വെട്ടേറ്റ വീട്ടമ്മയുടെ മരണം; പണം നൽകാത്തതിനാൽ ആശുപത്രി മാറ്റാൻ വൈകിയെന്ന്

കൊ​ടു​ങ്ങ​ല്ലൂ​ർ: വെ​ട്ടേ​റ്റ്​ പ​രി​ക്കേ​റ്റ വീ​ട്ട​മ്മ​യെ വി​ദ​ഗ്​​ധ ചി​കി​ത്സ​ക്കാ​യി തൃ​ശൂ​രി​ലെ ആ​ശു​പ​ത്രി​യി​ലേ​ക്ക്​ മാ​റ്റു​ന്ന​തി​ൽ ച​ന്ത​പ്പു​ര​യി​ലെ സ്വ​കാ​ര്യ ആ​ശു​പ​ത്രി​യി​ൽ കാ​ല​താ​മ​സം വ​ന്ന​താ​യി ആ​രോ​പ​ണം. പ​ണം അ​ട​ക്കാ​ത്ത​തു​കൊ​ണ്ട് തു​ട​ര്‍ചി​കി​ത്സ​ക്ക് വി​ട്ട് കി​ട്ടാ​ൻ താ​മ​സം നേ​രി​ട്ടു എ​ന്നാ​ണ്​ പ​രാ​തി.

റി​ൻ​സി​യെ വി​ദ​ഗ്​​ധ ചി​കി​ത്സ​ക്ക് തൃ​ശൂ​രി​ലേ​ക്ക്​ മാ​റ്റാ​ൻ ആ​വ​ശ്യ​പ്പെ​ട്ട​പ്പോ​ൾ 25,000 രൂ​പ അ​ട​ച്ചാ​ൽ മാ​ത്ര​മേ ഡി​സ്ചാ​ർ​ജ് ചെ​യ്യാ​ൻ ക​ഴി​യു​ക​യു​ള്ളൂ​വെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞെ​ന്നാ​ണ് ആ​രോ​പ​ണം. ബ​ന്ധു​ക്ക​ളും പ​ഞ്ചാ​യ​ത്ത് അം​ഗം പി.​കെ. മു​ഹ​മ്മ​ദും യു.​ഡി.​എ​ഫ് ക​ൺ​വീ​ന​ർ പി.​എ​സ്. മു​ജീ​ബ് റ​ഹ്മാ​നും അ​ടു​ത്ത ദി​വ​സം പ​ണം അ​ട​ക്കാം എ​ന്നു​റ​പ്പ് ന​ൽ​കി​യി​ട്ടും ആ​ശു​പ​ത്രി അ​ധി​കൃ​ത​ർ വ​ഴ​ങ്ങി​യി​ല്ലെ​ന്ന് പ​റ​യു​ന്നു.

ത​ർ​ക്കം തു​ട​ർ​ന്ന​പ്പോ​ൾ സ്ഥ​ല​ത്തു​ണ്ടാ​യി​രു​ന്ന കൊ​ടു​ങ്ങ​ല്ലൂ​ർ ഡി​വൈ.​എ​സ്.​പി സ​ലീ​ഷ് ആ​ശു​പ​ത്രി​ക്കാ​ർ​ക്ക് എ.​ടി.​എം കാ​ർ​ഡ് ന​ൽ​കി പ​ണം എ​ടു​ത്ത് എ​ത്ര​യും പെ​ട്ടെ​ന്ന് യു​വ​തി​യെ വി​ട്ടു​കൊ​ടു​ക്കാ​ൻ ആ​വ​ശ്യ​പ്പെ​ട്ടു​വെ​ങ്കി​ലും സ്ഥ​ല​ത്തു​ണ്ടാ​യി​രു​ന്ന പൊ​തു​പ്ര​വ​ർ​ത്ത​ക​ർ അ​ങ്ങ​നെ വേ​ണ്ട​തി​ല്ലെ​ന്ന് പ​റ​ഞ്ഞ് ഡി​വൈ.​എ​സ്.​പി​യെ പി​ന്തി​രി​പ്പി​ക്കു​ക​യാ​യി​രു​ന്നു​വ​ത്രെ. 15 മി​നി​റ്റോ​ള​മാ​ണ്​ വൈ​കി​യ​ത്. 15 മി​നി​റ്റ് വൈ​കി​യി​ല്ലാ​യി​രു​ന്നെ​ങ്കി​ൽ ചി​ല​പ്പോ​ൾ റി​ൻ​സി​യു​ടെ ജീ​വ​ൻ ര​ക്ഷി​ക്കാ​മാ​യി​രു​ന്നു​വെ​ന്നും മ​നു​ഷ്യ​ത്വ​ര​ഹി​ത നി​ല​പാ​ട് എ​ടു​ത്ത ആ​ശു​പ​ത്രി അ​ധി​കൃ​ത​ർ​ക്കെ​തി​രെ സ​ർ​ക്കാ​ർ ക​ർ​ശ​ന​ന​ട​പ​ടി സ്വീ​ക​രി​ക്ക​ണ​മെ​ന്നും കോ​ൺ​ഗ്ര​സ് എ​റി​യാ​ട് പ​ഞ്ചാ​യ​ത്ത് പാ​ർ​ല​മെ​ന്റ​റി പാ​ർ​ട്ടി ലീ​ഡ​ർ പി.​കെ. മു​ഹ​മ്മ​ദ് പ​റ​ഞ്ഞു.

അ​തേ സ​മ​യം ഈ ​ആ​രോ​പ​ണം അ​ടി​സ്ഥാ​ന​ര​ഹി​ത​മാ​ണെ​ന്ന് ആ​ശു​പ​ത്രി പ​ബ്ലി​ക്​ റി​ലേ​ഷ​ൻ​സ്​ ഓ​ഫി​സ​ർ അ​റി​യി​ച്ചു. യാ​ഥാ​ർ​ഥ്യം ഡി​വൈ.​എ​സ്.​പി​ക്ക് അ​റി​യാ​മെ​ന്നും സ്ഥാ​പ​ന മേ​ധാ​വി​യോ​ടു​ള്ള എ​തി​ർ​പ്പാ​ണ് ആ​രോ​പ​ണ​ത്തി​ന് പി​ന്നി​ലെ​ന്നും അ​ദ്ദേ​ഹം പ​റ​ഞ്ഞു.