഴ്ശാ​ന്തി​മാ​ർ ഉ​ൾ​പ്പെ​ടെ പാ​ര​മ്പ​ര്യ പ്ര​വ​ർ​ത്തി​ക്കാ​ർ എ​ന്നി​വ​ർ​ക്ക് പ​രി​ശോ​ധ​ന പ​തി​വി​ല്ല.

കു​ളി​ക​ഴി​ഞ്ഞ് ശു​ദ്ധി​യോ​ടെ ക്ഷേ​ത്ര​ത്തി​ലേ​ക്ക് വ​രു​ന്ന കീ​ഴ്ശാ​ന്തി ന​മ്പൂ​തി​രി​മാ​രെ ദേ​ഹ​പ​രി​ശോ​ധ​ന ന​ട​ത്തു​ക സാ​ധ്യ​മ​ല്ലെ​ന്ന​തി​നാ​ലാ​ണ് പ​രി​ശോ​ധ​ന​ക്ക് വി​ധേ​യ​മാ​ക്കാ​ത്ത​തെ​ന്ന് അ​ഡ്മി​നി​സ്ട്രേ​റ്റ​ർ കെ.​പി. വി​ന​യ​ൻ പ​റ​ഞ്ഞു. ദേ​വ​സ്വം ഭ​ര​ണ സ​മി​തി യോ​ഗ​ത്തി​ൽ ക്ഷേ​ത്രം ത​ന്ത്രി​യു​മാ​യി കൂ​ടി​യാ​ലോ​ചി​ച്ച് പ​രി​ഹാ​രം കാ​ണു​മെ​ന്നും അ​ദ്ദേ​ഹം പ​റ​ഞ്ഞു.