ഇൻറർസോൺ വനിത ഫുട്ബാൾ: സെൻറ്​ ജോസഫ്സ് ഇരിങ്ങാലക്കുട ജേതാക്കൾ

കോഴിക്കോട്​: കാലിക്കറ്റ് സർവകലാശാല ഇൻറർസോൺ വനിത ഫുട്ബാൾ ചാമ്പ്യൻഷിപ്പിൽ സെൻറ്​ ജോസഫ്സ് ഇരിങ്ങാലക്കുട കിരീടം നിലനിർത്തി.

മാള കാർമൽ കോളജിനെ (3- 0) തോൽപിച്ചാണ് കിരീട നേട്ടം. പാലക്കാട് മേഴ്സി കോളജ് ടൈബ്രേക്കറിൽ കോഴിക്കോട് സെൻറ്​ ജോസഫ്​സ്​ ദേവഗിരിയെ (3 -0) പരാജയപ്പെടുത്തി മൂന്നാം സ്ഥാനം നേടി. രജിസ്ട്രാർ ഡോ. ഇ.കെ. സതീഷ് ട്രോഫി നൽകി. 21 മുതൽ ബംഗളൂരു ക്രൈസ്​റ്റ്​ യൂനിവേഴ്സിറ്റിയിലാണ് ദക്ഷിണ മേഖല ചാമ്പ്യൻഷിപ്.