ഉദ്ഘാടനം കഴിഞ്ഞിട്ടും ജനകീയാരോഗ്യ കേന്ദ്രം അടഞ്ഞുതന്നെ

ഇ​രി​ങ്ങാ​ല​ക്കു​ട: നാ​ലു​വ​ർ​ഷ​മെ​ടു​ത്ത് നി​ർ​മാ​ണം പൂ​ർ​ത്തി​യാ​ക്കി​യ ആ​രോ​ഗ്യ കേ​ന്ദ്രം ഉ​ദ്ഘാ​ട​നം ക​ഴി​ഞ്ഞ്​ ദി​വ​സ​ങ്ങ​ൾ പി​ന്നി​ട്ടി​ട്ടും അ​ട​ഞ്ഞു​ത​ന്നെ. ആ​രോ​ഗ്യ രം​ഗ​ത്ത് ദേ​ശീ​യ​ത​ല​ത്തി​ൽ ഒ​ന്നാം​സ്ഥാ​ന​ത്ത് നി​ൽ​ക്കു​ന്ന സം​സ്ഥാ​ന​ത്തി​ലെ മൂ​ർ​ക്ക​നാ​ട് ജ​ന​കീ​യാ​രോ​ഗ്യ കേ​ന്ദ്ര​ത്തി​നാ​ണ് ഈ ​ദു​ർ​വി​ധി. ഇ​രി​ങ്ങാ​ല​ക്കു​ട ന​ഗ​ര​സ​ഭ​യി​ലെ ഒ​ന്ന്, ര​ണ്ട്, മൂ​ന്ന്, നാ​ല്, അ​ഞ്ച്, 40, 41 വാ​ർ​ഡു​ക​ളി​ലെ മൂ​വാ​യി​ര​ത്തോ​ളം വീ​ടു​ക​ളി​ൽ​നി​ന്നാ​യി 12,000ഓ​ളം പേ​ർ​ക്ക് പ്ര​തി​രോ​ധ കു​ത്തി​വെ​പ്പു​ക​ൾ അ​ട​ക്ക​മു​ള്ള ചി​കി​ത്സ​ക​ൾ​ക്ക് ആ​ശ്ര​യി​ക്കാ​വു​ന്ന സ്ഥാ​പ​ന​ത്തി​ന്റെ ത​റ​ക്ക​ല്ലി​ട്ട​ത് 2020 സെ​പ്റ്റം​ബ​ർ ആ​റി​നാ​ണ്. വ​ർ​ഷ​ങ്ങ​ളു​ടെ പ​ഴ​ക്ക​മു​ള്ള പ​ഴ​യ കെ​ട്ടി​ടം പൊ​ളി​ച്ച് ന​ഗ​ര​സ​ഭ​യു​ടെ പ്ലാ​ൻ ഫ​ണ്ടി​ൽ നി​ന്നു​ള്ള 17 ല​ക്ഷം രൂ​പ ചെ​ല​വ​ഴി​ച്ച് 720 ച​തു​ര അ​ടി​യു​ള്ള കെ​ട്ടി​ട​ത്തി​ന്റെ നി​ർ​മാ​ണ​ത്തി​നാ​ണ് ടി.​എ​ൻ. പ്ര​താ​പ​ൻ എ.​പി​യാ​യി​രു​ന്ന​പ്പോ​ൾ ത​റ​ക്ക​ല്ലി​ട്ട​ത്. തു​ട​ർ​ന്ന് 2022-23 വ​ർ​ഷ​ത്തി​ൽ ടൈ​ലു​ക​ൾ വി​രി​ക്കാ​ൻ മൂ​ന്നു​ല​ക്ഷം രൂ​പ കൂ​ടി അ​നു​വ​ദി​ച്ചു. മൂ​ന്ന് വ​ർ​ഷം കൊ​ണ്ടാ​ണ് കെ​ട്ടി​ട​ത്തി​ന്റെ നി​ർ​മാ​ണം പൂ​ർ​ത്തീ​ക​രി​ച്ച​ത്. 2023-24 വ​ർ​ഷ​ത്തി​ൽ വൈ​ദ്യു​തി വ​ത്ക​ര​ണം ഉ​ൾ​പ്പെ​ടെ​യു​ള്ള ന​വീ​ക​ര​ണ പ്ര​വൃ​ത്തി​ക​ൾ​ക്കാ​യി 12 ല​ക്ഷം കൂ​ടി അ​നു​വ​ദി​ച്ചു.

ന​വീ​ക​രി​ച്ച മൂ​ർ​ക്ക​നാ​ട് സ​ബ് സെൻറ​റി​ന്റെ ഉ​ദ്ഘാ​ട​നം ന​ട​ത്തി​യ​ത് ഈ​മാ​സം എ​ട്ടി​നാ​ണ്. എ​ന്നാ​ൽ, വൈ​ദ്യു​തി, ഫ​ർ​ണി​ച്ച​ർ തു​ട​ങ്ങി​യ സൗ​ക​ര്യ​ങ്ങ​ൾ ഒ​രു​ക്കാ​തെ​യാ​യി​രു​ന്നു ഉ​ദ്​​ഘാ​ട​നം. മൂ​ർ​ക്ക​നാ​ട് ശി​വ​ക്ഷേ​ത്ര​ത്തി​ന​ടു​ത്തു​ള്ള അം​ഗ​ൻ​വാ​ടി​യി​ലാ​ണ് സ​ബ് സെൻറ​ർ താ​ൽ​ക്കാ​ലി​ക​മാ​യി പ്ര​വ​ർ​ത്തി​ക്കു​ന്ന​ത്. നി​ർ​മാ​ണ പ്ര​വ​ർ​ത്ത​ന​ങ്ങ​ളും അ​നു​ബ​ന്ധ ന​ട​പ​ടി​ക​ളും പൂ​ർ​ത്തി​യാ​ക്കാ​തെ ന​ഗ​ര​സ​ഭ അ​ധി​കൃ​ത​ർ ഉ​ദ്ഘാ​ട​നം ന​ട​ത്തു​ന്ന പ​ദ്ധ​തി​ക​ളു​ടെ പ​ട്ടി​ക​യി​ലാ​ണ് മൂ​ർ​ക്ക​നാ​ട് ആ​രോ​ഗ്യ കേ​ന്ദ്ര​വും ഇ​ടം പി​ടി​ക്കു​ന്ന​ത്.