ഭി​ന്ന​ശേ​ഷി കു​ട്ടി​ക​ൾ​ക്ക് പ​രി​ശീ​ല​നം; ‘നി​പ്മ​ർ മോ​ഡ​ൽ’ മാ​തൃ​ക

ഇ​രി​ങ്ങാ​ല​ക്കു​ട: ഭി​ന്ന​ശേ​ഷി കു​ട്ടി​ക​ള്‍ക്ക് പ്രാ​യോ​ഗി​ക ദി​ന​ച​ര്യ പ​രി​ശീ​ല​നം ന​ല്‍കു​ന്ന നി​പ്മ​റി​ലെ (നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഒ​ഫ് ഫി​സി​ക്ക​ൽ മെ​ഡി​സി​ൻ ആ​ൻ​ഡ് റി​ഹാ​ബി​ലി​റ്റേ​ഷ​ൻ) സൂ​പ്പ​ര്‍ മാ​ര്‍ക്ക​റ്റ് മാ​തൃ​ക​യാ​കു​ന്നു. ദി​ന​ച​ര്യ​ക​ള്‍ക്ക് പ്രാ​പ്ത​രാ​ക്കു​ന്ന​തി​ന് പു​റ​മെ സാ​മൂ​ഹി​ക ഇ​ട​പെ​ട​ല്‍, നാ​ണ​യ ബോ​ധം, കൊ​ടു​ക്ക​ല്‍ വാ​ങ്ങ​ല്‍ തു​ട​ങ്ങി​യ​വ​യി​ലും പ​രി​ശീ​ല​നം ന​ല്‍കു​ന്ന സം​സ്ഥാ​ന​ത്തെ​ത്ത​ന്നെ ആ​ദ്യ​ത്തെ ഭി​ന്ന​ശേ​ഷി സൗ​ഹൃ​ദ സൂ​പ്പ​ര്‍ മാ​ര്‍ക്ക​റ്റാ​ണ് ക​ല്ലേ​റ്റും​ക​ര​യി​ൽ പ്ര​വ​ർ​ത്തി​ക്കു​ന്ന നി​പ്മ​റി​ന് കീ​ഴി​ലെ സെ​ഡാ​ര്‍ സൂ​പ്പ​ര്‍ മാ​ര്‍ക്ക​റ്റ്.

രാ​ജ്യ​ത്ത് ഭി​ന്ന​ശേ​ഷി​ക്കാ​രെ പ​രി​ശീ​ലി​പ്പി​ക്കു​ന്ന ബ​ഹു ഭൂ​രി​പ​ക്ഷം സ്ഥാ​പ​ന​ങ്ങ​ളി​ലും പ്രാ​യോ​ഗി​ക ദി​ന​ച​ര്യ​ക​ള്‍ പ​രി​ശീ​ലി​പ്പി​ക്കു​ന്ന​തി​നു​ള്ള സം​വി​ധാ​ന​മി​ല്ല. ന​ട​ക്കു​ന്ന​യി​ട​ങ്ങ​ളി​ലാ​ക​ട്ടെ ചി​ല കൃ​ത്രി​മ മാ​തൃ​ക​ക​ൾ ഉ​പ​യോ​ഗി​ച്ചു​ള്ള​താ​യ​തി​നാ​ൽ പ്രാ​യോ​ഗി​ക ജീ​വി​ത​ത്തി​ല്‍ കു​ട്ടി​ക​ള്‍ക്ക് ഗു​ണ​ക​ര​മാ​കു​ന്നി​ല്ലെ​ന്ന് വ്യാ​പ​ക പ​രാ​തി​യു​ണ്ട്. ഇ​തി​ന് പ​രി​ഹാ​ര​മാ​യാണ് നി​പ്മ​റി​ലെ പ​രി​ശീ​ല​ന രീ​തിയാരംഭിച്ചത്. നി​പ്മ​റി​ലെ സ്പെ​ഷ​ല്‍ സ്കൂ​ളി​ലെ കു​ട്ടി​ക​ളെ​യും, തൊ​ഴി​ല്‍ പ​രി​ശീ​ല​ന പ​രി​പാ​ടി​യാ​യ എം​വൊ​ക്കി​ലെ കു​ട്ടി​ക​ളെ​യു​മാ​ണ് ഇ​വി​ടെ പ​രി​ശീ​ലി​പ്പി​ക്കു​ന്ന​ത്.

150ഓ​ളം കു​ട്ടി​ക​ളാ​ണ് നി​ല​വി​ല്‍ ഇ​വി​ടെ പ​രി​ശീ​ല​നം ന​ട​ത്തു​ന്ന​ത്. ഇ​വ​രി​ല്‍ ര​ണ്ടു​പേ​ര്‍ക്ക് സൂ​പ്പ​ര്‍ മാ​ര്‍ക്ക​റ്റി​ല്‍ ജോ​ലി​യും ന​ല്‍കി​യി​ട്ടു​ണ്ട്. 42 ല​ക്ഷം രൂ​പ​യാ​ണ് പ​ദ്ധ​തി ന​ട​ത്തി​പ്പി​നാ​യി ചെ​ല​വാ​യ​ത്. അ​ടി​സ്ഥാ​ന സൗ​ക​ര്യം നി​പ്മ​ര്‍ ഒ​രു​ക്കു​ക​യും മാ​ര്‍ക്ക​റ്റി​ങ് സെ​ഡാ​ര്‍ മാ​ര്‍ക്ക​റ്റി​ങ് ലി​മി​റ്റ​ഡ് ഒ​രു​ക്കു​ക​യും ചെ​യ്തു. രാ​വി​ലെ 10 മു​ത​ല്‍ നാ​ലു​മ​ണി വ​രെ​യാ​ണ് ഭി​ന്ന​ശേ​ഷി​ക്കാ​രാ​യ കു​ട്ടി​ക​ള്‍ക്ക് പ്രാ​യോ​ഗി​ക ദി​ന​ച​ര്യ​ക​ളി​ല്‍ പ​രി​ശീ​ല​നം ന​ല്‍കു​ക​യെ​ന്ന് നി​പ്മ​ര്‍ എ​ക്‌​സി​ക്യൂ​ട്ടി​വ് ഡ​യ​റ​ക്ട​ര്‍ ഇ​ന്‍ ചാ​ര്‍ജ് സി. ​ച​ന്ദ്ര​ബാ​ബു പ​റ​ഞ്ഞു. കൂ​ടാ​തെ ഭി​ന്ന​ശേ​ഷി​ക്കാ​രാ​യ കു​ട്ടി​ക​ളും വീ​ട്ടു​കാ​രും ഉ​ണ്ടാ​ക്കു​ന്ന ഉ​ൽ​പ​ന്ന​ങ്ങ​ള്‍ സൂ​പ്പ​ര്‍ മാ​ര്‍ക്ക​റ്റ് വ​ഴി വി​റ്റ​ഴി​ക്കു​ന്ന​തി​നു​ള്ള സൗ​ക​ര്യ​വു​മൊ​രു​ക്കി​യി​ട്ടു​ണ്ടെ​ന്ന് അ​ദ്ദേ​ഹം പ​റ​ഞ്ഞു.