മേ​ല്‍പാ​ലം നി​ര്‍മി​ക്കു​ന്ന​ത് സം​സ്ഥാ​ന സ​ര്‍ക്കാ​റെ​ന്ന പ്ര​ചാ​ര​ണം തെ​റ്റ് -ടി.​എ​ന്‍. പ്ര​താ​പ​ന്‍ എം.​പി

ഗു​രു​വാ​യൂ​ര്‍: റെ​യി​ല്‍വേ മേ​ല്‍പാ​ലം നി​ര്‍മി​ക്കു​ന്ന​ത് സം​സ്ഥാ​ന സ​ര്‍ക്കാ​റി​ന്റെ ഫ​ണ്ട് മാ​ത്രം ഉ​പ​യോ​ഗി​ച്ചാ​ണെ​ന്ന പ്ര​ചാ​ര​ണം വ​സ്തു​താ​വി​രു​ദ്ധ​മാ​ണെ​ന്ന് ടി.​എ​ന്‍. പ്ര​താ​പ​ന്‍ എം.​പി. പാ​ലം നി​ര്‍മാ​ണ​ത്തി​ന് ചെ​ല​വ​ഴി​ക്കു​ന്ന തു​ക​യു​ടെ പ​കു​തി റെ​യി​ല്‍വേ ന​ല്‍കു​മെ​ന്ന് പ്ര​താ​പ​ന്‍ പ​റ​ഞ്ഞു. മേ​ല്‍പാ​ല നി​ര്‍മാ​ണം റെ​യി​ല്‍വേ ഉ​ദ്യോ​ഗ​സ്ഥ​ര്‍ക്കൊ​പ്പം സ​ന്ദ​ര്‍ശി​ച്ച​ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പാ​ള​ത്തി​ന് മു​ക​ളി​ല്‍ വ​രു​ന്ന ഭാ​ഗ​ത്തി​ന്റെ നി​ര്‍മാ​ണ​ത്തി​ന് ചെ​ല​വാ​യ 2.05 കോ​ടി റെ​യി​ല്‍വേ ത​ന്നെ​യാ​ണ് പൂ​ര്‍ണ​മാ​യി ന​ല്‍കി​യി​രി​ക്കു​ന്ന​തെ​ന്ന് പ്ര​താ​പ​ന്‍ പ​റ​ഞ്ഞു. റെ​യി​ല്‍വേ​യു​ടെ ഭാ​ഗ​ത്ത് ഗ​ര്‍ഡ​ര്‍ സ്ഥാ​പി​ക്കാ​ന്‍ വൈ​കി​യ​തി​ല്‍ ജ​ന​പ്ര​തി​നി​ധി​ക​ള്‍ ഇ​ട​പെ​ട്ടി​ല്ലെ​ന്ന സു​രേ​ഷ് ഗോ​പി​യു​ടെ പ്ര​സ്താ​വ​ന മ​റു​പ​ടി അ​ര്‍ഹി​ക്കു​ന്ന​ത​ല്ല.

ഈ ​മാ​സം 14ന് ​പാ​ലം മു​ഖ്യ​മ​ന്ത്രി ഉ​ദ്ഘാ​ട​നം ചെ​യ്യു​ന്ന വി​വ​രം ഇ​തു​വ​രെ​യാ​യി​ട്ടും റെ​യി​ല്‍വേ​യെ സം​സ്ഥാ​ന സ​ര്‍ക്കാ​ര്‍ അ​റി​യി​ച്ചി​ട്ടി​ല്ല. ഡി​വി​ഷ​ന​ല്‍ റെ​യി​ല്‍വേ മാ​നേ​ജ​ര്‍ എ​സ്.​എം. ശ​ര്‍മ ഒ​പ്പ​മു​ണ്ടാ​യി​രു​ന്നു. റെ​യി​ല്‍വേ സ്റ്റേ​ഷ​നും തി​രു​വെ​ങ്കി​ടം അ​ടി​പ്പാ​ത നി​ര്‍മി​ക്കു​ന്ന സ്ഥ​ല​വും എം.​പി സ​ന്ദ​ര്‍ശി​ച്ചു. അ​ടി​പ്പാ​ത നി​ര്‍മാ​ണം വേ​ഗ​ത്തി​ല്‍ വേ​ണ​മെ​ന്നാ​ശ്യ​പ്പെ​ട്ടു​ള്ള നി​വേ​ദ​നം ആ​ക്ഷ​ന്‍ കൗ​ണ്‍സി​ല്‍ ക​ണ്‍വീ​ന​ര്‍ പി.​ഐ. ലാ​സ​ര്‍ കൈ​മാ​റി. റെ​യി​ല്‍വേ സ്റ്റേ​ഷ​ന്‍ റോ​ഡ് ഗ​താ​ഗ​ത യോ​ഗ്യ​മാ​ക്ക​ണ​മെ​ന്ന കാ​ര്യം ന​ഗ​ര​സ​ഭ പ്ര​തി​പ​ക്ഷ നേ​താ​വ് കെ.​പി. ഉ​ദ​യ​ന്‍ ശ്ര​ദ്ധ​യി​ൽ​പെ​ടു​ത്തി.

പാ​ല​ത്തി​ന്റെ ഫ​ണ്ട് ആ​രു​ടേ​ത്?

ഗു​രു​വാ​യൂ​ര്‍: മേ​ല്‍പാ​ല നി​ര്‍മാ​ണ ഫ​ണ്ട് ആ​രു​ടേ​തെ​ന്ന​ത് വി​വാ​ദ​മാ​കു​ന്നു. സം​സ്ഥാ​ന സ​ര്‍ക്കാ​ര്‍ നി​ര്‍മി​ക്കു​ന്ന പാ​ലം എ​ന്ന പ്ര​ചാ​ര​ണം തെ​റ്റാ​ണെ​ന്ന് ചൂ​ണ്ടി​ക്കാ​ട്ടി ടി.​എ​ന്‍. പ്ര​താ​പ​ന്‍ എം.​പി രം​ഗ​ത്തെ​ത്തി​യി​ട്ടു​ണ്ട്. പാ​ല​ത്തി​നു​ള്ള മു​ഴു​വ​ന്‍ തു​ക​യും ഇ​പ്പോ​ള്‍ ന​ല്‍കു​ന്ന​ത് കി​ഫ്ബി വ​ഴി സം​സ്ഥാ​ന സ​ര്‍ക്കാ​റാ​ണ്. ഇ​ത് 30 കോ​ടി​യോ​ളം വ​രും. സം​സ്ഥാ​ന സ​ര്‍ക്കാ​റി​ന്റെ റോ​ഡ്‌​സ് ആ​ന്‍ഡ് ബ്രി​ഡ്ജ​സ് ഡെ​വ​ല​പ്മെ​ന്റ് കോ​ര്‍പ​റേ​ഷ​നാ​ണ് നി​ര്‍മാ​ണ ചു​മ​ത​ല. പാ​ള​ത്തി​ന് മു​ക​ളി​ല്‍ വ​രു​ന്ന 20 മീ​റ്റ​ര്‍ നീ​ള​വും 12 മീ​റ്റ​ര്‍ വീ​തി​യും ഉ​ള്ള ഭാ​ഗം റെ​യി​ല്‍വേ നേ​രി​ട്ട് ടെ​ന്‍ഡ​ര്‍ ചെ​യ്താ​ണ് നി​ര്‍മി​ച്ചി​ട്ടു​ള്ള​ത്.

ഇ​തി​ന് 2.05 കോ​ടി ചെ​ല​വാ​യി​ട്ടു​ണ്ട്. പാ​ലം നി​ര്‍മാ​ണം പൂ​ര്‍ത്തി​യാ​യി​ക്ക​ഴി​ഞ്ഞാ​ല്‍ ആ​കെ ചെ​ല​വു​വ​ന്ന തു​ക​യു​ടെ പ​കു​തി റെ​യി​ല്‍വേ ന​ല്‍കും. എ​ന്നാ​ല്‍, സ്ഥ​ലം ഏ​റ്റെ​ടു​പ്പി​നും മ​റ്റ് ന​ഷ്ട​പ​രി​ഹാ​ര​ങ്ങ​ള്‍ക്കും ചെ​ല​വ​ഴി​ച്ച തു​ക​യി​ലേ​ക്ക് റെ​യി​ല്‍വേ വി​ഹി​തം ന​ല്‍കി​ല്ല. നേ​ര​ത്തെ റോ​ഡ് ഗ​താ​ഗ​തം ഉ​ണ്ടാ​യി​രു​ന്ന സ്ഥ​ല​ത്ത് നി​ര്‍മി​ക്കു​ന്ന എ​ല്ലാ മേ​ല്‍പാ​ല​ങ്ങ​ള്‍ക്കും റെ​യി​ല്‍വേ സ്വീ​ക​രി​ക്കു​ന്ന ന​യം ഇ​താ​ണ്. പാ​ലം പൂ​ർ​ത്തി​യാ​യ ശേ​ഷ​മേ റെ​യി​ൽ​വേ വി​ഹി​ത​ത്തി​നു​ള്ള ന​ട​പ​ടി​ക​ൾ തു​ട​ങ്ങൂ.

പ്ര​താ​പ​ന്‍ പാ​ല​ത്തി​ല്‍ ക​യ​റി കാ​ണി​ച്ച​ത് അ​ഭ്യാ​സം -കെ.​വി. അ​ബ്ദു​ള്‍ ഖാ​ദ​ര്‍

ഗു​രു​വാ​യൂ​ര്‍: മേ​ല്‍പാ​ല​ത്തി​ന്റെ ഉ​ദ്ഘാ​ട​ന തീ​യ​തി നി​ശ്ച​യി​ച്ച ഘ​ട്ട​ത്തി​ല്‍ ടി.​എ​ന്‍. പ്ര​താ​പ​ന്‍ എം.​പി പാ​ല​ത്തി​ല്‍ ക​യ​റി കാ​ണി​ച്ച അ​ഭ്യാ​സം ജാ​ള്യ​ത മ​റ​യ്ക്കാ​നു​ള്ള അ​ട​വാ​ണെ​ന്ന് എ​ല്‍.​ഡി.​എ​ഫ് ജി​ല്ല ക​ണ്‍വീ​ന​ര്‍ കെ.​വി. അ​ബ്ദു​ള്‍ ഖാ​ദ​ര്‍. 2019ല്‍ ​എം.​പി​യാ​യ പ്ര​താ​പ​ന്‍ ഇ​തു​വ​രെ​യും പാ​ല​ത്തെ​ക്കു​റി​ച്ച് സം​സാ​രി​ച്ചി​രു​ന്നി​ല്ല. മേ​ല്‍പാ​ല​ത്തി​ന് കി​ഫ്ബി വ​ഴി ഫ​ണ്ട് അ​നു​വ​ദി​ച്ച​ത് സം​സ്ഥാ​ന സ​ര്‍ക്കാ​റാ​ണ്. ആ ​കാ​ല​ഘ​ട്ട​ത്തി​ലെ ജ​ന​പ്ര​തി​നി​ധി എ​ന്ന നി​ല​ക്ക് ത​നി​ക്ക് ഇ​ക്കാ​ര്യ​ങ്ങ​ള്‍ കൃ​ത്യ​മാ​യി അ​റി​യാ​മെ​ന്ന് അ​ബ്ദു​ള്‍ ഖാ​ദ​ര്‍ പ​റ​ഞ്ഞു.

എം.​പി​ക്ക് ഇ​തി​ല്‍ റോ​ളി​ല്ലെ​ന്ന് മാ​ത്ര​മ​ല്ല കി​ഫ്ബി ആ​കാ​ശ​കു​സു​മാ​ണെ​ന്നാ​യി​രു​ന്നു കോ​ണ്‍ഗ്ര​സി​ന്റെ പ്ര​ചാ​ര​ണം. സ്ഥ​ല​മേ​റ്റെ​ടു​പ്പി​ന്റെ ഘ​ട്ട​ത്തി​ല്‍ എ​തി​ര്‍പ്പു​ക​ളു​യ​ര്‍ത്തി പ​ദ്ധ​തി​യെ ത​ക​ര്‍ക്കാ​നാ​ണ് ഗു​രു​വാ​യൂ​രി​ലെ എം.​പി​യു​ടെ സു​ഹൃ​ത്തു​ക്ക​ള്‍ ശ്ര​മി​ച്ച​ത്. ഭൂ​മി ഏ​റ്റെ​ടു​ക്ക​ലി​ന് മു​ന്നോ​ടി​യാ​യി ചേ​ര്‍ന്ന ഭൂ​വു​ട​മ​ക​ളു​ടെ യോ​ഗം ബ​ഹ​ള​മു​ണ്ടാ​ക്കി പി​രി​ച്ചു​വി​ടാ​ന്‍ യു.​ഡി.​എ​ഫ് കൗ​ണ്‍സി​ല​ര്‍മാ​ര്‍ ശ്ര​മി​ച്ചി​രു​ന്നു. പ​ദ്ധ​തി ത​ട​യാ​നാ​കി​ല്ലെ​ന്ന് ക​ണ്ട​പ്പോ​ള്‍ ഹൈ​കോ​ട​തി​യി​ല്‍ ഹ​ര​ജി​യു​മാ​യും ഈ ​സം​ഘം പോ​യി. ത​ട​യാ​ന്‍ ആ​വ​ത് ശ്ര​മി​ച്ചി​ട്ടും ന​ട​ക്കാ​തെ വ​ന്ന​വ​ര്‍ ഇ​പ്പോ​ള്‍ ന​ട​ത്തു​ന്ന​ത് നാ​ട​ക​മാ​ണെ​ന്നും അ​ബ്ദു​ള്‍ ഖാ​ദ​ര്‍ പ​റ​ഞ്ഞു.