വനിത ജീവനക്കാരോട് അപമര്യാദ; കേസെടുത്തു

തൃശൂർ: ആർ​.ടി ഓഫിസിൽ വനിത ജീവനക്കാരോട് അപമര്യാദയായി പെരുമാറിയ കെ.ബി.ടി.എ നേതാവ് ജോൺസൻ പടമാടനെതിരെ തൃശൂർ വെസ്​റ്റ്​ പൊലീസ് കേസെടുത്തു.

കഴിഞ്ഞ ദിവസം ആർ.ടി ഓഫിസിൽ അതിക്രമിച്ച് കയറി വനിത ജീവനക്കാരുടെ വിഡിയോയും, ചിത്രങ്ങളും മൊബൈലിൽ പകർത്തി സാമൂഹമാധ്യമങ്ങളിൽ പ്രചരിപ്പിച്ചതും, കോവിഡ് മാനദണ്ഡങ്ങൾ പാലിക്കാതെ ഓഫിസിൽ തള്ളിക്കയറി വനിത ജീവനക്കാരെ ഭീഷണിപ്പെടുത്തിയെന്ന​ുമുള്ള ജീവനക്കാരുടെ പരാതിയിലാണ്​ നടപടി.