ഗു​രു​വാ​യൂ​രി​ലെ ആ​റു​മാ​സ​ത്തെ ഭ​ണ്ഡാ​ര വ​ര​വ് 4.31 കോ​ടി മാ​ത്രം

ഗു​രു​വാ​യൂ​ര്‍: ലോ​ക്ഡൗ​ണ്‍ കാ​ര​ണം ഏ​ക​ദേ​ശം ആ​റ് മാ​സ​ത്തെ ഇ​ട​വേ​ള​ക്ക് ശേ​ഷം ഗു​രു​വാ​യൂ​ര്‍ ക്ഷേ​ത്ര ഭ​ണ്ഡാ​രം തു​റ​ന്നെ​ണ്ണി​യ​പ്പോ​ള്‍ ല​ഭി​ച്ച​ത് 4,31,48,000 രൂ​പ. ര​ണ്ട് കി​ലോ 480ഗ്രാം ​സ്വ​ര്‍ണ​വും 27 കി​ലോ വെ​ള്ളി​യും ല​ഭി​ച്ചു. 77,000 രൂ​പ​യു​ടെ അ​സാ​ധു നോ​ട്ടു​ക​ളും ല​ഭി​ച്ചു. 1000 രൂ​പ​യു​ടെ 21 ഉം 500 ​രൂ​പ​യു​ടെ 56 ഉം ​അ​സാ​ധു നോ​ട്ടു​ക​ളാ​ണ് ല​ഭി​ച്ച​ത്. പ്ര​തി​മാ​സം നാ​ല് കോ​ടി​യോ​ളം രൂ​പ ല​ഭി​ച്ചി​രു​ന്ന സ്ഥാ​ന​ത്താ​ണ് ആ​റ് മാ​സ​ത്തെ വ​രു​മാ​ന​മാ​യി 4.31 കോ​ടി ല​ഭി​ച്ച​ത്. മാ​ര്‍ച്ച് 23ന് ​ശേ​ഷം ക്ഷേ​ത്ര​ത്തി​ല്‍ ഭ​ക്ത​രെ പ്ര​വേ​ശി​പ്പി​ച്ചി​ട്ടി​ല്ല. ലോ​ക്ഡൗ​ണ്‍ നി​യ​ന്ത്ര​ണ​ങ്ങ​ളി​ല്‍ ഇ​ള​വ് വ​ന്ന​പ്പോ​ള്‍ ഇ​ട​ക്കാ​ല​ത്ത് നി​യ​ന്ത്രി​ത​മാ​യി അ​നു​വാ​ദം ന​ല്‍കി​യെ​ങ്കി​ലും അ​ത് ദി​വ​സ​ങ്ങ​ള്‍ക്ക​കം പി​ന്‍വ​ലി​ച്ചു.

മാ​ര്‍ച്ചി​ല്‍ ന​ട​ന്ന ക്ഷേ​ത്രോ​ത്സ​വ കാ​ല​ത്തെ​യ​ട​ക്ക​മു​ള്ള നി​ക്ഷേ​പ​മാ​ണ് ഇ​ത്ത​വ​ണ ഭ​ണ്ഡാ​ര​ത്തി​ല്‍ ഉ​ണ്ടാ​യി​രു​ന്ന​ത്. സാ​ധാ​ര​ണ​യാ​യി എ​ല്ലാ മാ​സ​വും ഭ​ണ്ഡാ​രം തു​റ​ന്നെ​ണ്ണാ​റു​ണ്ട്. എ​ന്നാ​ല്‍ ലോ​ക്ഡൗ​ണ്‍ നി​യ​ന്ത്ര​ണ​ങ്ങ​ള്‍ മൂ​ലം ഫെ​ബ്രു​വ​രി 15ന് ​ശേ​ഷം ഭ​ണ്ഡാ​രം എ​ണ്ണി​യി​രു​ന്നി​ല്ല.

3.48 കോ​ടി​യാ​യി​രു​ന്നു ഫെ​ബ്രു​വ​രി​യി​ലെ വ​ര​വ്. 3.612 കി​ലോ സ്വ​ര്‍ണ​വും 11 കി​ലോ വെ​ള്ളി​യും ല​ഭി​ച്ചി​രു​ന്നു. കോ​വി​ഡ് നി​യ​ന്ത്ര​ണ​ങ്ങ​ള്‍ പാ​ലി​ച്ച് ഭ​ണ്ഡാ​രം എ​ണ്ണാ​ന്‍ ക​ല​ക്ട​ര്‍ അ​നു​മ​തി ന​ല്‍കി​യ​തോ​ടെ ക​ഴി​ഞ്ഞ ജൂ​ണ്‍ 25നാ​ണ് എ​ണ്ണാ​ന്‍ തു​ട​ങ്ങി​യ​ത്. ഒ​ന്ന​ര മാ​സ​ത്തോ​ളം സ​മ​യ​മെ​ടു​ത്താ​ണ് എ​ണ്ണി തീ​ര്‍ത്ത​ത്. കൗ​ണ്ടി​ങ്ങി​ല്‍ പ​ങ്കെ​ടു​ക്കു​ന്ന ജീ​വ​ന​ക്കാ​രു​ടെ എ​ണ്ണ​ത്തി​ല്‍ കു​റ​വ് വ​രു​ത്തി​യി​രു​ന്നു. 60 വ​യ​സ്സി​ന് മേ​ലെ​യു​ള്ള​വ​ര്‍ക്ക് പ്ര​വേ​ശ​നം ഉ​ണ്ടാ​യി​രു​ന്നി​ല്ല. ഭ​ണ്ഡാ​ര​ങ്ങ​ളും നി​ക്ഷേ​പ​ങ്ങ​ളും അ​ണു​വി​മു​ക്ത​മാ​ക്കി​യി​രു​ന്നു. ക​ന​റ ബാ​ങ്കി​നാ​യി​രു​ന്നു ഇ​ത്ത​വ​ണ എ​ണ്ണ​ലി‍െൻറ ചു​മ​ത​ല.