ഗുരുവായൂരിലെ വാർഡ് വിഭജനം; തെര​ഞ്ഞെടുപ്പ്​ കമീഷന്​ കത്ത്​ നൽകി

ഗു​രു​വാ​യൂ​ർ: വോ​ട്ട​ർ​മാ​രു​ടെ എ​ണ്ണം പ​രി​ഗ​ണി​ക്കാ​തെ വാ​സ​ഗൃ​ഹ​ങ്ങ​ളെ മാ​ത്രം അ​ടി​സ്ഥാ​ന​മാ​ക്കി​യു​ള്ള വാ​ർ​ഡ് വി​ഭ​ജ​നം സൃ​ഷ്ടി​ക്കു​ന്ന പ്ര​ശ്ന​ങ്ങ​ൾ തെ​ര​ഞ്ഞെ​ടു​പ്പ് ക​മീ​ഷ​ന്‍റെ ശ്ര​ദ്ധ​യി​ൽ​പ്പെ​ടു​ത്തി​യെ​ന്ന് ന​ഗ​ര​സ​ഭാ​ധ്യ​ക്ഷ​ൻ എം. ​കൃ​ഷ്ണ​ദാ​സ്. ഇ​ത് സം​ബ​ന്ധി​ച്ച് ‘മാ​ധ്യ​മം’​ന​ൽ​കി​യ ‘ജ​ന​പ്ര​തി​നി​ധി​ക​ൾ​ക്ക് പ​ക​രം കെ​ട്ടി​ട പ്ര​തി​നി​ധി​ക​ളാ​കു​മോ’​എ​ന്ന വാ​ർ​ത്ത അ​ടി​സ്ഥാ​ന പ്ര​ശ്ന​ങ്ങ​ൾ മു​ൻ​നി​ർ​ത്തി​യു​ള്ള​താ​ണെ​ന്ന്​ ചെ​യ​ർ​മാ​ൻ പ​റ​ഞ്ഞു.

ആ​രോ​ഗ്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ എ.​എ​സ്. മ​നോ​ജാ​ണ് മാ​ധ്യ​മം വാ​ർ​ത്ത ഉ​ദ്ധ​രി​ച്ച് പ്ര​ശ്നം ഉ​ന്ന​യി​ച്ച​ത്. വാ​ർ​ഡ് വി​ഭ​ജ​ന​ത്തി​ലെ ഗു​രു​ത​ര പ്ര​ശ്ന​ങ്ങ​ളാ​ണ് വാ​ർ​ത്ത​യി​ലൂ​ടെ ഉ​ന്ന​യി​ക്ക​പ്പെ​ട്ടി​രി​ക്കു​ന്ന​തെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. തെ​ര​ഞ്ഞെ​ടു​പ്പ് ക​മീ​ഷ​ന്‍റെ മാ​ന​ദ​ണ്ഡ​ങ്ങ​ൾ മാ​റ്റാ​നാ​കു​മോ​യെ​ന്ന് പ്ര​തി​പ​ക്ഷ നേ​താ​വ് കെ.​പി. ഉ​ദ​യ​ൻ ചോ​ദി​ച്ചു. ഗു​രു​വാ​യൂ​രി​ലെ സാ​ഹ​ച​ര്യ​ങ്ങ​ൾ ക​മീ​ഷ​ന്‍റെ ശ്ര​ദ്ധ​യി​ൽ പെ​ടു​ത്തി​യെ​ന്ന് ചെ​യ​ർ​മാ​ൻ പ​റ​ഞ്ഞു. വാ​ർ​ഡു​ക​ളു​ടെ എ​ണ്ണം നി​ശ്ച​യി​ക്കു​ന്ന​തി​ന് ജ​ന​ങ്ങ​ളു​ടെ എ​ണ്ണ​വും വാ​ർ​ഡു​ക​ളു​ടെ അ​തി​ർ​ത്തി നി​ശ്ച​യി​ക്കു​ന്ന​തി​ന് വാ​സ​ഗൃ​ഹ​ങ്ങ​ളു​ടെ എ​ണ്ണ​വും മാ​ന​ദ​ണ്ഡ​മാ​ക്കി​യ​താ​ണ് ഗു​രു​വാ​യൂ​രി​ലെ പ്ര​ശ്ന​ങ്ങ​ൾ​ക്ക് കാ​ര​ണം. ന​ഗ​ര​സ​ഭ​യി​ൽ നി​ല​വി​ലെ 43 വാ​ർ​ഡ് 46 ആ​യാ​ണ് മാ​റു​ന്ന​ത്.

നൂ​റു​ക​ണ​ക്കി​ന് ഫ്ലാ​റ്റു​ക​ളു​ള്ള ന​ഗ​ര പ്ര​ദേ​ശ​ത്താ​ണ് നാ​ല് വാ​ർ​ഡ് വ​ർ​ധി​ക്കു​ന്ന​ത്. പ​ഴ​യ തൈ​ക്കാ​ട് പ​ഞ്ചാ​യ​ത്ത് മേ​ഖ​ല​യി​ൽ ഒ​രു വാ​ർ​ഡ് കു​റ​യും. ദ​ർ​ശ​ന​ത്തി​നെ​ത്തു​മ്പോ​ൾ താ​മ​സി​ക്കാ​ൻ മാ​ത്ര​മാ​യാ​ണ് പ​ല​രും ഗു​രു​വാ​യൂ​രി​ൽ ഫ്ലാ​റ്റ് സ്വ​ന്ത​മാ​ക്കി​യി​ട്ടു​ള്ള​ത്. ഭൂ​രി​ഭാ​ഗം പേ​രും മ​റ്റ് സ്ഥ​ല​ങ്ങ​ളി​ൽ സ്ഥി​ര​താ​മ​സ​ക്കാ​രാ​ണ്. ഈ ​സ​വി​ശേ​ഷ​ത ക്ഷേ​ത്ര ന​ഗ​രി​യെ​ന്ന നി​ല​യി​ൽ ഗു​രു​വാ​യൂ​രി​ൽ മാ​ത്ര​മു​ള്ള​താ​ണ്. ഇ​പ്പോ​ഴ​ത്തെ മാ​ന​ദ​ണ്ഡം അ​നു​സ​രി​ച്ച് വി​ഭ​ജ​നം ന​ട​ന്നാ​ൽ 500ൽ ​താ​ഴെ വോ​ട്ട​ർ​മാ​ർ മാ​ത്ര​മു​ള്ള വാ​ർ​ഡു​ക​ളാ​ണ് ഫ്ലാ​റ്റു​ക​ൾ ഏ​റെ​യു​ള്ള ന​ഗ​ര​മേ​ഖ​ല​യി​ൽ ഉ​ണ്ടാ​വു​ക.

എ​ന്നാ​ൽ മ​റ്റ് പ​ല വാ​ർ​ഡു​ക​ളി​ലും 2000 ൽ ​കൂ​ടു​ത​ലാ​ണ് വോ​ട്ട​ർ​മാ​ർ. വി​ക​സ​ന​ത്തി​നു​ള്ള വാ​ർ​ഡ് വി​ഹി​ത​ത്തി​ൻ ഇ​ത് അ​സ​ന്തു​ലി​താ​വ​സ്ഥ സൃ​ഷ്ടി​ക്കും. ചെ​റു​വാ​ർ​ഡു​ക​ളെ പ്ര​തി​നി​ധീ​ക​രി​ക്കു​ന്ന കൗ​ൺ​സി​ല​ർ​മാ​ർ എ​ണ്ണ​ത്തി​ൽ കൂ​ടു​ത​ലാ​കു​ന്ന​ത് ജ​ന​പ്രാ​തി​നി​ധ്യ​ത്തി​ന്‍റെ അ​ടി​സ്ഥാ​ന​ത്തെ ത​ക​ർ​ക്കു​ക​യും ചെ​യ്യും.

ഭൂ​രി​പ​ക്ഷം വ​രു​ന്ന വോ​ട്ട​ർ​മാ​രെ പ്ര​തി​നി​ധീ​ക​രി​ക്കു​ന്ന​വ​രു​ടെ ശ​ബ്ദം അ​വ​ഗ​ണി​ക്ക​പ്പെ​ടാ​നും ന​ഗ​ര​ഹൃ​ദ​യ​ത്തെ പ്ര​തി​നി​ധീ​ക​രി​ക്കു​ന്ന​വ​രു​ടെ താ​ത്പ​ര്യ​ങ്ങ​ൾ അ​ടി​ച്ചേ​ൽ​പ്പി​ക്ക​പ്പെ​ടാ​നും സാ​ധ്യ​ത​യു​ണ്ട്. നി​ല​വി​ലെ പ്രാ​തി​നി​ധ്യ​ത്തി​ൽ കു​റ​വ് വ​രു​ന്ന തൈ​ക്കാ​ട് മേ​ഖ​ല​യി​ലും പ്ര​തി​ഷേ​ധം ശ​ക്ത​മാ​ണ്.