‘ഇ​ന്ത്യ​ൻ പ​ട്ടാ​ളം ഞ​ങ്ങ​ളെ തോ​ക്കി​ൻ കു​ഴ​ലി​ലൂ​ടെ നോ​ക്കു​ന്നു’

തൃ​ശൂ​ർ: വി​ക്ട​ർ തൗ​ദാം മ​ണി​പ്പൂ​രി​ൽ​നി​ന്നു​ള്ള നാ​ട​ക സം​വി​ധാ​യ​ക​നാ​ണ്. ന്യൂ​ഡ​ൽ​ഹി നാ​ഷ​ന​ൽ സ്കൂ​ൾ ഓ​ഫ് ഡ്രാ​മ​യി​ൽ​നി​ന്ന് ​ഫെ​ലോ​ഷി​പ്പോ​ടെ പ​ഠ​നം പൂ​ർ​ത്തി​യാ​ക്കി​യ വി​ക്ട​റി​ന് കേ​ന്ദ്ര സാം​സ്കാ​രി​ക വ​കു​പ്പ്, ല​ണ്ട​ൻ ഇ​ന്റ​ർ​നാ​ഷ​ന​ൽ സ്കൂ​ൾ ഓ​ഫ് ആ​ർ​ട്സ് എ​ന്നി​വി​ട​ങ്ങ​ളി​ൽ​നി​ന്ന് ഫെ​ലോ​ഷി​പ്പു​ക​ൾ ല​ഭി​ച്ചി​ട്ടു​ണ്ട്. നി​ര​വ​ധി ദേ​ശീ​യ, അ​ന്ത​ർ​ദേ​ശീ​യ നാ​ട​ക​മേ​ള​ക​ളി​ലും സാം​സ്കാ​രി​ക പ​രി​പാ​ടി​ക​ളി​ലും വി​ക്ട​ർ പ​​ങ്കെ​ടു​ത്തി​ട്ടു​ണ്ട്. ഇ​റ്റ്ഫോ​ക്കി​ലേ​ക്ക് നാ​ട​ക​വു​മാ​യി എ​ത്തു​ന്ന​ത് ആ​ദ്യ​മാ​യാ​ണ്. സ്വ​ന്തം നാ​ട​ക​ത്തെ കു​റി​ച്ചും നാ​ട്ടി​ലെ ദു​ര​വ​സ്ഥ​യെ കു​റി​ച്ചും വി​ക്ട​ർ തൗ​ദാം ‘മാ​ധ്യ​മ’​ത്തോ​ട് സം​സാ​രി​ക്കു​ന്നു.

മ​ണി​പ്പൂ​ർ മു​ഖ്യ​മ​ന്ത്രി എ​ൻ. ബി​രേ​ൻ സി​ങ് രാ​ജി​വെ​ച്ച ശേ​ഷ​മു​ള്ള അ​വി​ടു​ത്തെ അ​വ​സ്ഥ എ​ന്താ​ണ്?

അ​ങ്ങേ​യ​റ്റം ദുഃ​ഖ​ക​ര​മാ​ണ് നാ​ടി​ന്റെ അ​വ​സ്ഥ. ഞ​ങ്ങ​ളു​ടെ മ​ണി​പ്പൂ​ർ ഇ​പ്പോ​ഴും ക​ത്തി​ക്കൊ​ണ്ടി​രി​ക്കു​ക​യാ​ണ്. ഒ​രു മാ​റ്റ​വു​മി​ല്ല. ബി​രേ​ൻ സി​ങി​ന്റെ രാ​ജി​ക്ക് മു​മ്പ് എ​പ്ര​കാ​ര​മാ​യി​രു​ന്നോ, അ​തു​പോ​ലെ ത​ന്നെ ഇ​പ്പോ​ഴും തു​ട​രു​ന്നു. സ്ഥി​തി​ഗ​തി​ക​ൾ ഒ​ന്നും ശാ​ന്ത​മാ​യി​ട്ടി​ല്ല. എ​ല്ലാ​യി​ട​ത്തും ക​ലാ​പ​ങ്ങ​ൾ അ​ര​ങ്ങേ​റു​ന്നു. ഒ​ന്നി​നും മാ​റ്റം സം​ഭ​വി​ച്ചി​ട്ടി​ല്ല.

നേ​ര​ത്തേ പേ​രി​നെ​ങ്കി​ലും ഒ​രു മു​ഖ്യ​മ​ന്ത്രി ഉ​ണ്ടാ​യി​രു​ന്നു, ഇ​പ്പോ​ൾ അ​തു​മി​ല്ല. ശ​രി​ക്കും മ​ണി​പ്പൂ​രി​ൽ ഇ​പ്പോ​ൾ എ​ന്താ​ണ് ന​ട​ക്കു​ന്ന​ത്?

ഇ​ന്ത്യ​ൻ പ​ട്ടാ​ളം ഞ​ങ്ങ​ളെ തോ​ക്കി​ൻ കു​ഴ​ലി​ലൂ​ടെ നോ​ക്കു​ന്നു. ജ​ന​ങ്ങ​ൾ എ​ല്ലാം അ​സ്വ​സ്ഥ​രാ​ണ്. ജ​ന​ങ്ങ​ളെ ശാ​ന്ത​രാ​ക്കാ​ന​ല്ല പ​ട്ടാ​ളം ശ്ര​മി​ക്കു​ന്ന​ത്. അ​വ​ർ അ​വ​ർ​ക്ക് ല​ഭി​ച്ച നി​ർ​ദേ​ശ​പ്ര​കാ​രം ഡ്യൂ​ട്ടി ചെ​യ്യു​ന്നു. വീ​ട്ടി​ൽ​നി​ന്നും പു​റ​ത്തേ​ക്കി​റ​ങ്ങു​ന്ന ജ​ന​ങ്ങ​ളെ എ​ല്ലാ​യി​ട​ത്തും ത​ട​ഞ്ഞു​നി​ർ​ത്തി ചോ​ദ്യം ചെ​യ്യു​ന്നു. ശ​രീ​രം മു​ഴു​വ​ൻ പ​രി​ശോ​ധി​ക്കു​ന്നു. കാ​റു​ക​ളും വാ​ഹ​ന​ങ്ങ​ളും പ​ല​യി​ട​ത്തും നി​ർ​ത്തി​ച്ച് തു​ട​ർ​പ​രി​ശോ​ധ​ന​ക​ൾ​ക്ക് വി​ധേ​യ​രാ​ക്കു​ന്നു. ഇ​തെ​ന്താ പ​ട്ടാ​ള ഭ​ര​ണ​മോ എ​ന്ന് തോ​ന്നി​പ്പോ​കും വി​ധ​മാ​ണ് കാ​ര്യ​ങ്ങ​ൾ. ജ​ന​ങ്ങ​ളെ വ​ല്ലാ​തെ ബു​ദ്ധി​മു​ട്ടി​ക്കു​ക​യും ഞെ​രു​ക്കു​ക​യും ചെ​യ്യു​ക​യാ​ണ് പ​ട്ടാ​ളം.

മ​ണി​പ്പൂ​ർ ക​ത്താ​ൻ തു​ട​ങ്ങി​യി​ട്ട് കാ​ല​ങ്ങ​ളാ​യി. വി​ഷ​യ​ത്തി​ൽ കേ​ന്ദ്ര സ​ർ​ക്കാ​റി​ന്റെ ഇ​ട​പെ​ട​ൽ സം​ബ​ന്ധി​ച്ച് എ​ന്താ​ണ് തോ​ന്നു​ന്ന​ത്?

എ​ല്ലാ​വ​രും മ​ണി​പ്പൂ​ർ വെ​ച്ച് അ​വ​രു​ടെ താ​ൽ​പ​ര്യ​ങ്ങ​ൾ​ക്ക​നു​സ​രി​ച്ച് രാ​ഷ്ട്രീ​യം ക​ളി​ക്കു​ന്നു. അ​രാ​ഷ്ട്രീ​യ​മാ​യി ഒ​ന്നു​മി​ല്ല. എ​ല്ലാ​ത്തി​ലും രാ​ഷ്ട്രീ​യ​മു​ണ്ട്. നേ​ര​ത്തേ കോ​ൺ​ഗ്ര​സ് എ​ന്താ​ണ് ചെ​യ്ത​ത് എ​ന്ന് നോ​ക്കൂ. ബി.​ജെ.​പി​യും അ​തു​ത​ന്നെ​യാ​ണ് ചെ​യ്യു​ന്ന​ത്. അ​വ​ർ​ക്ക് ഈ ​ക​ലാ​പം അ​വ​സാ​നി​പ്പി​ക്ക​ണം എ​ന്ന് ആ​ഗ്ര​ഹ​മി​ല്ല. പൊ​ളി​റ്റി​ക്ക​ൽ ഗെ​യി​മി​ന്റെ ഇ​ര​ക​ളാ​ണ് മ​ണി​പ്പൂ​രു​കാ​ർ. ഇ​ട​തു​പാ​ർ​ട്ടി​ക​ളും ഈ ​വി​ഷ​യ​ത്തി​ൽ സ​ത്യ​സ​ന്ധ​ര​ല്ല. തെ​ര​ഞ്ഞെ​ടു​പ്പു​ക​ളി​ൽ ഞ​ങ്ങ​ൾ​ക്ക് അ​ബ​ദ്ധം സം​ഭ​വി​ച്ചി​രി​ക്കു​ന്നു.

വി​ഷ​യ​ത്തി​ലെ ഇ​ന്ത്യ​ൻ പ്ര​ധാ​ന​മ​ന്ത്രി​യു​ടെ അ​ഗാ​ധ മൗ​നം?

അ​ങ്ങേ​യ​റ്റം ദൗ​ർ​ഭാ​ഗ്യ​ക​രം എ​ന്ന​ല്ലാ​തെ എ​ന്തു പ​റ​യാ​ൻ. ഞ​ങ്ങ​ളെ ഇ​ന്ത്യ​ക്കാ​രാ​യി നി​ങ്ങ​ൾ കാ​ണു​ന്നി​ല്ലേ. ക​ഷ്ട​മാ​ണ് ഈ ​അ​വ​ഗ​ണ​ന. എ​ത്ര കാ​ല​മാ​യി ഞ​ങ്ങ​ളു​ടെ നാ​ട് ക​ത്തു​ന്നു. പ​രി​ഹാ​രം കാ​ണേ​ണ്ട​വ​ർ നീ​ണ്ട മൗ​ന​ത്തി​ൽ ഒ​ളി​ക്കു​ന്നു.

മ​ണി​പ്പൂ​ർ ജ​ന​ത​യു​ടെ ഇ​പ്പോ​ഴ​ത്തെ ആ​വ​ശ്യം എ​ന്താ​ണ്?

സ​മാ​ധാ​നം. അ​തു മാ​ത്ര​മാ​ണ് മ​ണി​പ്പൂ​രി​ന് വേ​ണ്ട​ത്. ആ​രാ​ണ് സ​മാ​ധാ​നം ആ​ഗ്ര​ഹി​ക്കാ​ത്ത​ത്. മ​ണി​പ്പൂ​രി​ലെ മെ​യ്ത്തെ​യ്ക​ളും കു​ക്കി​ക​ളും നാ​ഗ​ക​ളും മ​റ്റ് സ​മു​ദാ​യ​ങ്ങ​ളും ഒ​റ്റ​ക്കെ​ട്ടാ​യി സ​മാ​ധാ​നം ആ​ഹ്വാ​നം ചെ​യ്യു​ന്നു. കേ​ൾ​ക്കേ​ണ്ട​വ​ർ മാ​ത്രം അ​ത് കേ​ൾ​ക്കു​ന്നി​ല്ല. എ​ല്ലാ​വ​രും സ​മാ​ധാ​ന​ത്തെ കു​റി​ച്ച് പ​റ​യു​ന്നു. പ​ക്ഷേ, സ​മാ​ധാ​നം ന​ൽ​കേ​ണ്ട​വ​ർ അ​ത് കേ​ട്ട​താ​യി ഭ​വി​ക്കു​ന്നി​ല്ല. തീ​ർ​ച്ച​യാ​യും മ​ണി​പ്പൂ​രി​ന് സ​മാ​ധാ​നം വേ​ണം.

ഒ​രു മ​ണി​പ്പൂ​രി ക​ലാ​കാ​ര​ൻ എ​ന്ന നി​ല​യി​ൽ എ​ന്താ​ണ് പൊ​തു സ​മൂ​ഹ​ത്തോ​ട് പ​റ​യാ​നു​ള്ള​ത്?

1949ന് ​മു​മ്പ് മ​ണി​പ്പൂ​ർ സൂ​പ്പ​ർ ആ​യി​രു​ന്നു. ഞ​ങ്ങ​ളു​ടെ മു​ൻ​ത​ല​മു​റ അ​ത് പ​റ​യാ​റു​ണ്ട്. ശേ​ഷം ഇ​ന്ത്യ​യെ ഞ​ങ്ങ​ൾ അം​ഗീ​ക​രി​ച്ചു. ഇ​പ്പോ​ൾ ഞ​ങ്ങ​ൾ ഇ​വി​ടു​ത്തെ ഭാ​ഗ​മാ​ണ്. ഇ​ന്ത്യ​ക്കാ​രാ​ണ് ഞ​ങ്ങ​ൾ. നി​ങ്ങ​ൾ ദ​യ​വു ചെ​യ്ത് മ​ണി​പ്പൂ​രി​ലെ ജ​ന​ത​യെ വി​ശ്വ​സി​ക്കു​ക. പ​ട്ടാ​ള​ത്തെ​യ​ല്ല, ഞ​ങ്ങ​ളെ നി​ങ്ങ​ൾ വി​ശ്വ​സി​ക്കു​ക. ഒ​രി​ക്ക​ൽ കാ​ൽ​ചു​വ​ട്ടി​ലെ മ​ണ്ണ് ന​ഷ്ട​മാ​യാ​ൽ പി​ന്നീ​ട് ഒ​രി​ക്ക​ലും അ​ത് വീ​ണ്ടെ​ടു​ക്കാ​നാ​വി​ല്ലെ​ന്ന് ഞ​ങ്ങ​ൾ​ക്ക് ന​ന്നാ​യി അ​റി​യാം. അ​പ്പോ​ൾ ന​ഷ്ട​പ്പെ​ടു​ന്ന​ത് മ​ണ്ണ് മാ​ത്ര​മാ​യി​രി​ക്കി​ല്ല. എ​ല്ലാം ന​ഷ്ട​മാ​കും.

എ​ന്താ​യി​രു​ന്നു നേ​ര​ത്തേ​യു​ള്ള മ​ണി​പ്പൂ​ർ?

എ​ന്ത് ന​ല്ല നാ​ടാ​ണ് ഞ​ങ്ങ​ളു​ടേ​ത്. മ​ണി​പ്പൂ​രി​ലാ​ണ് ഏ​റ്റ​വും വ​ലി​യ വ​നി​ത മാ​ർ​ക്ക​റ്റ് ഉ​ള്ള​ത്. പ​ക്ഷേ, ഇ​ന്ന​വി​ടെ സ്ത്രീ​ക​ൾ റേ​പ്പ് ചെ​യ്യ​പ്പെ​ടു​ന്നു. സ​ങ്ക​ട​മെ​ന്ന​ല്ലാ​തെ എ​ന്തു പ​റ​യാ​ൻ.

ഈ ​ക​ലാ​പ​കാ​ല​ത്തെ മ​ണി​പ്പൂ​രി​ലെ സാ​ഹി​ത്യ സാം​സ്കാ​രി​ക നാ​ട​ക ലോ​കം എ​ങ്ങ​നെ​യാ​ണ് മ​റി​ക​ട​ന്ന​ത്?

ഈ ​ക​ലാ​പ​കാ​ല​ത്തും മ​ണി​പ്പൂ​രി​ൽ സാ​ഹി​ത്യ-​സ​ർ​ഗ സൃ​ഷ്ടി​ക​ൾ ധാ​രാ​ള​മാ​യി ഉ​ണ്ടാ​യി​ട്ടു​ണ്ട്. മി​ക​ച്ച നാ​ട​ക​ങ്ങ​ളും ക​ലാ​രൂ​പ​ങ്ങ​ളും ഉ​ണ്ടാ​യി. മ​ണി​പ്പൂ​ർ വി​ഷ​യം പ്ര​മേ​യ​മാ​കു​ന്ന സൃ​ഷ്ടി​ക​ളും ധാ​രാ​ള​മാ​യി പു​റ​ത്തു​വ​ന്നു. പ​ക്ഷേ, അ​വ​യൊ​ന്നും പു​റ​ത്തേ​ക്ക് ശ്ര​ദ്ധി​ക്ക​പ്പെ​ട്ടി​ല്ല. ദേ​ശീ​യ മാ​ധ്യ​മ​ങ്ങ​ളി​ൽ പോ​ലും അ​തൊ​ന്നും വാ​ർ​ത്ത​യാ​കു​ന്നി​ല്ല.

താ​ങ്ക​ളു​ടെ നാ​ട​കം സം​ബ​ന്ധി​ച്ച്?

‘യെ​ൽ​ഹൗ​മി ഗി ​ഖൊ​ലാ​വു’ എ​ന്നാ​ണ് എ​ന്റെ നാ​ട​ക​ത്തി​ന്റെ മ​ണി​പ്പൂ​രി ഭാ​ഷ​യി​ലെ പേ​ര്. ‘അ​ബോ​റി​ജി​ന​ൽ ക്രൈ’. ​ത​ദ്ദേ​ശീ​യ ജ​ന​ത​യു​ടെ ക​ണ്ണീ​ര് സം​ബ​ന്ധി​ച്ചാ​ണ് നാ​ട​കം പ​റ​യു​ന്ന​ത്. അ​ടി​സ്ഥാ​ന ജ​ന​വി​ഭാ​ഗ​വും അ​വ​രു​ടെ മ​ണ്ണും ത​മ്മി​ലു​ള്ള ബ​ന്ധം സം​ബ​ന്ധി​ച്ചാ​ണ് നാ​ട​കം സം​സാ​രി​ക്കു​ന്ന​ത്.

ഒ​രു ത​മാ​ശ ചോ​ദ്യം ചോ​ദി​ക്ക​ട്ടെ, താ​ങ്ക​ളു​ടെ നാ​ട​ക സം​ഘ​ത്തി​ൽ മു​ഴു​വ​ൻ മെ​യ്തെ​യ് വി​ഭാ​ഗ​ക്കാ​രാ​ണ​ല്ലോ?

ഞ​ങ്ങ​ൾ എ​ല്ലാ​വ​രും ഇം​ഫാ​ലി​ൽ​നി​ന്നാ​ണ് വ​രു​ന്ന​ത്. അ​തു​​കൊ​ണ്ട് സം​ഭ​വി​ച്ച​താ​ണ്. മ​ണി​പ്പൂ​രി​ൽ ക​ലാ​രം​ഗ​ത്ത് അ​ങ്ങ​നെ വേ​ർ​തി​രി​വി​ല്ല. നാ​ട​ക രം​ഗ​ത്തു​ത​ന്നെ കു​ക്കി​ക​ളും നാ​ഗ​ക​ളും മെ​യ്ത്തെ​യ്ക​ളും ഒ​ക്കെ ​ഒ​രു​മി​ച്ചു​ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ട്.

കേ​ര​ള​വും ഇ​റ്റ്ഫോ​ക്കും എ​ങ്ങ​നെ​യു​ണ്ട്?

കേ​ര​ളം എ​ന്ത് ഭം​ഗി​യു​ള്ള സ്ഥ​ല​മാ​ണ്. ഞാ​ൻ ഇ​തി​നു​മു​മ്പും ര​ണ്ട് ത​വ​ണ കേ​ര​ളം സ​ന്ദ​ർ​ശി​ച്ചി​ട്ടു​ണ്ട്. രാ​ഷ്ട്രീ​യ ബോ​ധ്യ​മു​ള്ള നാ​ടാ​ണ് കേ​ര​ളം. പ​ക്ഷേ, സം​ഘ്പ​രി​വാ​ർ ഇ​വി​ടെ​യും നു​ഴ​ഞ്ഞു​ക​യ​റി എ​ന്ന​തി​ന് തെ​ളി​വാ​ണ​ല്ലോ തൃ​ശൂ​രി​ലെ ലോ​ക്സ​ഭ തെ​ര​ഞ്ഞെ​ടു​പ്പി​ലെ ബി.​ജെ.​പി​യു​ടെ വി​ജ​യം. അ​തി​നെ ഈ ​നാ​ട് മ​റി​ക​ട​ക്കും എ​ന്ന് വി​ശ്വ​സി​ക്കു​ന്നു. ഇ​റ്റ്ഫോ​ക്ക് പോ​ലെ​യു​ള്ള വേ​ദി​ക​ൾ ജ​ന​ങ്ങ​ളെ അ​ക്കാ​ര്യ​ങ്ങ​ളി​ൽ കൂ​ടു​ത​ൽ പ്ര​ബു​ദ്ധ​രാ​ക്കും.

‘യെ​ൽ​ഹൗ​മി ഗി ​ഖൊ​ലാ​വു’ ഇ​ന്ന് കാ​ണാം

തൃ​ശൂ​ർ: മ​ണി​പ്പൂ​ർ സം​വി​ധാ​യ​ക​ൻ വി​ക്ട​ർ തൗ​ദാം അ​ണി​യി​ച്ചൊ​രു​ക്കി​യ നാ​ട​ക​മാ​യ ‘യെ​ൽ​ഹൗ​മി ഗി ​ഖൊ​ലാ​വു’ ബു​ധ​നാ​ഴ്ച കാ​ണാം. ‘അ​ബോ​റി​ജി​ന​ൽ ക്രൈ’ ​എ​ന്ന പേ​രി​ലാ​ണ് നാ​ട​കം അ​ര​ങ്ങി​ലെ​ത്തു​ക. കെ.​ടി. മു​ഹ​മ്മ​ദ് തീ​യ​റ്റ​റി​ൽ രാ​വി​ലെ 11നും ​വൈ​കു​ന്നേ​രം 5.30നും ​നാ​ട​കം അ​വ​ത​രി​പ്പി​ക്കും. വി​ക്ട​റി​നെ കൂ​ടാ​തെ ഇ​വോ​ചൗ, ഒ​പേ​ന്ദ്രോ, ത​രു​ൺ കു​മാ​ർ, സു​ചി​ത്ര, ബി​താ​ർ, പാ​ക്കി അ​മാ​ങ്ചം,റാ​സ്പി​തം, ആ​ർ.​കെ. ബി​ത്യാ​സ് എ​ന്നി​വ​രും നാ​ട​ക​ത്തി​ന്റെ ഭാ​ഗ​മാ​യി ഇ​റ്റ്ഫോ​ക്കി​ൽ എ​ത്തി​യി​ട്ടു​ണ്ട്. മ​ണി​പ്പൂ​രി​ലെ ആ​റ് വ​ൻ അ​ണ​ക്കെ​ട്ടു​ക​ൾ​ക്കു​വേ​ണ്ടി കു​ടി​യൊ​ഴു​പ്പി​ക്ക​പ്പെ​ട്ട​വ​രു​ടെ സ​ങ്ക​ട​ങ്ങ​ളു​ടെ ക​ഥ​യാ​ണ് നാ​ട​കം പ​റ​യു​ന്ന​ത്. ജ​ല​സേ​ച​ത്തി​ന്റെ​യും കൃ​ഷി​യു​ടെ​യും പേ​രി​ൽ വ​ലി​യ അ​ണ​ക്കെ​ട്ടു​ക​ൾ പ​ണി​തി​ട്ടും മ​ണി​പ്പൂ​രി​ലെ ഭൂ​രി​ഭാ​ഗം വ​യ​ലു​ക​ളും ഇ​പ്പോ​ഴും വ​ര​ണ്ടു​കി​ട​ക്കു​ന്നു.

ആ​യി​ര​ക്ക​ണ​ക്കി​ന് കോ​ടി​ക​ൾ ചെ​ല​വ​ഴി​ച്ച ഈ ​പ​ദ്ധ​തി​ക​ളു​ടെ ശ​രി​ക്കു​ള്ള ഗു​ണ​ഭോ​ക്താ​ക്ക​ൾ ആ​രെ​ന്നും നാ​ട​കം ച​ർ​ച്ച​യാ​ക്കു​ന്നു.