ഉ​പ​യോ​ഗ​മി​ല്ലെ​ങ്കി​ൽ പി​ന്നെ​ന്തി​ന് ഈ ​ജ​ല​സം​ഭ​ര​ണി?

ഇ​രി​ങ്ങാ​ല​ക്കു​ട: മാ​ര്‍ക്ക​റ്റ് ജ​ങ്ഷ​ന് സ​മീ​പ​ത്തെ ഉ​പ​യോ​ഗ​ശൂ​ന്യ​മാ​യ ജ​ല​സം​ഭ​ര​ണി അ​പ​ക​ട​ഭീ​ഷ​ണി ഉ​യ​ര്‍ത്തു​ന്നു. മാ​ര്‍ക്ക​റ്റി​ല്‍ കു​രി​ശ​ങ്ങാ​ടി​യി​ലെ ജ​ല​സം​ഭ​ര​ണി​യാ​ണ് ഇ​രു​മ്പു​തൂ​ണു​ക​ള്‍ ദ്ര​വി​ച്ച് ഏ​തു​സ​മ​യ​വും നി​ലം​പൊ​ത്താ​മെ​ന്ന സ്ഥി​തി​യി​ലു​ള്ള​ത്. വാ​ട്ട​ര്‍ അ​തോ​റി​റ്റി നി​ല​വി​ല്‍ വ​രു​ന്ന​തി​നു​മു​മ്പ് പ​ബ്ലി​ക് ഹെ​ല്‍ത്ത് എ​ന്‍ജി​നീ​യ​റി​ങ് വ​കു​പ്പാ​യി​രു​ന്ന സ​മ​യ​ത്താ​ണ് ടാ​ങ്ക് സ്ഥാ​പി​ച്ച​ത്. ഇ​തി​ന​ടു​ത്തു​ള്ള കി​ണ​റ്റി​ല്‍നി​ന്ന് വെ​ള്ളം ടാ​ങ്കി​ലേ​ക്ക് എ​ത്തി​ച്ചാ​യി​രു​ന്നു വീ​ടു​ക​ളി​ലേ​ക്കും സ്ഥാ​പ​ന​ങ്ങ​ളി​ലേ​ക്കും കു​ടി​വെ​ള്ളം വി​ത​ര​ണം ചെ​യ്തി​രു​ന്ന​ത്. പി​ന്നീ​ട​ത് വാ​ട്ട​ര്‍ അ​തോ​റി​റ്റി​ക്ക് കൈ​മാ​റി. ന​ല്ല​രീ​തി​യി​ല്‍ പ്ര​വ​ര്‍ത്തി​ച്ചി​രു​ന്ന ജ​ല​സം​ഭ​ര​ണി പി​ന്നീ​ട് ഉ​പ​യോ​ഗ​ശൂ​ന്യ​മാ​യി.

കി​ണ​റും സ​മീ​പ​ത്തു​ള്ള ജ​ല​സം​ഭ​ര​ണി​യു​ടെ തൂ​ണു​ക​ളും കാ​ടു​ക​യ​റി. തൂ​ണു​ക​ളെ​ല്ലാം കാ​ല​പ്പ​ഴ​ക്കം​കൊ​ണ്ട് തു​രു​മ്പെ​ടു​ത്ത ദ്ര​വി​ച്ച അ​വ​സ്ഥ​യി​ലാ​ണ്. ഇ​തി​ന്റെ കാ​ലു​ക​ള്‍ ഏ​തു​സ​മ​യ​വും ത​ക​ര്‍ന്നു​വീ​ഴാ​വു​ന്ന അ​വ​സ്ഥ​യി​ലാ​ണ്. ജ​ല​സം​ഭ​ര​ണി​ക്ക് താ​ഴെ​യാ​ണ് മാ​ര്‍ക്ക​റ്റി​ലെ ചു​മ​ട്ടു​തൊ​ഴി​ലാ​ളി​ക​ളു​ടെ വി​ശ്ര​മ​കേ​ന്ദ്രം. വി​ദ്യാ​ര്‍ഥി​ക​ള്‍ അ​ട​ക്കം നൂ​റു​ക​ണ​ക്കി​നു​പേ​ര്‍ ദി​വ​സ​വും യാ​ത്ര​ചെ​യ്യു​ന്ന റോ​ഡാ​ണ് സ​മീ​പം. കി​ണ​ര്‍ ശു​ചീ​ക​രി​ക്കാ​ന്‍ പ​ല​വ​ട്ടം ആ​വ​ശ്യ​പ്പെ​ട്ടി​ട്ടും ന​ട​പ​ടി​യു​ണ്ടാ​യി​ല്ലെ​ന്ന് തൊ​ഴി​ലാ​ളി​ക​ള്‍ ആ​രോ​പി​ച്ചു. മാ​ര്‍ക്ക​റ്റി​ലെ അ​പ​ക​ടാ​വ​സ്ഥ​യി​ലാ​യ ജ​ല​സം​ഭ​ര​ണി പൊ​ളി​ച്ചു​നീ​ക്ക​ണ​മെ​ന്നാ​വ​ശ്യ​പ്പെ​ട്ട് ന​ഗ​ര​സ​ഭ​ക്കും വാ​ട്ട​ര്‍ അ​തേ​റി​റ്റി​ക്കും ക​ത്ത് ന​ല്‍കി​യി​ട്ടു​ണ്ടെ​ന്ന് കൗ​ണ്‍സി​ല​ര്‍ പി.​ടി. ജോ​ര്‍ജ് പ​റ​ഞ്ഞു. അ​തേ​സ​മ​യം ജ​ല​സം​ഭ​ര​ണി പൊ​ളി​ച്ചു​നീ​ക്കാ​നു​ള്ള സ​ര്‍വേ റി​പ്പോ​ര്‍ട്ട് പൂ​ര്‍ത്തി​യാ​യി​ട്ടു​ണ്ടെ​ന്ന് വാ​ട്ട​ര്‍ അ​തോ​റി​റ്റി അ​റി​യി​ച്ചു.