പെരുംചൂ​ട്; സൂ​ര്യാ​ഘാ​ത മു​ന്ന​റി​യി​പ്പു​മാ​യി ആ​രോ​ഗ്യ​ വ​കു​പ്പ്

തൃ​ശൂ​ർ: ജി​ല്ല​യി​ൽ ചൂ​ട് ക്ര​മാ​തീ​ത​മാ​യി ഉ​യ​രു​ന്ന സാ​ഹ​ച​ര്യ​ത്തി​ൽ സൂ​ര്യാ​ഘാ​ത​വും സൂ​ര്യ​താ​പം മൂ​ല​മു​ള്ള പൊ​ള്ള​ലു​ക​ളും ഏ​ൽ​ക്കാ​നു​ള്ള സാ​ധ്യ​ത വ​ർ​ധി​ച്ച​താ​യി ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​ശ്രീ​ദേ​വി ടി.​പി. അ​റി​യി​ച്ചു. താ​പ​നി​ല ഉ​യ​രു​ന്ന​തി​നാ​ൽ പൊ​തു​ജ​ന​ങ്ങ​ൾ അ​തീ​വ ജാ​ഗ്ര​ത പാ​ലി​ക്ക​ണ​മെ​ന്ന് ആ​രോ​ഗ്യ വ​കു​പ്പ് മു​ന്ന​റി​യി​പ്പ് ന​ൽ​കി.

നേ​രി​ട്ട് വെ​യി​ലേ​ൽ​ക്കു​ന്ന ജോ​ലി​ക​ൾ ചെ​യ്യു​ന്ന​വ​ർ ജോ​ലി സ​മ​യം പു​നഃ​ക്ര​മീ​ക​രി​ക്ക​ണ​മെ​ന്നും രാ​വി​ലെ 11 മു​ത​ൽ ഉ​ച്ച​ക​ഴി​ഞ്ഞ് മൂ​ന്നു​വ​രെ നേ​രി​ട്ട് വെ​യി​ൽ കൊ​ള്ളു​ന്ന​ത് ഒ​ഴി​വാ​ക്ക​ണ​മെ​ന്നും ആ​രോ​ഗ്യ​വ​കു​പ്പ് നി​ർ​ദേ​ശി​ച്ചു.

വെ​യി​ല​ത്ത് ന​ട​ക്കേ​ണ്ടി വ​രു​മ്പോ​ൾ കു​ട, തൊ​പ്പി, ട​വ്വ​ൽ എ​ന്നി​വ ഉ​പ​യോ​ഗി​ക്ക​ണം. പു​റ​ത്തി​റ​ങ്ങു​മ്പോ​ൾ പാ​ദ​ര​ക്ഷ​ക​ൾ ധ​രി​ക്കാ​ൻ ശ്ര​ദ്ധി​ക്ക​ണം.

പാ​ർ​ക്ക് ചെ​യ്തി​രി​ക്കു​ന്ന വാ​ഹ​ന​ങ്ങ​ളി​ൽ കു​ട്ടി​ക​ളെ​യും പ്രാ​യ​മാ​യ​വ​രെ​യും ഇ​രു​ത്തി പോ​ക​രു​ത്. ഇ​ളം നി​റ​ത്തി​ലു​ള്ള പ​രു​ത്തി വ​സ്ത്ര​ങ്ങ​ൾ ധ​രി​ക്കാ​നും ഇ​ട​യ്ക്കി​ടെ ത​ണു​ത്ത വെ​ള്ള​ത്തി​ൽ മു​ഖ​വും കൈ​കാ​ലു​ക​ളും ക​ഴു​കാ​നും ശ്ര​ദ്ധി​ക്ക​ണം.

ചെ​റി​യ കു​ട്ടി​ക​ൾ, പ്രാ​യ​മാ​യ​വ​ർ, ഗ​ർ​ഭി​ണി​ക​ൾ, രോ​ഗ​ബാ​ധി​ത​ർ തു​ട​ങ്ങി​യ​വ​ർ പ്ര​ത്യേ​ക ശ്ര​ദ്ധ പു​ല​ർ​ത്ത​ണം. യാ​ത്ര ചെ​യ്യു​മ്പോ​ൾ കു​പ്പി​വെ​ള്ളം ക​രു​തു​ക​യും ദാ​ഹം തോ​ന്നി​യി​ല്ലെ​ങ്കി​ൽ പോ​ലും ഇ​ട​യ്ക്കി​ടെ വെ​ള്ളം കു​ടി​ക്കു​ക​യും വേ​ണം. സം​ഭാ​രം, ഇ​ള​നീ​ർ, നാ​ര​ങ്ങാ​വെ​ള്ളം തു​ട​ങ്ങി​യ പാ​നീ​യ​ങ്ങ​ൾ ധാ​രാ​ള​മാ​യി കു​ടി​ക്കു​ക. മ​ദ്യം, ചാ​യ, കാ​പ്പി, കാ​ർ​ബ​ണേ​റ്റ​ഡ് പാ​നീ​യ​ങ്ങ​ൾ എ​ന്നി​വ​യു​ടെ ഉ​പ​യോ​ഗം കു​റ​യ്ക്ക​ണം. പ​ഴ​ങ്ങ​ളും പ​ച്ച​ക്ക​റി​ക​ളും ക​ഴു​കി ഉ​പ​യോ​ഗി​ക്കു​ക.

വീ​ടി​നു​ള്ളി​ൽ സൂ​ര്യ​പ്ര​കാ​ശം നേ​രി​ട്ട് ഏ​ൽ​ക്കാ​ത്ത രീ​തി​യി​ൽ ജ​ന​ലു​ക​ളും ക​ർ​ട്ട​നു​ക​ളും ക്ര​മീ​ക​രി​ക്കു​ക. രാ​ത്രി​യി​ൽ ജ​ന​ലു​ക​ളും ക​ർ​ട്ട​നു​ക​ളും തു​റ​ന്നി​ട്ട് ത​ണു​ത്ത കാ​റ്റ് അ​ക​ത്തേ​ക്ക് ക​ട​ക്കാ​ൻ അ​നു​വ​ദി​ക്കു​ക. പ​ക​ൽ സ​മ​യ​ത്ത് താ​ഴ​ത്തെ നി​ല​ക​ളി​ൽ ക​ഴി​യാ​ൻ ശ്ര​മി​ക്കു​ക.

വ​ള​രെ ഉ​യ​ർ​ന്ന ശ​രീ​ര താ​പം, വ​ര​ണ്ട ചു​വ​ന്ന ചൂ​ടാ​യ ശ​രീ​രം, ത​ല​വേ​ദ​ന, ത​ല​ക​റ​ക്കം, നാ​ഡി​മി​ടി​പ്പ് കു​റ​യു​ക, മാ​ന​സി​കാ​വ​സ്ഥ​യി​ലെ മാ​റ്റ​ങ്ങ​ൾ, അ​ബോ​ധാ​വ​സ്ഥ, തൊ​ലി ചു​വ​ന്ന് ത​ടി​ക്കു​ക, വേ​ദ​ന, പൊ​ള്ള​ൽ, തൊ​ലി​പ്പു​റ​ത്ത് കു​രു​ക്ക​ൾ, പേ​ശീ​വ​ലി​വ്, ഓ​ക്കാ​നം, ഛർ​ദ്ദി, മൂ​ത്ര​ത്തി​ന്റെ അ​ള​വ് കു​റ​യു​ക, മൂ​ത്ര​ത്തി​ന് മ​ഞ്ഞ നി​റം എ​ന്നി​വ സൂ​ര്യാ​ഘാ​ത​ത്തി​ന്റെ ല​ക്ഷ​ണ​ങ്ങ​ളാ​കാം. ഇ​ത്ത​രം ല​ക്ഷ​ണ​ങ്ങ​ൾ ക​ണ്ടാ​ൽ ഉ​ട​ൻ വൈ​ദ്യ​സ​ഹാ​യം തേ​ട​ണം.